Pilipai 1:9 - Loina Tabu Auwauna NT

⁹ ta ma igu sidasida manumi be 'aene 'imi eobooboboma 'isinasinabwa, ma imi sinasinapu be ma imi mwalatoi,

Pilipai 1:9 Referans Kwoze

1 Tesalonaika 3:12

Ta 'eluwena 'aene 'Inapwana obobomega 'ida loemaemi be taumimo wada eoboobobomemi, ta wate mali tomota wada oboboma 'ai'ailidi, nadigega 'abo'ama 'aoboboma 'esemi,

Kolose 1:9

Tuta nina tetelimi 'agimi nonona ga 'ana laba batuwa, nigeya 'ima sidasida manumi 'ada losa'u, ta esi Yaubada 'ena 'a'awa'awanoi be 'aene Yaluyaluwa Tabuna 'ida gienuwa sabwalenimi, be 'enega wada mwalatoi 'ai'aila to'ase 'ina nuwena manumi,

Pilimoni 1:6

'Enega nuwanuwawagu be 'ida egosigosiyana Keliso 'enega 'ida giewaiwaiyeyo, be 'enega yage yaudi bobo'adi Keliso 'enega siapweapwesama 'uda sinapudi.

Kolose 3:10

ta bubuna auwauna walobena, manuna Tomweluluwa nina tuta maibo'ana 'igiegie auwaumi, be 'aene tauna wada mwalamwalatoni be 'ina bubuna wada etotowane.

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

2 Kolinita 8:7

'Omi ni'atu wabubuna bobo'ana 'imi guinuwa yauna 'ediyega, nate emisa be simana be mwalatoi be etapewa be wate 'imi oboboma 'emaya, 'enega 'ilobwenemi be 'ebwayadaita bobo'ana wate wada guinuwe.

1 Kolinita 14:20

Gosegwao, geya'abo 'imi nuwanuwa gogama nadigega, ta esi wada nuwanuwa tai sinabwadi nadigega. Ta geya'abo guinuwa to'umalina manudi wanuwanuwa be 'aene wamwalatonidi.

2 Tesalonaika 1:3

Gosemao, 'ilobwenema be tuta yauyauna Yaubada 'ada lokagutokiye 'imi emisa be 'imi eobooboboma taumimo 'emiya 'adi sinabwa manuna.

2 Pita 3:18

Ta esi 'ida 'Inapwana, tauna 'ada To'etoseyana Yesu Keliso, 'ana mwalatoi be 'ina oboboma 'emiya 'ida sinabwa, ta tauna tada tupu atae. Eimeni. 'Abo'agu Saimoni Pita

Ibeliu 5:14

Ta 'abo yaisigedi 'idi mwalatoi 'imatuwa, taudi 'atuwa masula pa'alina 'ana to'aiyao, manuna nuwadi ni'atu 'isabwalena ga sawesawediya siesinuwa to'ase bobo'ana ta to'ase to'umalina.

Epeso 5:17

'Enega geya'abo waeuwauwa, ta esi nuwami 'ida sabwalena, to'ase Yaubada 'ina nuwanuwa manumi nadigega.

1 Tesalonaika 4:1

Gosemao, 'ebweu wate yage 'ida 'Inapwana Yesu manuna 'aemataluwemi, be 'aguguyemi, nate lowa bubuna nidi 'ae'itemi ga wamwalatonidi 'aene bobo'adi, ta manudi Yaubada 'igwausowala, ga gete tuga ni'atu 'ediya wabuubuna, ta 'ilobwenena be waguinuwa limalimadi.