Pilipai 2:28 - Loina Tabu Auwauna NT

²⁸ Gete manuna nuwanuwagu sinabwana be yaetunenawa, be wa'ita limai 'aene ma ina bobo'ana, be tauna manuna wada gwausowala, be wate 'aene 'abo'agu 'igu 'atesa'ala 'igugumwala.

Pilipai 2:28 Referans Kwoze

Yoni 16:22

Ta 'omi nadigega tuga, manuna mwau 'emiya tuta gete, ta ma'etamo yailama be wada 'itagu, 'enega manugu wada gwausowala 'ai'aila. Ta gwausowala nina tauna geya'abo yaita wate 'emiyega 'i'ewa'ewa yaule.

2 Timoti 1:4

Lowa yapilipili sineyo 'enaya, 'imu dedoi yanuwa'i'isina, 'enega nuwanuwagu sinabwana be to tuta 'ena yada 'ita limayo, be 'enega yada gwausowala.

2 Kolinita 2:3

Ta 'imi leta nina ya'etoladinawa 'igu 'elouya ma igu nuwamwau be ma igu dedoi be 'enega tuta 'abo yayausimi wada giegwausowaligu, ta geya'abo yanuwanuwa mwau, ta esi maibo'ami yaemisemi ta yanuwayaina 'aene 'abo'agu 'igu gwausowalega 'omi wate wada gwausowala. 'Enega 'imi leta nina ya'etoladinawa, nigeya 'aene yagienuwa mwauyemi, ta esi 'igu oboboma sinabwa wawasae 'emiya wada mwalamwalatoni.

Guinuwa 20:38

ta sinuwamwau sinabwana manuna 'ieonedi, 'igwae, “Ma'etamo geya'abo wa'ita'ita limagu.” 'Enega sidoloena wagaya, ga siegeluna.

Pilipai 2:29

'Enega 'abo to tuta 'iapwesa 'imi senaya, ma imi gwausowala 'Inapwana 'ana esanega wada bwauye 'imi anuwaya. Be wate 'aina 'Inapwana 'ina toguinuwao, 'abo siwawai 'emiya, wa'amayabedi nadigega Epapilodito.