Yoni 1:14 - Loina Tabu Auwauna NT

¹⁴ Ona nina ni'atu 'edaya 'ietomotai, ga 'ina esaesa 'ena 'a'itena, tosinabwa sana 'ituyayalina, manuna tauna Yaubada natu'ai'ailina, ta wate tauna tooboboma ta adelina palupaluna maibo'ana.

Yoni 1:14 Referans Kwoze

1 Yoni 4:9

ga 'ina oboboma 'igieapwesena 'edaya Natuna 'enega, manuna Natuna tebweuna nina 'ietunenama, ga bale'uya 'imai, be 'aene yawasi 'ai'aila 'i'ebwa'eda.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

Yoni 1:1

Tuta 'ana 'ebe e'ale 'unuya Ona 'imiyami. Ta Ona nina tauna Keliso, Yaubada ma'iyana, ta tauna Yaubada nina.

Galetia 4:4

ta muliyega Yaubada natuna 'ina tuta bobo'ana 'ilobena, ga natuna 'ietunenama, ta sinana 'ienatunena, ga 'ietomotai 'emaya, nate 'abo'ama Mosese 'ina loinao siyoniyonima, be 'ediyega 'ida 'etoseyema, ta 'omi wate 'ida 'etoseyemi, be Yaubada maibo'ada ida 'awanatuneda.

Ibeliu 1:3

Ta Yaubada natunana tamana 'ina maedana 'imaemaedanae ta tauna Yaubada 'ilowa'eluna. Ta 'ina ona waiwaina 'enega yage maibo'ana galewaya ta bale'uya 'igiyagiyaidi. Ta 'ida to'umalinao 'ediyega 'igie 'esaseda, ga muliyega Yaubada Toloetana sana 'atainaya 'imiyatowa.

Yoni 6:51

'Abo'agu yawasimi 'ana masula galewega yamwa'utama, be 'abo yaita masula nina 'i'a'ani yawasina ataya 'ida 'ewa, ta masula nina ya'ebwa'emi bwalagu tuga, ta bwalagu yatagwalena me bale'u yauyaumi yawasimi manuna.”

Kolose 1:19

Ta Yaubada nuwanuwana, ga tauna 'ina waiwai be 'ina bubuna maibo'adi 'ediyega Yesu 'iloemaena,

1 Kolinita 15:47

Manuna gimitai Yaubada 'imweluluina bale'u 'enega, ta tai 'eluwena galewega 'imwa'utama.

Loma 8:3

Li'ama gete Mosese 'ina loina nigeya sawesawenaya, manuna bubuna tomota nenetana, ta esi Yaubada 'iguinuwena, manuna natu 'ai'ailina 'itagwalena ga 'imai bale'uya ga 'abo'ada toto'umalida bwalada 'i'otena, ga 'ida to'umalina manuna 'italiya ga to'umalina nina 'iewaiwai sinena,

1 Yoni 4:14

Ta 'abo'ama matamega Yaubada Natuna 'a'itena, ga manuna 'asimasimana 'aene Tamana bale'uya 'ietunenama 'aene 'ada To'etoseyana.

Kolose 2:9

Manuna Keliso namo 'enaya Yaubada 'ina waiwai ta 'ina bubuna maibo'ana simiyami.

2 Yoni 1:7

Ta tokabo yaudi ni'atu siapwesa bale'uya ga sieyaseyase, sigwae, “Yesu Keliso nigeya 'ieetomota.” 'Eguma yaita nadigega 'ikabo'esa, tauna Keliso 'ana talauwala.

E'ita'ita 21:3

Ga 'ebemi esaesa 'enega 'enana sinabwana yanonona, 'igwae, “'U'ita, Yaubada be 'ina tomota ma'enao sida miyami, manuna tauna ma'edi, be taudi 'ina tomotaiyao. Ona'ai'aila Yaubada ma'edi,

Ibeliu 5:5

Wate nadigega Keliso nigeya tauna 'igilagilagasi be 'ietotaliya, ta Yaubada 'iesinuwena ga 'ieonena, 'igwae, “'Oyo natugu. Batuwa tuga ya'awa natunemu.”

Ibeliu 10:5

'Enega tuta nina Keliso bale'uya 'imaiya, Keliso nina Yaubada 'ena 'igwae, “Taliyao be 'ebwayadaitao geya nuwayo, 'enega oogu 'u'ebwa'eguya 'imu guinuwa manuna.

Yoni 11:40

Ta Yesu Malida 'ieonena, “Ni'a yasimana 'emuya 'aene 'eguma 'uemisegu, ma'etamo Yaubada 'ina waiwai 'uda 'ita.”

Yoni 3:16

Ta Yaubada sa'i tomota maibo'adi bale'uya 'iobobomedi ga natuna tebweuna 'itagwalena be 'enega yaisigedi tauna 'ena siemisa, geya'abo simwawamwawasa ta esi yawasidi ataya sida loba.

Yoni 2:11

Gete 'ena Yesu 'ina paisewa waiwaina nuganuganina, 'ana we'iwe'iyaya 'igieapwesena 'asa Kena 'enaya, Galili senanaya, ga 'ina waiwai 'ie'itaena tomota 'ediya, ta 'ina tononoyao tauna siemisena.

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Ibeliu 1:5

Manuna nigeya 'ebweu tuta Yaubada 'ebweu anilose 'ena 'ida gwae, “'Oyo natugu, batuwa tuga ya'awa natunemu.” Nai wate 'ebweuna manuna 'igwae, “'Abo'agu 'eguya 'ida 'awatamana, ta tauna 'ena yada 'awanatuna.” Ona nidi getedi natuna namo manuna 'ionaedi.

Yoni 14:9

'Enega Yesu Pilipi 'ena 'igwae, “Ni'atu tuta dudulana 'abo'agu ma'emi tamiyami, ta tuga nigeya 'umwalamwalatonigu. Ta yaisigedi 'omi ni'atu wa'iteguya, 'omi wate Tamagu ni'atu wa'itena ga wamwalatonina. 'Enega to'ase manuna 'ugwae 'aene ‘Tamamuna 'uda e'itama’?

Luke 9:32

Ta Pita magosenao ni'atu si'eno mwataya, ta muliyega si'enotoolo, ga maedana sinabwana si'itena 'isae Yesu magosenao 'ediya.

Yoni 17:22

“Lowa 'imu esaesa maemaedanina 'u'ebwa'eguya ni'atu tomotai nidi ya'ebwa'edi, be 'enega sida e'ebweu, nadigega tuga 'abo'ada tae'ebweuna.

Yoni 3:18

“'Eguma yaita Yaubada Natuna 'iemisei, geya'abo bwa'omatana 'ilobaloba, ta 'eguma yaita nigeya 'iemiemisa, tauna ni'atu loina 'ena 'ilugu, manuna nigeya Yaubada natu'ai'ailina 'ena 'iemiemisa.

Luke 2:11

Ta ale nina gete, batuwa boboi nina Debida 'ina 'asaya 'ami To'etoseyana ni'atu 'itubuwa, tauna 'ida 'Inapwana Keliso.

Ibeliu 2:11

Yesu nina 'ada To'etoseyana ga 'abo'ada wate 'igie'esaseda, ta tauna be 'abo'ada Yaubada 'enega tamai, 'enega geya'abo Yesu 'iomayamaya manuda, ta esi 'i'awa'awa tasineda,

2 Kolinita 12:9

ta 'igu sida nina 'ie'isena, 'igwae, “Geya'abo, ta esi 'igu oboboma namo sawesawemuya, be 'imu neneta 'ena 'igu waiwai 'uda lotoona 'aene sawesawenaya.” 'Enega 'igu nenetao manudi yagwaugwausowala be yada onagagasa, manuna 'igu tuta neneta 'ediya Keliso 'ina waiwai 'eguya 'imiyami.

Madiu 1:16

Yekobe natuna Yosepa, tauna Meli mwanena, ta Meli natuna Yesu, ta Yesu nina sieesena To'etoseyana.

Kolose 2:3

Ta Keliso nina 'ena sinasinapu be mwalatoi maibo'adi simiyami, nate 'ida esaesa sinabwana.

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

Loma 9:5

gimi 'inapwanao 'ediya, taudi nadigega Ebelaamo be, Aisake be, Yekobe be, ga muliyega 'idi boda nina 'enega Keliso 'iapwesa. Be yage gete manudi Yaubada tauna Toloetana sana tada tupuna tuta maibo'ana 'ediya. Eimeni.

Luke 2:7

'enega gwama nina 'oama 'ediyega 'iwaduna ga yobai 'idi 'ebe 'e'ai 'enaya 'isa'una. Manuna anuwa 'owaga ni'atu 'imaa, 'enega nigeya 'ebweu wate mwatui manudi be 'ena silulugu.

Guinuwa 13:33

ga ni'atu 'igieapwesena 'epata auwauna 'abo'ada 'edaya, tuta nina Yesu mwawasega 'igietoolona. Gete manuna Same 'eluwena 'ena Yaubada 'ina ona sigimi simanena, 'igwae, ‘'Oyo natugu, batuwa 'ena ya'awa natunemu.’

Yoni 8:32

'Enega 'omi mwalatoi 'ai'aila wada mwalatoni, be gete 'enega li'ama wada loba.”

Yoni 17:24

“Tamagu ye, taudi ni'atu 'u'ebwayaedi 'eguya nuwanuwagu be ma'egwao 'ada miyami. Ta gote 'ena 'igu esaesa nina 'u'ebwa'eguya sida 'ita, manuna muliyega be bale'u 'ana mweluluwa ta 'oyo 'ugimi obobomegu.

Yoni 18:37

'Enega Pailato 'ienaidena, 'igwae, “'Aene 'oyo 'ebweu kini, aga?” Ta Yesu 'igwae, “'Oyo 'uona 'aene 'abo'agu 'ebweu kini, aga? Ta 'abo'agu tuga yatubuwa ga yamai bale'uya be 'aene yada etosimana ona palupaluna manuna, ta 'abo yaisigedi taudi ona palupaluna 'ina sena 'ena simiyami, taudi nate 'enagu 'ana tononoyao.”

E'ita'ita 19:13

Ta 'ana 'oama nina 'i'otenaya, lala 'enega 'iepwasena, ta 'ana esana sieesena, sigwae, “Yaubada 'ina Ona.”