Pilipai 3:1 - Loina Tabu Auwauna NT

¹ Gosegwao, 'ilobwenemi wate be 'ida 'Inapwana manuna wada gwausowala. Lowa 'ami loina ya'etoladinawa, ta gete watei nuwanuwagu be yada 'etoladi limanawa, be 'enega wada miya bobo'ana.

Pilipai 3:1 Referans Kwoze

Pilipai 4:4

Tuta maibo'ana wada gwaugwausowala 'Inapwana manuna, ta wate yaeona limami 'aene wada gwausowala.

Loma 5:11

Ta 'ebweu yage bobo'ana 'imiyami, nate Yaubada ma'eda tagwaugwausowala, manuna 'ida 'Inapwana Yesu Keliso tauna 'ime'eda ga Yaubada ma'edai taegosigosiyana limana.

Yemesa 1:2

Tasigwao, tuta simeemai 'ediya 'abo 'ebe toona yaudi ta wate mwaudi walobadi, manudi wada gwausowala,

1 Pita 4:13

Ta esi wada gwausowala manuna Yesu Keliso 'elouya 'ilobena, ga 'omi nadigega tuga walobaloba'ese, be muliyega tuta nina 'ina esaesa 'iapwesama wada gwausowala 'ai'aila.

1 Tesalonaika 5:16

Tuta yauna wada uyawana.

Pilipai 4:8

Gosegwao, gete 'ebweu wate loguguya 'aene wada nuwanuwa yage 'ai'ailidi ma 'adi 'amayaba manudi, be yage palupaludi manudi, be yage 'esasedi manudi, be yage 'adi 'ita kausala nidi manudi, be yage oboobobomidi manudi, be 'eguma to'ase bobo'ana 'ediya nai 'ebe tupu 'ediya manudi.

1 Pita 3:8

Gete 'igu ona 'ana 'ebe losalowa 'emiya 'aene 'imi nuwenuwega be 'ami lotoonega wada e'ebweu be wada eoboobobomemi, be ma imi nuwamwa'uta wada 'atenuwa 'ole'oleyemi.

2 Kolinita 13:11

Gosegwao kaiyoni. 'Igu loguguya wada nono be wasanaila. Wate 'imi nuwanuwa 'ebweuna 'enega wada miyasiwalowa, be Yaubada tauna oboboma be nuwasiwalowa 'aledi ma'emiya wada miya gwausowala.

2 Pita 3:1

Gosegwao gete 'igu leta 'eluwena 'emiya, ta 'igu leta nidi 'eluwa 'ediyega yatootoo be yagie nuwa'i'isimi be wada nuwanuwa 'ai'aila,

Epeso 6:10

Gosegwao, 'Inapwana 'ina waiwai sinabwanega wada ewaiwai,

Luke 1:47

ta yagwaugwausowala Yaubada tauna 'agu To'etoseyana 'enaya.

Pilipai 3:3

'Abo Yaubada 'ena tabwagobwago yaluyaluwana 'enega, ga Yesu Keliso namo tatupuna, ta nigeya bubuna bale'u 'ena taemiemisa, gote 'enega tamwalatoni 'aene ni'atu lodaba 'ai'aila ta'ewena.

Madiu 5:12

Ona'ai'aila 'ilobwenemi be wada gwausowala sinabwana, manuna ma'etamo 'ami pali bobo'ana galewaya wada loba. Ta 'omi nadigega Yaubada 'ina palopitao lowaenei. Manuna taudi wate 'idi miyamwau silobena tomota 'ediyega.

1 Tesalonaika 4:1

Gosemao, 'ebweu wate yage 'ida 'Inapwana Yesu manuna 'aemataluwemi, be 'aguguyemi, nate lowa bubuna nidi 'ae'itemi ga wamwalatonidi 'aene bobo'adi, ta manudi Yaubada 'igwausowala, ga gete tuga ni'atu 'ediya wabuubuna, ta 'ilobwenena be waguinuwa limalimadi.