Pilipai 4:4 - Loina Tabu Auwauna NT

⁴ Tuta maibo'ana wada gwaugwausowala 'Inapwana manuna, ta wate yaeona limami 'aene wada gwausowala.

Pilipai 4:4 Referans Kwoze

Loma 12:12

Ta wanuwayai 'aene ma'etamo Yaubada 'ina lema 'iapwesa 'edaya be manuna wada gwausowala, 'enega 'imi miyamwau 'ediya wada sidasida Yaubada 'enaya ma imi 'alama'i'itana.

Pilipai 3:1

Gosegwao, 'ilobwenemi wate be 'ida 'Inapwana manuna wada gwausowala. Lowa 'ami loina ya'etoladinawa, ta gete watei nuwanuwagu be yada 'etoladi limanawa, be 'enega wada miya bobo'ana.

Madiu 5:12

Ona'ai'aila 'ilobwenemi be wada gwausowala sinabwana, manuna ma'etamo 'ami pali bobo'ana galewaya wada loba. Ta 'omi nadigega Yaubada 'ina palopitao lowaenei. Manuna taudi wate 'idi miyamwau silobena tomota 'ediyega.

1 Pita 4:13

Ta esi wada gwausowala manuna Yesu Keliso 'elouya 'ilobena, ga 'omi nadigega tuga walobaloba'ese, be muliyega tuta nina 'ina esaesa 'iapwesama wada gwausowala 'ai'aila.

Guinuwa 16:25

Ta niuniuwanaya Paulo be Sailasa sisidasida ta siwaliwali Yaubada 'ena, ta 'enega tolugu deliyao maibo'adi sienoenonoedi,

Guinuwa 5:41

Ta sili'amidi ga siapwesa, ga sitauya taudi 'idi boda 'ediya ma idi gwausowala, manuna sawesawediya be 'elouya nidi silobadi Yesu 'ana esana manuna.

Galetia 1:8

Keliso tetelina wagimi nonona nate 'ai'ailina, 'enega geya'abo 'ebweu yaita sa'i mali tetela 'ida 'ebwa'ebwa'emi. 'Abo'ama wate be aniloseyao galewega geya'abo mali tetela 'a'ebwa'ebwa'emi. Ta 'eguma yaita tetela bobo'ana 'isa'u gelasena be 'igiedumedumena, mwau 'ida loba Yaubada 'enega.

2 Kolinita 6:10

'Abo'ama ma ima nuwamwau ta esi 'atemaya 'agwaugwausowala. 'Abo'ama 'atuwa gomabeso ta esi esaesa 'aegueguyai tomota yaudi 'ediya. Nigeya wate 'ima gwegwemo, ta esiya yage maibo'ana 'emaya simiyami.

Pilipai 2:18

'Enega 'ilobwenena be 'omi ma'egwao tada egwausowala leleleya.