Yemesa 5:6 - Loina Tabu Auwauna NT

⁶ Manuna taudi topalupaludi wabwa'obwa'o matadi, nai waloemwawasidi, ta nigeya sawesawenaya be 'emiya sie'isa.

Yemesa 5:6 Referans Kwoze

Yemesa 4:2

'Aina tuta nuwanuwami be gosemiyao 'idi gwegwe wa'ewadi, ta nigeya sawesawemiya, 'enega waloemwawasidi. Ta yage nidi wayato'aiyedi nigeya sawesawemiya be wa'ewadi, 'enega gosemiyao 'ediya waegewagewana be walosaiyedi. Ta yage nidi nigeya wada lobedi manuna nigeya manudi wada sidasida Yaubada 'enaya.

Guinuwa 8:32

ta sawa nina ni'atu 'isawena gete nadigega 'igwae, “Tauna 'atuwa sipi 'iabe siunu, nai nadigega lami, 'abo unuununa 'ana to'upwa matanaya 'itootoolo, nigeya 'ebweu wate 'enana 'ida ona apwesena.

Madiu 5:39

Ta 'abo'agu yaloinemi 'aene geya'abo e'isa, ta esi 'eguma yaita 'ase'ase 'ataiyo 'isapi, geya'abo nimana 'ue'isaile, ta esi gegeumiyo wate 'utagwale be 'isapi.

Ibeliu 10:38

'Enega yaisigedi topalupaludi 'idi emisega yawasidi bobo'ana sida loba, ta 'abo 'idi 'atesa'alega sisanaila, Yaubada geya nuwana tomotai nidi.

Guinuwa 22:14

Ta 'ieonegu, “Tubudao 'idi Yaubada 'iesinuwemu be 'ina nuwena 'uda mwalatoni, be Topalupalu nina 'uda 'ita, be 'enana 'uda nono,

Yemesa 2:6

Ta esi togomabeso nigeya wa'ama'amayabedi. Ta sa'i taudi toesaesao loina mwau si'ebwa'ebwa'emi, ta wate si'alaetuetunemi 'ebe etala 'ediya.

Guinuwa 7:52

Ona'ai'aila, tubumiyao palopitao maibo'adi sibubuna geyogeyoiyedi ga siloemwawasidi, palopitao nidi taudi Topalupaluna 'ina mai sigimi simanena, 'enega 'omi wate Topalupaluna nina wasipupuyena ga waloemwawasina.

Madiu 27:20

Ta esi totaliyao sinabwadi be 'inapwanao tomota siloa'etu'etunedi be 'aene sisisida Pailato 'ena be Balaba 'ili'ami 'ediya ta Yesu sida loemwawasi.

Madiu 21:38

“Ta natunana 'iapwesa 'ediya ga to'ita'i'itao nidi taudimo 'ediya sigwae, ‘Gosemao, tai gote 'imeema, tauna 'inapwana nina natuna 'ebweuna namo tuga, 'enega batuwa nina taloemwawasi be 'abo'ada bagula taloine.’

1 Pita 4:18

Ta ni'atu Buki Tabu 'ena 'isimana, 'igwae, “Yaubada 'ena mwauna be 'aene tobobo'adi 'ida 'etoseyedi, ta esi toto'umalidi, taudi Yaubada 'ana toe'idi'idiyao 'adi 'etoseyana mwau wawasae.”