Pilipai 4:19 - Loina Tabu Auwauna NT

¹⁹ 'Enega 'igu Yaubada nina 'imi nuwanuwao maibo'adi 'ida 'ebwa'emi, nate tauna 'ina esaesa yau wawasae Yesu Keliso 'ina guinuwao 'ediyega.

Pilipai 4:19 Referans Kwoze

1 Pita 5:10

Yaubada tauna 'atenuwa'ole'ole 'alena ni'atu 'ibwauyeda be 'aene 'ina esaesa miyamiya atayana 'ena tada miyami Keliso ma'eda. Ta 'imi 'elouya tuta kukupana namo be sigugumwala, ta muliyega Yaubada 'ida gie'esasemi be 'ida giepa'alimi be 'ida giewaiwaiyemi be 'aene wada miya bobo'ana.

1 Timoti 6:17

Ta bale'u 'ana toesaesao 'uemataluwedi be geya'abo sinuwanuwa tu'e 'idi esaesa manudi, ta wate geya'abo siemiemisa 'aene ma'etamo 'ebe lema sinabwana 'idi esaesa 'ediyega silobaloba, manuna esaesa nidi sawasawalidi. Ta esi Yaubada namo 'ena sida emisa, manuna Yaubada tauna To'ebwaya bobo'ana, ta 'ida 'ebe gwausowala maibo'ana tauna 'enega siapweapwesama.

Kolose 1:27

Mwalatoi gete lowa kwaikwaiyina, ta 'ibobo'ana wawasae, Yaubada nuwanuwana be 'iloeapwese 'omi nigeya me Yudia 'emiya. Mwalatoi nina nate Keliso 'atemiya 'imiyami, be tauna 'enega wada nuwayaina 'aene sena esaesa 'ena walulugu.

Epeso 3:16

ta yasidasida 'enaya be 'aene 'ina esaesa be 'ina waiwai 'ediyega 'itatagwala 'emiya, be Yaluyaluwana 'atemi 'ida giewaiwaiyedi,

Kolose 3:16

Wate Keliso 'ina ona bobo'ai'ailidi 'atemiya sida tabwa bobo'ana, be 'enega 'ebweuna 'ebweuna 'enaya wada e'ie'ita be wada loguloguguya mwalatoi 'ai'aila 'enega, be 'imi wali be Same walinao 'ediyega, be edale walinao Yaluyaluwa Tabuna 'enega 'ediyega, ma imi lokagutoki Yaubada 'ena 'atemiya.

Loma 8:18

Ta 'elouyao gete tuga talobalobadi yanuwena 'aene nigeya yage sinabwana, manuna miya bobo'ana nidi ma'etamo talobadi, bobo'ana wawasae,

Epeso 1:7

ta Natunana lalanega 'ili'amida 'ida loegesiyao 'ediyega, ga Yaubada 'inuwataudi, nate tauna 'ina oboboma sinabwa wawasae 'i'ebwaya 'edaya. Ta 'ana sinabwa nigeya 'ana 'etopwapwamo.

2 Kolinita 4:17

'Elouya nidi gete tuga kapekapeyadi be tuta kukupana namo 'ediya talobalobadi, ta esi sigiewaiwaiyeda be 'aene 'ida esaesa bobo'ana wawasae ta miyamiya atayana ma'etamo ta'ewa.

Loma 9:23

Ta wate nuwanuwana be 'ina esaesao nidi lowa 'igibubudi 'abo'ada 'iobobomeda manuda, be 'aene 'ida e'itada.

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

Epeso 1:18

be wate 'atemiyega yage nidi bobo'adi manudi 'ibwauyemiya wada mwalatonidi, be wada emisa 'aene ma'etamo walobadi, be wada mwalamwalatoni wate 'ina eguyai sinabwana 'ina tomotaiyao 'edaya, nate tauna 'ina esaesa 'enega,

Epeso 2:7

Gete 'iguinuwena be 'aene tuta simeemai 'ediya 'ina oboboma sinabwa wawasaena 'ida e'itae, nate 'ina 'atenuwa'ole'ole be 'ina 'etoseyana Yesu Keliso 'enega.

Loma 2:4

Ta geya'abo Yaubada 'ina oboboma wa'awa'awa yage besobesoe, manuna 'i'atenuwa 'ole'oleyemi, ga manumi 'ie'alama'i'itanena, be 'aene 'imi to'umalinega 'ida giesana ilemi.

Loma 11:33

Yaubada 'ina loina be 'ina mwalatoi sinabwa wawasae manudi geya'abo tagwaegwae, ta 'abo'ada nigeya 'ebweu yaita sawesawenaya be Yaubada 'ina nuwanuwa be 'ina guinuwao 'isinapudi.

1 Pita 5:1

Toekalesiyao 'idi 'inapwanao 'omi, 'aene yada gienuwa'i'isimi 'imi paisewa manuna. Manuna 'abo'agu 'ebweu wate toekalesiyao 'idi 'inapwana, ga 'abo'agu mataguyega Keliso 'ina 'elouya ya'itena, be ma'etamo 'ina esaesa maemaedanina 'ena yada miyami to tuta 'abo 'ina esaesa nina 'igieapwese.

1 Tesalonaika 2:12

ta wate 'aloguguyemi be 'agiepa'alimi, ta wate 'aeonemi be 'aene wada bubuna bobo'ana, manuna Yaubada ni'atu 'iesinuwemi tauna 'ina 'ebeloina 'esasena manuna.

Loma 1:8

Nugana yalokagutoki Yaubada 'enaya Yesu Keliso 'ana esanega, manuna 'imi emisa tetelina 'i'elelewana sena maibo'ana 'ediya.

Yoni 20:27

Ta Tomasi 'ena 'iona, “Gete nimagu, 'u'ita, be nimayo 'uda sa'udi we'iwe'iyaya nidi 'ediya, ta wate nimayo 'uda sa'uluguye lesulesuguya, be 'enega 'uda emisegu, ta esi geya'abo 'u'awa'awa kabokabo.”

Yoni 20:17

Ta Yesu wate 'ieonena, 'igwae, “Geya'abo 'ugitogitoogu, manuna 'etamo nigeya yatu'etu'e Tamagu 'ena. Ta 'utatauya be tasigwao 'ueonadi 'aene 'abo'agu 'iabe yatutu'e Tamagu 'enaya, 'omi wate Tamami, ta 'igu Yaubada ta wate 'omi 'imi Yaubada.”

Pilimoni 1:4

Ni'atu teteliyo yanonona 'aene 'ida 'Inapwana Yesu ta 'ana toyalao maibo'adi 'uoboboma 'ai'ailidi, ta wate 'uemisedi, 'enega tuta yauna 'igu sidasida 'enaya ma igu lokagutoki Yaubada 'ena manuyo.

2 Kolinita 12:21

'Igu 'atesa'ala nina 'aene 'abo yawai limana 'emiya be 'ebe omayamaya Yaubada 'i'ebwa'egu matamiya, be taudi lowa siloegesi, ta 'idi bubuna baibailidi be loelata be sogala 'ediyega nigeya sinuwanuwa 'ebuni, taudi sida gienuwa mwaugu be manudi yada dedoi.

Madiu 6:32

Ona getedi nadigega taudi 'etamo guguyoi 'enaya simiyami 'idi ona. Ta to'ase 'imi nuwanuwa Tamami galewaya ni'atu 'isinapudi, nadigega 'ami masula be 'ami bwasi be wate 'ami 'oama, be 'i'ebwa'emi tuga.

Pilipai 4:7

be Yaubada 'ina lemao tosinabwa sadi 'ediyega 'ida giegwausowalimi, be 'enega Yesu Keliso ma'emiya, 'atemi be 'imi nuwanuwao sida miya bobo'ana.