Yemesa 5:11 - Loina Tabu Auwauna NT

¹¹ Ta 'abo yaisigedi taudi nadigega tada eesedi togwausowala, manuna mwau nidi 'ediyega sitoolopa'ala. Ta gete wate 'ebweu 'ebe'ita Yobi 'ina 'alama'i'ita manuna. Ni'atu wamwalatonina 'aene Yobi nina 'ina miyamwau 'ana 'ebe losalowa 'enaya, 'ana 'etoseyana 'ilobena 'ida 'Inapwana 'enega. Manuna tauna 'Inapwana nina oboboma ta 'atenuwa'ole'ole 'alena.

Yemesa 5:11 Referans Kwoze

Yemesa 1:12

'Abo yaita 'oyo 'ebe toonayao 'ediyega 'utoolo pa'ala, 'uda gwausowala. Manuna 'amu pali bobo'ana Yaubada 'enega 'uda loba, nate yawasi ataya. Gete Yaubada 'ina onaupaupa maibo'ana 'edaya, 'abo taobobome.

Madiu 10:22

Ta tomota maibo'adi sida etalauwalemi manuna 'omi 'aene 'agu toemisao. Ta 'abo yaisigedi sie'alama'i'ita be sitoolopa'ala ga 'ana laba tuta 'ana 'ebe losalowa 'enaya, gwausowala ataya sida loba.

2 Pita 2:9

'Enega tamwalamwalatoni 'aene Yaubada tobobo'adi 'ebe tooyao 'ediyega 'ida 'etoseyedi, ta toto'umalidi 'iloinedi be 'ana laba 'asiyata bwa'omatana 'enaya.

1 Pita 1:13

'Enega yage gete manuna 'imi nuwanuwa maibo'ana wagiepa'alidi, be 'imi emisa wada sa'u 'ai'ailidi, 'aene tuta nina Yesu Keliso 'ida apwesama 'ebe gwausowala wada loba Yaubada 'enega.

Luke 6:36

'Enega 'omi wate wada 'atenuwa'ole'ole tuga, nadigega Tamami 'i'atenuwa 'ole'ole'esemi.

Ibeliu 10:39

Ta 'abo'ada geya'abo tasanasanaila, manuna nate 'ebe esilae. Tuwa tuga ma ida emisa be 'enega yaluyaluwada simiya bobo'ana.

Ibeliu 3:14

'Abo'ada lowa 'ida emisa Keliso 'ena tasa'una, ta 'abo 'ida emisa nina tagiyai'i'isi be 'ana laba tuta 'ana 'ebe losalowa 'enaya, Keliso ma'edai taegwausowala leleleya.

Epeso 2:4

Ta 'enega 'ida loegesiyao siloemwawasida, ta esi Yaubada 'ina 'atenuwa'ole'ole tosinabwa sana ga 'ina oboboma sinabwana 'edaya 'ediyega 'igietoolo limeda, Keliso ma'edai. Yaubada tauna 'ina 'ebwayadaita 'enega 'i'etoseyeda,

Ibeliu 3:6

Ta Keliso Yaubada 'ina anuwaya 'ietapewa nigeya toguinuwa 'atuwa ta esi tauna natu 'ai'ailina. 'Abo'ada Yaubada 'ina anuwa nina tuga, 'eguma taemisa ataya ma ida 'atepatu be ma ida gwausowala.

Epeso 1:6

be Yaubada tada tupui gete oboboma bobo'ana wawasae manuna, tauna Natu 'ai'ailina 'i'ebwaya daitena manuda,

Loma 2:4

Ta geya'abo Yaubada 'ina oboboma wa'awa'awa yage besobesoe, manuna 'i'atenuwa 'ole'oleyemi, ga manumi 'ie'alama'i'itanena, be 'aene 'imi to'umalinega 'ida giesana ilemi.

Luke 1:50

Tauna 'ana to'amayabao 'epata 'ebweuna 'ebweuna 'ediyega 'i'atenuwa 'ole'oleyedi.

Yemesa 1:2

Tasigwao, tuta simeemai 'ediya 'abo 'ebe toona yaudi ta wate mwaudi walobadi, manudi wada gwausowala,

1 Pita 3:14

Ta geya'abo tomota wamatamatautedi nai wanuwanuwa mwau 'ediya, ta esi wada gwausowala, 'abo yage bobo'ana waguiguinuwe be sigie'elouyaemi,

Luke 11:10

Ona'ai'aila 'eguma tasisida, Yaubada 'i'ebwaya 'edaya, be 'eguma ta'ebesa ma'etamo taloloba, be wate 'eguma ta'aukeke 'enega 'ali 'ida gigege.