Yemesa 3:6 - Loina Tabu Auwauna NT

⁶ Ta 'awada nadigega kaiwe 'ina bubuna, manuna yage maibo'adi to'umalidi 'idi 'ebe e'ale. 'Enega ooda maibo'ana tagieto'umaliye 'awa nina gidalina 'enega. Ona'ai'aila, to'umalina maibo'ana 'imeema Seitani tauna 'enega, be yage maibo'adi 'awadega 'igieto'umaliyedi.

Yemesa 3:6 Referans Kwoze

Maki 7:15

Nigeya 'ebweu to'ase tomota ta'e'ani be sigiegie bailida, ta esi yage nidi 'atedega siapweapwesa sawesawediya be sigiebailida.”

Luke 16:24

'Enega 'ibwautoila ga 'igwae, ‘Tamagu ye! 'Uda 'atenuwa 'ole'oleyegu be Lasalo 'uda etunenama be bwasi gonitu nimanega meyagu 'ida giegonitu, manuna gete tuga ya'elo'elouya sinabwana kaiwe sabelulu 'enaya.’

3 Yoni 1:10

ta 'ilo'aegilegu; ta wate gosedao 'ie'idi'idiyedi, be 'eguma 'aidi 'emiyega nuwanuwadi be silemedi 'i'eto'etobodedi, ta toekalesiyao nidi 'ipa'ipa'idi. 'Enega 'abo to tuta yaapwesawa, 'ina bubuna nidi manudi yada onaona.

Yemesa 2:7

Wada nuwa'i'isi wate 'aene 'ida 'Inapwana 'ana esana 'i'ebwa'eda, ta taudi esiya 'ana esana nina si'awa'awa to'umaliye.

Guinuwa 6:13

ta toe'ewa kabokabo nidi sibwauyedima, ta taudi sigwae, “Tai gete, tuta yauyauna 'ediya, Mosese 'ina loinao be Anuwa Tabu gete wate 'isinalidi,

Guinuwa 5:3

'Enega Pita 'ieonena, 'igwae, “Ananayasi, to'ase manuna Seitani nuwayo 'i'ewena ga tanowa 'ana maisa tupwana 'ukwaiyena? Nate 'imu kabo Yaluyaluwa Tabuna 'enaya.

Madiu 12:24

Ta sa'i Palisiyao guinuwa gete alena sinonona ga sigwae, “Nigeya, ta esi yaluyaluwa bi'i 'idi 'inapwana 'ana esana Bielisibubi 'ina waiwaiyega yaluyaluwa bi'i 'iula apwesedi.”

Madiu 5:22

Ta 'abo'agu yaloinemi 'abo yaita tasina 'igamwasowale, loina 'ida loba. Ta 'eguma 'i'awa to'umaliye, loina 'ida loba toloinao 'ediyega. Ta wate 'eguma 'i'awa uwauwae, ma'etamo 'ilulugu 'asagabugabu 'enaya.

E'ita'ita 19:20

Gote 'ena yobai nina ma ina palopita kabokabo sigiyaidi, ga mayawasidi siuledi yaiyai sinabwana solanaya. Palopita kabokabo nina tauna lowa 'ina guinuwa waiwaidi 'iguinuwedi yobai nina matanaya ga 'ediyega tomota 'ikaboediya, taudi yobai nina 'ana we'iwe'iyaya 'ediya 'imiyami, ta 'ina tokwalui nina 'ana tobwagobwagoyao.

E'ita'ita 18:23

“'Enega mayale 'idi maedana 'enaya geya'abo siapweapwesa. Ta wate geya'abo toaiyao 'enadi 'asa nina 'enega sinoono. “Ona'ai'aila, bale'u maibo'ana 'enega 'asa nina 'ana toesaesao siloetana wawasae, ga 'idi nabwasuwa 'ediyega mali sena tomoteninao sikaboedi.

E'ita'ita 13:14

Ta ni'atu tagwala 'ilobena be 'enega yobai nina olega matanaya edeedede nidi 'iguinuwedi, ga gote 'ena me bale'u maibo'adi 'ikaboedi. Ta 'ina kabo nidi 'ediya 'igwae, “Tokwalui 'ebweuna wabubu, be 'ana 'ita 'atuwa yobai nina sisisaiyega 'iesilae, ga 'ibobo'ana limana.”

E'ita'ita 12:9

Yobai nina bweyabweyalina ta sinabwana, tauna gimimwata 'ana esana Seitani, 'atuwa Taumudumudulele, tauna bale'u 'ana tokabo. Tauna ma ina aniloseyao maibo'adi bale'uya siula mwa'utedi.

2 Pita 3:3

Ta 'ebweu yage wada gimimwalatoni 'aene tuta 'ana 'ebe losalowa 'enaya 'aina totuyeya sida apwesa, be 'Inapwana 'ina 'eda manuna sida onaona besobeso, ta situyetuyeya, be taudi 'idi nuwanuwa to'umalidi simuliyedi,

Taito 1:11

'Enega 'idi ona kabokabo manuna 'u'etobodedi, manuna mali susu be mali susu sigiegie kwanidi, ta 'idi e'ita kabokabo nidi 'enega nuwanuwadi mani siloba.

Guinuwa 20:30

Ta wate 'omi 'iabe 'emiyega 'aidi sida e'ale be sie'ita kabokabo 'emiya be 'aina tomota sida lisidi taudi 'idi bodao 'ediya.

Yemesa 3:7

Tomota 'abo'ada sawesawedaya be yobai tagiepanaisidi, taudi nadigega bomitawa be manuwao be yobai kawakawalidi ta wate iyanao,