Yemesa 1:2 - Loina Tabu Auwauna NT

² Tasigwao, tuta simeemai 'ediya 'abo 'ebe toona yaudi ta wate mwaudi walobadi, manudi wada gwausowala,

Yemesa 1:2 Referans Kwoze

Yemesa 1:12

'Abo yaita 'oyo 'ebe toonayao 'ediyega 'utoolo pa'ala, 'uda gwausowala. Manuna 'amu pali bobo'ana Yaubada 'enega 'uda loba, nate yawasi ataya. Gete Yaubada 'ina onaupaupa maibo'ana 'edaya, 'abo taobobome.

Pilipai 1:29

Manuna Yaubada ni'atu 'itagwala 'emiya be Keliso 'ena waemiemisa, be tauna wate manuna wada 'elouya,

2 Pita 2:9

'Enega tamwalamwalatoni 'aene Yaubada tobobo'adi 'ebe tooyao 'ediyega 'ida 'etoseyedi, ta toto'umalidi 'iloinedi be 'ana laba 'asiyata bwa'omatana 'enaya.

Kolose 1:24

'Enega gete tuga 'igu 'elouya 'omi manumi yalobalobadi, ta tuwa tuga ma igu gwausowala. Taugu bwalagu 'ina 'elouya be Keliso 'ina 'elouya 'iloeposeyanena ga 'isinabwa toekalesiyao manudi, nate taudi Keliso oona.

E'ita'ita 2:10

Ta geya'abo wamatamatauta 'abo to yage 'ena 'elouya waloba. Wada nuwa'i'isi 'aene 'etamo Seitani 'ida wasegigiyemi be 'aimi sida yonimi be deliya sida sa'umi, ta esi 'ami mwau nidi 'asiyata sanau dimo manudi. “Ta wada toolopa'ala 'ana laba mwawasa, be 'enega yawasimi ataya yada 'ebwa'emi.

Guinuwa 5:41

Ta sili'amidi ga siapwesa, ga sitauya taudi 'idi boda 'ediya ma idi gwausowala, manuna sawesawediya be 'elouya nidi silobadi Yesu 'ana esana manuna.

Ibeliu 10:34

Ta wate 'aidi deliya sisa'udi ga manudi wa'ate uyauya ga walemedi. Ta wate tuta nina tomota 'imi yageyao 'ediya si'anawala, wagwausowala 'ai'aila, manuna wamwalatonina 'aene galewaya 'imi yageyao bobo'ana wawasae ta miyamiya atayadi simiyami.

Pilipai 2:17

Wate 'eguma 'iabe 'agu talauwalao siloemwawasigu, 'atuwa nadigega sitaliyaegu, yada gwausowala tuga, be 'omi wate wada gwausowala. 'Omi lowa wataliya Yaubada matanaya, tuta nina Yesu waemisena; ta 'igu mwawasa 'imi taliyao 'ida loeposeyanedi.

Loma 5:3

Ta wate tada gwausowala tuta 'elouya 'ediya, manuna 'elouya nidi 'ediya, 'eguma tae'alama'i'itana,

Yemesa 1:16

Kagutoki tasigwao, geya'abo 'imi nuwanuwa wasa'usa'u gesiyedi.

Yemesa 1:19

Tasigwao, 'ilobwenemi be ona wada enono 'ai'aila, ta geya'abo onalimana be gamwasowala 'ediya waewaiwai.

Yemesa 5:11

Ta 'abo yaisigedi taudi nadigega tada eesedi togwausowala, manuna mwau nidi 'ediyega sitoolopa'ala. Ta gete wate 'ebweu 'ebe'ita Yobi 'ina 'alama'i'ita manuna. Ni'atu wamwalatonina 'aene Yobi nina 'ina miyamwau 'ana 'ebe losalowa 'enaya, 'ana 'etoseyana 'ilobena 'ida 'Inapwana 'enega. Manuna tauna 'Inapwana nina oboboma ta 'atenuwa'ole'ole 'alena.

Pilipai 2:18

'Enega 'ilobwenena be 'omi ma'egwao tada egwausowala leleleya.