Pilipai 2:14 - Loina Tabu Auwauna NT

¹⁴ Ta 'imi paisewa 'ediya ma imi 'atetagwala wada guinuwa, ta geya'abo ma imi logwautoyasa walomulomugi,

Pilipai 2:14 Referans Kwoze

1 Pita 4:9

'Enega gosemiyao wabwauyedi 'imi anuwaya nuwa bobo'anega, ta geya'abo manudi walomulomugi.

1 Kolinita 10:10

Ta wate Yaubada silomugiyena, ga 'enega 'ebweu anilose 'ietunenama ga 'igieto'umaliyedi 'idi lomugi nidi manuna. 'Ebe'ita gete 'edaya be 'aene geya'abo talomulomugi.

Pilipai 2:3

Geya'abo wanuwanuwa tu'e nai wae'ipi'ipi, ta esi wanuwa mwa'uta, be gosemiyao 'adi esanao wagilagasidi.

Yemesa 5:9

Ta tasigwao, geya'abo taumimo waelomulomugiyemi, 'abona nai 'ida 'Inapwana 'ida bwa'omatami, ta Tobwa'omatana nina ni'atu be 'iapwesama.

Loma 12:18

Ta wate wada toowaiwai be bubuna bobo'ana 'enega miya siwalowa manuna wada e'ita tomota maibo'adi 'ediya.

1 Tesalonaika 5:15

Wa'ita'i'isimi be geya'abo 'ebweu yaita 'emiyega to'umalina 'ie'ie'isa to'umalina 'enega, ta esi tuta maibo'ana wada eobooboboma be wada elemalema. Mali tomota wate wada lemedi.

Yemesa 1:20

Manuna tomotai 'idi gamwasowala Yaubada 'ina 'eda palupaluna nigeya 'ilobwelobwene.

Galetia 5:26

Ta geya'abo tanuwanuwa tu'e, nai gosedao tae'oata'oatadi, nai tae'ipi'ipiyedi.

Galetia 5:15

'Eguma loina gete wapilisine be taumimo 'emiya waetalauwala, ma'etamo 'ami boda waloesawali.

Yemesa 3:14

Ta 'eguma wae'ipi'ipi be wagamwasowala mali tomota 'ediya, ta wate taumi 'imi nuwanuwao 'igiegagasimi be e'ita palupaluna wagiegie to'umaliye,

Loma 14:1

Ta 'aina tomota 'idi emisa nenetadi, nigeya waiwaidi, 'enega 'ilobwenena be 'ediya tada tagwala be ma'edao taeboda 'ebweuna, ta geya'abo ma'edao taegewagewana.

Yude 1:16

Tomota nidi lomugi 'aledi ta wate 'awa to'umali 'aledi, ta taudi 'adi lotoona 'enega sitautauya, be 'enega onatu'e 'aledi, 'enega 'abo gosediyao 'ediya siona oboboma, nate gwegwe manuna.

1 Pita 3:11

ta wate guinuwa to'umalidi 'ida guitoyasedi, be 'ida guinuwa bobo'ana mali tomota 'ediya, be wate 'ida etapewa waiwai nuwasiwalowa manuna.

Ibeliu 12:14

Wada toowaiwai be wada miya siwalowa tomota ma'emiyao, ta wate wada toowaiwai be 'imi bubuna 'ida bobo'ana maibo'ana, manuna 'abo yaita nigeya 'ina bubuna bobo'ana geya'abo sa'i 'Inapwana 'i'ita'ita.

Loma 16:17

Tasigwao, gete 'igu sida waiwai 'emiya be 'aene wada 'ita'ita'i'isimi taudi toweyalao 'ediyega, manuna e'ita nina lowa wa'ewenaya taudi geya nuwadi, 'enega si'awa'awa to'umaliyena, ta wate tomota 'idi emisa sigiegie nenetadi.

Guinuwa 15:2

Ta Paulo be Banaba nigeya si'awa'awa 'ai'ailedi, 'enega ma'ediyao siegewagewana sinabwana. Ga toekalesiyao Anitioki 'ena Paulo, be Banaba, be 'aina wate tomuliyao 'ediyega, siesinuwedi be 'aene sida tu'e Yelusalema, be nuwanuwa gete manuna sida onaona, nai sida loina, Yesu 'ana tosimanao site tuwelo be wate toanuganao ma'ediyao.

Guinuwa 6:1

Tuta gote 'ena Yesu 'ana toemisao 'idi boda 'isinasinabwa, ga 'ediyega to'ena Gilisi 'idi bodao to'ena Yudiao silomugiyedi, manuna 'asiyata 'ebweuna 'ebweuna, 'abo tuta nina masula sieguyaiyedi kwabulao 'ediya, taudi to'ena Gilisi 'idi kwabulao 'adi masula nigeya sawesawediya, 'enega sibotabotana.

2 Kolinita 12:20

Ona'ai'aila ya'atesa'ala, ta geya nuwagu yawawai be 'imi bubuna ya'italoba 'aene nigeya bobo'ana, be 'igu wai manuna wada nuwamwau, 'abo taumimo waegewagewana be wae'ipi'ipi ta wagamwasowala, nai walogwegwe diidiga, ta gosemiyao wa'awa to'umaliyedi, be wanuwatu'e, nai waguinuwa besobeso.

Guinuwa 15:39

'Enega Paulo be Banaba siegewagewana sinabwana Maki manuna, ga Banaba Maki 'i'au'ewena ga sigelu wagaya ga sidolo salu Saipilosi 'enaya.

Guinuwa 15:7

Ga tupwana siegewagewana 'amana, 'enega Pita 'itoolo ga 'igwae, “Tasigwao, wamwalamwalatoni 'aene tuta lowa Yaubada 'edega 'abo'agu 'iesinuwegu, ga 'awaguyega taudi nigeya me Yudia tetela bobo'ana sinonona, ga siemisena.

Maki 14:5

'Ilobwenena be bunama nina 'igimwaneye be 'ana maisa 'etoi analedi kina nadigega 'i'ewa be 'ieguyaiye togomabeso 'ediya.” 'Enega waine nina si'ena pa'alina.

Madiu 20:11

'Enega 'idi kina si'ewedi ta tonibagula 'ena silomugi,

Maki 9:14

'Enega 'oyega simwa'uta ga 'ina tononoyao maibo'adi siloba limedi be boda yaudi ma'ediyao, ta wate loina 'ana toe'itao wate ma'ediyao siegewagewana.

Luke 5:30

Gote 'ena Palisiyao be 'idi loina 'ana toe'itao silomugi Yesu 'ina tononoyao 'ediya, sigwae, “To'ase 'alena ga takisi 'ana to'ewao be wate toto'umalidi 'aina ma'emiyao wa'e'ai egogona?”