Yemesa 5:16 - Loina Tabu Auwauna NT

¹⁶ 'Enega 'ebweuna 'ebweuna 'emiya 'imi to'umalinao wada simanedi, be manudi wada sidasida, be 'enega 'imi bobo'ana wada loba. Ona'ai'aila, topalupaludi 'idi sidasida waiwai wawasae.

Yemesa 5:16 Referans Kwoze

Madiu 21:22

Be 'abo ma imi emisa Yaubada 'ena wasisida, ma'etamo waloloba.”

Yoni 9:31

Ni'atu tamwalatonina 'aene Yaubada nigeya toto'umalidi 'enadi 'ida muliyedi, ta esi 'eguma 'ebweu yaita Yaubada 'ida 'amayabe be 'ina nuwena 'ida guinuwei, Yaubada tai nina 'enana 'ida muliye.

1 Pita 2:24

Ona'ai'aila, Keliso tauna oonega 'ida to'umalinao 'i'aalidi kelose 'enaya, be gote 'enega 'aene 'ida bubuna to'umalidi sigugumwala, ta bubuna palupaluna 'enega tatatauya. Tauna 'ana badi 'enega 'imi bobo'ana walobena.

1 Yoni 3:22

be 'abo to'ase taside 'enaya 'ida 'ebwa'eda, manuna tauna 'ina loinao taematamatanedi, ta 'ida guinuwao manudi 'igwausowala.

Guinuwa 19:18

Ta toemisa auwaudi yaudi simai ga bodao matadiya 'idi bubuna guguyoi sisimanedi, 'aene taudi wate si'oba'oba.

1 Tesalonaika 5:17

Nadigega wate sidasida Yaubada 'enaya geya'abo walosalosa'u.

Ibeliu 12:13

be 'imi 'eda wada giepaepaluyedi, be 'abo tolopegoi sitautauya, geya'abo 'ena sibe'ube'u ta esi 'idi lopegoi nidi sida bobo'ana be taudi wate sida ewaiwai.

1 Tesalonaika 5:25

Gosemao, wada sidasida manuma Yaubada 'enaya.

Madiu 3:6

ga 'idi bubuna to'umalina sisimanedi, ta 'enega 'igiebapitaisoedi bwasi Yolidani 'enaya.

Ibeliu 13:18

Nuwanuwama wate be 'abo'ama 'ima guinuwa manuna wada sidasida Yaubada 'enaya. Gete tuga 'anuwena 'aene 'ima bubuna bobo'ana, ta nuwanuwama be bubuna bobo'ana nina 'enaya 'ada toolo ataya.

Ibeliu 11:7

Noa wate Yaubada 'ie'itena 'aene to'ase 'iabe 'iapwesa 'ediya, 'enega Noa nina 'ina emisega 'ina waga 'ana esana aki 'italena be 'enega tauna ma ina susuyao 'i'etoseyedi. Gote 'ena 'ie'itaena 'aene tomota maibo'adi toto'umalidi, ta tauna tai palupaluna 'ina emisa manuna.

Loma 5:19

Nadigega wate 'ebweu tai 'ina loinale'oa 'enega tomota maibo'adi sito'umalina, ta wate 'ebweu tai 'ina tagwalega tomota yaudi 'igie'esasedi.

Loma 3:10

Nadigega Buki Tabu 'ina simana 'igwae, “Nigeya 'ebweu yaita 'ina bubuna palupaluna.

Ibeliu 11:4

'Enega Ebeli wate ma ina emisa 'italiya Yaubada 'enaya, 'enega 'ina taliya nina Keni 'ina taliya 'ibobo'ana sinena, ta Yaubada 'igwausowala Ebeli 'ina taliya manuna ga 'i'awa palupaluyena. Ebeli nina ni'atu bale'u 'ipilisinena ta esi 'ina emisa 'enega 'ie'ie'ita 'edaya.

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

1 Tesalonaika 5:23

Yaubada tauna gwausowala 'alena 'enega yaluyaluwami be nuwami ta oomi 'ida gie'esasa 'ai'ailidi be sida maedana, be 'enega ma imi bubuna bobo'ana wada miyami be 'ana laba Yesu Keliso 'iila limanama.

Kolose 1:9

Tuta nina tetelimi 'agimi nonona ga 'ana laba batuwa, nigeya 'ima sidasida manumi 'ada losa'u, ta esi Yaubada 'ena 'a'awa'awanoi be 'aene Yaluyaluwa Tabuna 'ida gienuwa sabwalenimi, be 'enega wada mwalatoi 'ai'aila to'ase 'ina nuwena manumi,

Luke 9:6

Ta 'enega tononoyao nidi sitauya ga sena maibo'adi 'ediya sisakowasi ga tetela bobo'ana siloguguyaena, ta wate tole'oasao sena 'ebweuna 'ebweuna 'ediya sigie bobo'anedi.

Maki 1:5

Ta tomota yauyaudi sena Yudia maibo'ana 'enega be 'asa Yelusalema 'enega sidelima Yoni 'ina guguya sabi nonona, ga 'idi bubuna to'umalidi sisimanedi, ga 'igiebapitaisoedi bwasi Yolidani 'enaya.

Guinuwa 8:24

Ta Saimoni 'igwae, “Wasidasida 'Inapwana 'ena be yage nidi to'umalidi wasimanediya, geya'abo 'eguya simeemai.”