Taito 1:15 - Loina Tabu Auwauna NT

¹⁵ Tomota 'esasedi 'ediya yage yauna 'esasedi, ta taudi tetela bobo'ana 'ana tologuitoyasao, ta 'idi bubuna to'umalidi, taudi 'ediya nigeya 'ebweu wate yage 'esasena, manuna 'idi nuwanuwao maibo'ana to'umalidi.

Taito 1:15 Referans Kwoze

Loma 14:14

Ta ona'ai'aila, 'ida 'Inapwana Yesu ni'atu 'igienuwa sabwalenigu ga yamwalatonina 'aene nigeya 'ebweu masula 'eto'etobodana 'imiyami, ta esi 'abo 'ebweu tomota 'inuwena 'aene 'aina masula 'eto'etobodadi, 'etoboda nidi tauna tuga manuna.

Loma 14:20

Ta esi geya'abo 'ami 'e'ai 'enega Yaubada 'ina guinuwa wagiegie to'umaliye, manuna masula maibo'adi bobo'adi, ta 'abo 'aina masula 'ediyega gosedai tagiebe'uye, masula nina geya'abo wate tae'ani.

1 Kolinita 10:23

Yage maibo'adi sawesawedaya be taguinuwedi, ta 'aina yage geya'abo silemelemeda.

Madiu 15:18

Ta esi to'ase tomota 'awadiyega siapweapwesama nate 'atediyega simeema ta sigiegie bailidi,

Loma 14:23

Ta wate 'abo ma ida enuwanaluwa masula nidi ta'a'ani, nate ni'atu taloegesi Yaubada matanaya, manuna nigeya taemiemisa. Ga ni'atu tamwalamwalatoni 'aene 'abo to'ase taguinuwe, ta nigeya ma ida emisa, nate loegesi.

1 Kolinita 10:31

Taudi 'idi ona 'ana e'isa gete, 'aene 'ilobweneda be 'ida guinuwa maibo'ana, nai 'ida 'e'ai, nai 'ida numa, nai to'ase wate, 'ediyega Yaubada 'ana esana tagie sinabwa.

Guinuwa 10:15

Ta 'enana nina 'iona limana, 'igwae, “Yaubada yobai natedi ni'atu 'igie'esasedi, 'enega geya'abo 'u'awa'awa to'umaliyedi.”

1 Kolinita 8:7

'Abo'ada 'ida emisa pa'alina, ta sa'i 'aina toekalesiyao 'idi emisao nenetadi, manuna sienuwanaluwa 'aene mali 'ebe bwagobwago wate 'ebe emisa 'ai'aila, 'enega 'abo tomota nidi 'ebe emisa kabokaboyao 'adi masula si'a'ani 'iabe simatauta 'ediya.

Ibeliu 10:22

'Enega Yaubada tada loselabe ma ida 'atetagwala be ma ida emisa 'ai'aila be 'enega ooda tada gie'esasedi bwasi bobo'ana 'enega, ta wate 'ida nuwanuwa sida 'esasa, manuna Yesu 'ina loseuseula 'enega 'ida nuwanuwa to'umalidi 'igie'esasedi.

1 Kolinita 10:25

'Enega 'abo yobai esiyona mali tomota 'ediyega wagimwane, geya'abo waenaenaida esiyo nina manuna, ta esi wada 'ani tuga, be geya'abo wanuwanuwa to'umalina to'ase lowa masula nina 'ena siguinuwena.

1 Timoti 6:5

'Enega gosediyao ma'ediyao siegewagewana, ta 'idi nuwanuwa geyogeyoi manuna e'ita 'ai'aila geya'abo simwalamwalatoni, ta esi sinuwena 'aene Yaubada 'ana 'amayaba 'enega esaesa bale'u sinabwana siloba.

Ibeliu 9:14

Ta esi Keliso lalana 'ebe gie'esasa bobo'ana wawasae, manuna 'ateda 'igie'esasedi be 'aene guinuwa besobeso taguitoyasedi, ta Yaubada nina mayawasina 'ina guinuwao taguinuwedi. Manuna Yaluyaluwa Tabuna miyamiya atayana Keliso 'igiewaiwaiyena, ga tauna ma ina bubuna maibo'ana palupaluna ta nigeya 'ebweu wate to'umalina 'enaya, 'enega tauna 'italiyaena Yaubada 'enaya, nate 'imwawasa 'abo'ada 'ida 'esasa manuna.

Ibeliu 12:15

Wa'ita'i'isimi 'abona nai 'emiyega yaita Yaubada 'ina oboboma geya'abo 'ilobaloba. Ta geya'abo 'ebweu yaita 'emiyega 'ie'ale be 'ibubuna to'umalina, 'abona nai yaudi simuliye.