Pilipai 4:8 - Loina Tabu Auwauna NT

⁸ Gosegwao, gete 'ebweu wate loguguya 'aene wada nuwanuwa yage 'ai'ailidi ma 'adi 'amayaba manudi, be yage palupaludi manudi, be yage 'esasedi manudi, be yage 'adi 'ita kausala nidi manudi, be yage oboobobomidi manudi, be 'eguma to'ase bobo'ana 'ediya nai 'ebe tupu 'ediya manudi.

Pilipai 4:8 Referans Kwoze

Yemesa 3:17

Ta 'abo yaita 'ina sinasinapu galewega 'imai, tauna 'ina bubuna nugana 'esasena, ta wate nuwasiwalowa 'alena, bubuna nuwana 'alena, egosigosiyana 'alena, 'atenuwa'ole'ole 'alena, ta 'aina wate uwanao bobo'adi siapweapwesa, ta nigeya gosenao 'ida e'idi'idiyedi nai 'ida kaboedi.

Taito 2:7

Ta 'oyo 'imu bubuna maibo'ana 'ediyega tomota 'ue'itadi be taudi wate sida bubuna bobo'ana, ta ona 'ai'ailega 'ue'ita, be 'enega 'imu bubuna 'imu e'ita 'ilobwene,

2 Kolinita 8:21

ta esi nuwanuwama be tuta yauyauna 'ediya 'ada guinuwa palupalu Yaubada matanaya, ta wate tomota matadiya.

Galetia 5:22

Ta sa'i Yaluyaluwa Tabuna uwana bobo'adi 'atedaya getedi, oboboma, gwausowala, miyasiwalowa, toolopa'ala, lema, bubuna palupaluna, emisa,

1 Pita 2:12

Ta wada bubuna bobo'ana taudi nigeya me Yudia 'ediya. Manuna gete tuga 'etamo si'awa'awa to'umaliyemi, ta tuta muliyega 'imi guinuwa bobo'ana sida 'ita, be 'enega tuta nina Yaubada 'iapwesama Yaubada nina sida tupu.

Ibeliu 13:18

Nuwanuwama wate be 'abo'ama 'ima guinuwa manuna wada sidasida Yaubada 'enaya. Gete tuga 'anuwena 'aene 'ima bubuna bobo'ana, ta nuwanuwama be bubuna bobo'ana nina 'enaya 'ada toolo ataya.

1 Timoti 4:12

Tomota geya'abo sisinasinaliyo manuna 'aene 'oyo tubuwau tuga, ta esi 'imu ona bobo'ana, be 'imu guinuwa bobo'ana, 'imu oboboma, 'imu emisa, be 'imu bubuna 'esasena 'ediyega be 'oyo 'ebe'ita taudi 'ediya.

Epeso 5:9

be bubuna nidi bobo'adi ta palupaludi ta 'ai'ailidi siapweapwesa maedana 'enega.

Taito 1:8

Ta esi 'ilobwenedi be 'owagao si'ita'i'isidi, ta adelidi tobubuna bobo'ana, ta 'idi nuwanuwao 'ediya sida etai. Ta wate adelidi palupaludi be 'esasedi, ta 'alama'i'ita 'aledi.

1 Yoni 3:3

'Ida emisa yage gete manuna 'enega 'ida bubuna tagie'esasedi, nadigega Keliso.

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

Taito 3:14

Ta 'ida bodao maibo'adi 'ue'itadi be sida gwaunuwa, 'enega sawesawediya tomiyamwau silemedi, ta geya'abo simiyamiya daidaita.

Loma 13:13

'Enega tada 'ita'i'isida be geya'abo bwasi waiwaidi tanumanumadi be taekaekabaleya, be geya'abo taloeloelata, ta wate geya'abo taegewagewana be talosalosaiya.

Yemesa 1:27

Ta esi tapwalolo 'esasena be palupaluna Yaubada Tamada matanaya gete, 'aene taudi sinasinagenidi be kwabulao 'idi miyamwau 'enaya tada lemedi, ta wate geya'abo bubuna bale'u 'enega tagiegie bailida.

1 Yoni 3:18

Natugwao, geya'abo 'ida oboboma ona namo 'enega, ta esi 'ida guinuwega be tada oboboma 'ai'aila.

Taito 2:2

be 'inapwanao 'ueonadi geya'abo sinumanuma kabaleya bwasi waiwaina 'enega, ta geya'abo siegwausowala besobeso, ta esi Yaubada sida emisa 'ai'aili, ta oboboma be 'alama'i'ita 'ediyega sida maa.

2 Kolinita 13:7

'Abo'ama 'asidasida Yaubada 'ena be 'aene geya'abo waloeloegesi, nigeya 'aene wada 'awa tosimana 'ai'ailema. Ta 'eguma tomota nigeya si'awa'awa tosimana 'ai'ailema, 'ada gwausowala tuga 'omi 'imi bubuna palupaluna manuna.

Kolose 4:5

Wate taudi nigeya Keliso 'ana toemisao 'ediya wada guinuwa palupalu, be geya'abo 'imi tuta wamudamudali.

1 Pita 4:8

'Enega wada eobooboboma 'ai'aila 'ebweuna 'ebweuna 'emiya, manuna oboboma yage maibo'adi 'isinabwa sinedi. Ta wate oboboma sawesawenaya be to'umalina yaudi 'ikweudi.

Loma 13:3

Ta toloinao nidi nigeya 'idi paisewa be 'aene tobobo'adi 'ediya sigiematauta, ta esi toto'umalidi 'ediya. 'Enega 'eguma geya nuwami be toloinao wada matautedi, 'ilobwenena wada bubuna palupaluna, be 'enega toloinao nidi sida 'awabobo'anemi.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

Pilipai 3:1

Gosegwao, 'ilobwenemi wate be 'ida 'Inapwana manuna wada gwausowala. Lowa 'ami loina ya'etoladinawa, ta gete watei nuwanuwagu be yada 'etoladi limanawa, be 'enega wada miya bobo'ana.

1 Timoti 2:2

Ta kiniyao be toloinao manudi wate wasidasida, be 'aene 'idi loina palupaluna 'enega tada miya bobo'ana, ma ida bubuna bobo'ana, ta ma ida 'amayaba.

1 Timoti 5:10

ta tomota matadiya 'idi bubuna palupaluna, manuna natudiyao 'adi 'iyabwebwe 'enaya siguinuwa 'ai'aila, be 'owagao ta wate toekalesiyao 'adi 'itanao 'enaya, be tomiyamwau wate 'adi lema 'enaya, be 'abo 'atenuwa'ole'ole 'aledi, 'ilobwenedi be toekalesiyao 'ediya silulugu, be toekalesiyao nidi 'ediyega 'adi lema, nai 'e'ai, nai 'oama, sida loba.

Epeso 6:14

'Enega watoolo be e'ita 'ai'aila walogadiwanae, be lumalumami waabodebodedi bubuna palupaluna 'enega,

1 Tesalonaika 4:12

Gete 'enega taudi nigeya Keliso 'ana toemisao sida 'amayabemi. Ta 'omi 'ami lema manuna geya'abo mali tomota 'ediya watuituila.

Epeso 4:25

'Enega kabo waguitoyase be maibo'ami waona 'ai'aila 'ebweuna 'ebweuna 'emiya, manuna maibo'ada Keliso oona welawela'anao.

2 Kolinita 6:8

'Aina tuta tomota si'awa bobo'anema ta 'aina tuta si'awa to'umaliyema. Ona'ai'aila si'awa kabokaboema, ta esi nigeya 'akabokabo.

Guinuwa 10:22

Ta sigwae, “Konilio 'ietunema, tauna 'ima tolosaiyao 'adi toanugana, ta tai palupaluna ta Yaubada 'ana to'amayaba, ta wate me Yudia maibo'adi si'awa tai bobo'anena, ga 'ana emataluwa 'inonona anilose 'enega, be 'aene 'oyo 'ibwauyeyo tauna 'ina anuwaya, be 'imu ona 'ida nono.”

Yoni 7:18

Ta 'omi 'imi bubuna 'aene 'eguma yaita tauna 'ina nuwena 'enega 'ie'ita, tauna tuga taunamo 'ana esana manuna 'ietaetapewa. Ta 'abo'agu esi nigeya nadigega 'omi, manuna 'abo'agu nuwanuwagu be 'agu toetune 'ana esana yada giesinabwa, manuna 'igu bubuna palupaluna ta nigeya 'ebweu wate 'igu to'umalinamo.

Luke 2:25

Ta gote tuta nina 'enaya Yelusalema 'enaya 'ebweu 'inapwana 'ana esana Simioni 'imiyami. Tauna tai bobo'ana, ta wate Yaubada 'i'amayabena sinabwana, ta ma ina 'alama'i'itana 'iyamwayamwa me Isileli 'adi To'etoseyana manuna. Tai nina Yaluyaluwa Tabuna 'ena 'imiyami.

Maki 6:20

manuna Elodi 'iegagalena 'aene Yoni nina tai palupaluna ta Yaubada 'ina toguinuwa 'ebweu, 'enega Elodi Yoni 'i'amayabena ga tuta yauna Elodi nuwanuwana ga Yoni 'ina ona 'inonona ta manuna 'i'atesa'ala.

Luke 16:15

'Enega Yesu Palisiyao nidi 'ediya 'igwae, “'Omi wanuwena 'aene 'imi bubuna bobo'ana tomota matadiya, ta esi to'umalina maibo'ana 'atemiya Yaubada 'imwalamwalatonidi, manuna yage nidi tomota nuwadi si'ewedi, Yaubada 'enaya yage besobeso.

1 Kolinita 4:5

'Enega gete tuga geya'abo 'ebweu yaita gosenao 'ediya 'iesiesinuwa 'aene bobo'adi nai to'umalidi, manuna ma'etamo 'ida 'Inapwana 'imama be taunamo 'iloineda. Ta 'ina loina nina palupaluna, manuna 'ida nuwanuwa to'umalidi 'atedega Yaubada 'ida gieapwesedi be 'ida loineda, ta 'ida nuwanuwa bobo'adi wate 'ida gieapwesedi, be manudi 'ida 'awabobo'aneda.

Guinuwa 22:12

Ta Damasiko 'ena 'ebweu tai 'ana esana Ananayasi 'imiyami, tauna Yaubada 'ana toemisa 'ai'aila, ta Mosese 'ina loina 'ana tomuliya, ta me Yudia sena nina 'ana tomiyanao si'awa bobo'anena.

1 Yoni 4:1

Gosegwao, geya'abo yaluyaluwa maibo'adi waemiemisedi, ta esi watoodi, bobo'adi nai to'umalidi. 'Eguma taudi bobo'adi, tamwalatonidi 'aene Yaubada 'enega simai, ta taudi to'umalidi mali senega simai, manuna gete tuga palopita kabokaboyao siapweapwesama mayaluyaluwadi nigeya Yaubada 'enega.

1 Timoti 5:2

ta iine sinabwadi 'ediya 'uda bubuna nadigega 'atuwa sinamwao, ta gomagweine 'ediya ma imu nuwanuwa be bubuna 'esasena 'ediyega 'uda 'awanuunedi.

Luke 23:50

'Ebweu tai 'ana esana Yosepa, Yudia taina, 'ina 'asa gidalina Alimatia, tauna tai bobo'ana ta ma 'ana emisa. Tai nina 'ebweu me Yudia 'idi toanugana, ta 'iyamwayamwa be to tuta Yaubada 'ida etoloina me Yudia 'ediya. Lowa tuta nina toanuganao nuwanuwadi be Yesu sida loemwawasi, ta Yosepa nina geya nuwana.

1 Timoti 3:4

'Ilobwenena be tauna 'ina anuwa 'ana tomiyanao 'ida anugana 'ai'ailedi, be 'enega natunao ma idi 'amayaba 'ina ona sida nono.

Guinuwa 6:3

'Enega 'omi 'emiyega tai sebeni waesinuwedi, yaisigedi ma 'adi 'amayaba, ta sinasinapudi, ta wate 'abo Yaluyaluwa Tabuna 'ina waiwai 'ediya, be paisewa gete masula 'ana eguyai manuna, 'ada 'ebwa'edi.

Madiu 22:16

'Enega loina silobena, ta 'adi tomuliyayao be Elodi 'ina bodao ma'ediyao sietunedi Yesu 'ena ga sigwae, “'Inapwana ni'atu 'amwalatonimu 'aene 'oyo toe'ita 'ai'aila be Yaubada 'ina nuwanuwa 'ue'ita 'ai'aila, ta wate tomota 'idi waiwai manuna nigeya 'umatamatauta, ta tuga ona 'ai'aila 'usimana leleleya tomota maibo'adi 'ediya.

Ibeliu 11:2

Tubudao lowaenei tanuwa'i'isidi taudi 'idi emisa 'enega Yaubada 'i'awa bobo'anedi.

1 Timoti 3:11

Mwanediyao wate ma idi nuwanuwa palupaluna, be geya'abo gosediyao si'awa'awa to'umaliyedi, ta geya'abo bwasi waiwai sinumanuma diidiga, ta esi sida gwaunuwa 'ai'aila.

2 Kolinita 8:18

'Enega wate tasidai 'ebweu Taito ma'iyana 'aetunediwa, tauna tologuguya 'ebweu tetela bobo'ana manuna, ta 'ana esana sinabwana toekalesiyao 'ediya,

2 Pita 3:1

Gosegwao gete 'igu leta 'eluwena 'emiya, ta 'igu leta nidi 'eluwa 'ediyega yatootoo be yagie nuwa'i'isimi be wada nuwanuwa 'ai'aila,

Loma 14:18

Be 'abo bubuna nidi gete 'ediyega Keliso 'ina guinuwa taguiguinuwe, 'iabe Yaubada manuda 'igwausowala, ta wate tomota si'awa bobo'aneda.