Pilipai 2:21 - Loina Tabu Auwauna NT

²¹ ta 'agu tolemao yaudi taudimo manudi sinuwanuwa, ta nigeya Yesu Keliso 'ina guinuwa manuna sida nuwanuwa.

Pilipai 2:21 Referans Kwoze

1 Kolinita 10:24

'Enega 'ilobweneda be guinuwa nidi taguinuwedi gosedao 'adi lema manuna, ta esi geya'abo 'abo'ada tauda 'ada lema manuna.

Madiu 16:24

Muliyega Yesu 'ina tononoyao 'ieonedi, 'igwae, “Yaita 'eguma nuwanuwana be 'imuliyegu, 'ilobwenena be tauna 'ina nuwanuwa 'ida guitoyase, be tauna 'ana kelose 'i'aali, be 'enega 'imwamwawasa, nate nadigega 'agu muliya nina 'ana 'eda.

Pilipai 2:4

Ta geya'abo taumimo 'imi guinuwa manuna wanuwanuwa, ta esi gosemiyao 'idi miya bobo'ana manuna wada nuwanuwa.

2 Timoti 3:2

Manuna tuta nina 'enaya tomota taudimo manudi sinuwanuwa, be esaesa 'ana yala 'iloemaedi, ta sinuwatu'e be gagasa 'aledi be wate eliya 'aledi. Wate sinadiyao be tamadiyao 'enadi geya'abo siematamatanedi, ta mali tomota 'idi guinuwa bobo'adi manudi nigeya sida lokagutoki.

1 Kolinita 10:33

nadigega 'abo'agu yatootoo be 'aene geya'abo taugu 'igu nuwenuwega yaguiguinuwa, ta esi to'ase tomota 'idi nuwanuwa nadigega yada guinuwe tuga, be sida gwausowala, be 'enega 'adi 'etoseyana sida loba Yaubada 'enega.

1 Kolinita 13:5

ta esiya gosedao ta'amayabedi, be geya'abo gamwasowala nai etalauwala 'edega si'ita'ita.

Luke 14:26

“Yaita 'abo nuwanuwana be 'imuliyegu, nugana 'ida yala'ai'ailigu ta tamana be sinana be mwanena be natunao be tasinao be nuunao ta wate tauna tuga manuna 'ida guitoyasedi. Ta 'eguma nigeya, tauna nigeya 'agu tomuliya.

2 Timoti 4:10

Dimasa ni'atu 'iebesinegu, manuna bubuna bale'u nuwana 'i'ewena ga ni'atu 'itauya Tesalonaika. Kelesenisi wate ni'atu 'itauya Galetia, ta Taito ni'atu 'itauya Dalimetia. Taudi 'agu tolemao nidi maibo'adi ni'atu sipilisinegu.

2 Kolinita 1:5

Ona'ai'aila, Keliso 'ana 'elouyao 'abo'ama 'alotoodi ta 'enega Keliso 'ina gwausowala 'i'ebwa'ema, tauna 'ina gwausowala nadigega.

2 Timoti 4:16

'Igu etala nuganuganina 'enaya nigeya 'ebweu yaita 'ilemelemegu. Maibo'adi 'idi matautega siebesinegu, ga tebweugu. Yaubada, 'idi to'umalina getei geya'abo e'ie'isadi.

Guinuwa 15:38

Ta Paulo 'igwae, “Nai geya'abo tauna 'i'oaya'oayabuda, manuna lowa Pamipili 'ena 'ipilisineda, ga 'iila 'asaya, ta geya nuwana be 'i'oayabuda 'ida sakowasi 'enaya.”

Guinuwa 13:13

Ta Paulo ma 'ana bodao Peposeyega sigelu ga situpa limana, ga Peliga 'ena silugu, sena Pamipilia solanaya. Ta Yoni 'ipilisinedi ga 'iila Yelusalema.

2 Timoti 1:15

Ni'atu 'umwalamwalatoni 'aene me Esia taudi Paigelio be Elimogini, ta boda nidi, siguitoyasegu ga sipilisinegu.