Yemesa 1:12 - Loina Tabu Auwauna NT

¹² 'Abo yaita 'oyo 'ebe toonayao 'ediyega 'utoolo pa'ala, 'uda gwausowala. Manuna 'amu pali bobo'ana Yaubada 'enega 'uda loba, nate yawasi ataya. Gete Yaubada 'ina onaupaupa maibo'ana 'edaya, 'abo taobobome.

Yemesa 1:12 Referans Kwoze

1 Pita 5:10

Yaubada tauna 'atenuwa'ole'ole 'alena ni'atu 'ibwauyeda be 'aene 'ina esaesa miyamiya atayana 'ena tada miyami Keliso ma'eda. Ta 'imi 'elouya tuta kukupana namo be sigugumwala, ta muliyega Yaubada 'ida gie'esasemi be 'ida giepa'alimi be 'ida giewaiwaiyemi be 'aene wada miya bobo'ana.

E'ita'ita 2:10

Ta geya'abo wamatamatauta 'abo to yage 'ena 'elouya waloba. Wada nuwa'i'isi 'aene 'etamo Seitani 'ida wasegigiyemi be 'aimi sida yonimi be deliya sida sa'umi, ta esi 'ami mwau nidi 'asiyata sanau dimo manudi. “Ta wada toolopa'ala 'ana laba mwawasa, be 'enega yawasimi ataya yada 'ebwa'emi.

Yemesa 5:11

Ta 'abo yaisigedi taudi nadigega tada eesedi togwausowala, manuna mwau nidi 'ediyega sitoolopa'ala. Ta gete wate 'ebweu 'ebe'ita Yobi 'ina 'alama'i'ita manuna. Ni'atu wamwalatonina 'aene Yobi nina 'ina miyamwau 'ana 'ebe losalowa 'enaya, 'ana 'etoseyana 'ilobena 'ida 'Inapwana 'enega. Manuna tauna 'Inapwana nina oboboma ta 'atenuwa'ole'ole 'alena.

Loma 8:28

Gete 'enega tamwalatonina 'aene 'abo Yaubada taobobome 'iabe to'ase be to'ase talobaloba maibo'ana 'igiepaepaludi, manuna tauna 'ina nuwanuwa nadigega ga 'ibwauyeda.

Madiu 10:22

Ta tomota maibo'adi sida etalauwalemi manuna 'omi 'aene 'agu toemisao. Ta 'abo yaisigedi sie'alama'i'ita be sitoolopa'ala ga 'ana laba tuta 'ana 'ebe losalowa 'enaya, gwausowala ataya sida loba.

1 Kolinita 9:25

Ta yaisigedi taudi bale'uya sitoo waiwai, ta sie'alama'i'itana 'idi toona 'enega, be 'aene pali sawasawalina sida loba, ta esi 'abo'ada tatoo waiwai be pali miyamiya atayana galewega tada loba.

1 Pita 3:14

Ta geya'abo tomota wamatamatautedi nai wanuwanuwa mwau 'ediya, ta esi wada gwausowala, 'abo yage bobo'ana waguiguinuwe be sigie'elouyaemi,

2 Timoti 4:8

'Enega ma'etamo 'ida 'Inapwana 'agu pali, bubuna palupaluna manuna, 'i'ebwa'egu. Ta pali nina ni'atu manugu 'igibubuna ga 'imiyami. Ta 'Inapwana nina ma ina loina palupaluna, 'abo 'asiyata nina 'iapwesama, 'abo'ada 'ina ilalimanama 'ana toyamwanao 'ada pali 'i'ebwa'eda.

Yemesa 2:5

Tasigwao, 'igu ona gete wada nonodi, 'aene Yaubada togomabeso bale'uya 'iesinuwedi be emisa 'enega sida eesaesa. Manuna Yaubada 'ina 'ebeloina 'iona upaupaena be 'ena sida apwesa, 'abo tauna siobobomena.

1 Pita 5:4

Be 'enega tuta nina To'ita'i'ita sinabwana 'iapwesama, tauna 'enega 'ami pali bobo'ana ta miyamiya atayana waloba.

1 Kolinita 2:9

Ta esi 'ida gwausowala nina manuna Buki Tabu 'ina simana 'igwae, “Geya'abo tagwaegwae Yaubada 'ana toobobomao 'adi lema bobo'ana manudi 'igibubuna, manuna gete tuga nigeya 'ebweu wate tomota 'i'ita'ita, nai 'inonono, be 'ida nuwa sabwalena lema nina bobo'ana wawasae.”

E'ita'ita 3:21

“Ta 'abo yaita 'omi 'iewaiwai, yada tagwala 'enaya be ma'iyagu 'ada miyatowa 'igu 'ebemi esaesa 'ena, nadigega tuga 'abo'agu yaewaiwai, ga Tamagu 'ina 'ebemi esaesa 'ena ma'iyagu 'amiyatowa.

1 Pita 4:13

Ta esi wada gwausowala manuna Yesu Keliso 'elouya 'ilobena, ga 'omi nadigega tuga walobaloba'ese, be muliyega tuta nina 'ina esaesa 'iapwesama wada gwausowala 'ai'aila.

1 Kolinita 8:3

ta esiya 'abo Yaubada taobobome, 'abo'ada Yaubada 'imwalatonida 'aene bobo'ada.

E'ita'ita 3:19

“Ta wada nuwa'i'isi 'aene yaisigedi 'omi yaobobomemi, 'enapa'alega be loinega yagiepaepaluyemi. 'Enega wada ewaiwai be 'imi to'umalina 'enega wada nuwa'ebuni.

Ibeliu 10:32

Gosegwao, lowa maedana 'ina gimimai 'emiya wanuwa'i'isi tuta nina 'imi miyamwau 'ediyega wae'alama'i'itana,

Ibeliu 6:15

Ta Ebelaamo nina 'i'alama'i'ita tuta dudulana, ga onaupaupa uwana 'ilobena.

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Ibeliu 11:17

Ebelaamo wate ma ina emisa tuta nina 'ebe toona 'ilobena Yaubada 'enega ga 'aene natu 'ai'ailina Aisake 'italiyae Yaubada 'enaya. Lowa Yaubada 'ina onaupaupao 'i'ebwa'edi Ebelaamo nina 'enaya, ta wate 'igwae, “Aisake 'enega 'imu boda 'ida apwesa,” 'enega Ebelaamo natunana 'itagwalena be 'ida loemwawasi,

1 Yoni 4:19

Ta 'ida oboboma nina 'alena gete manuna Yaubada 'igimi obobomeda.

Ibeliu 12:5

Nai guguya wanuwa pupulena, guguya nina 'ena 'i'awa natunemi, 'igwae, “Natugu, 'abo tuta nina 'Inapwana 'iemata sabuyeyo sabi giepaepaluyeyo, gete manuna 'uda nuwanuwa ta geya'abo wate 'uneeneta.

Luke 6:22

'Abo'agu Tomota Natuna ta wada gwausowala 'eguma manugu tomota sietalauwalemi, nai siguitoyasemi, nai silo'aegilemi nai si'awa to'umaliyemi.

Loma 5:4

'iabe 'ediyega 'ida bubuna sida palupalu. Gote 'enega tanuwayaina 'aene ma'etamo Yaubada 'ida obobomeda.

2 Timoti 2:15

'Enega wate 'uetapewa waiwai be tetela bobo'ana 'ana e'ita 'ai'aila manuna 'ugwaunuwa be 'aene 'oyo Yaubada 'ina toguinuwa be ma'etamo matanaya 'uapwesa be 'ida 'awabobo'aneyo.

1 Pita 4:14

Ta 'abo tomota si'awa to'umaliyemi 'imi emisa Keliso 'enaya manuna, wada gwausowala tuga, manuna Yaubada yaluyaluwana 'esasena ni'atu 'emiya 'imiyami.