Pilipai 1:27 - Loina Tabu Auwauna NT

²⁷ Ta wada 'ita'i'isimi 'aene 'imi guinuwao 'ediyega tomota Keliso tetelina sida 'awabobo'ane, 'enega 'eguma yayausimi, nai 'eguma yamiyaila, tuwa tuga tetelimi bobo'ana yada noono 'aene ma imi 'atetagwala watoolo pa'ala, ta ma imi nuwanuwa leleleya ga 'enega waetaetapewa tetela bobo'ana 'ana emisa manuna,

Pilipai 1:27 Referans Kwoze

Epeso 4:1

'Enega yasida 'emiya be 'omi wada bubuna bobo'ana, gete tugai 'abo'agu deliya yamiyami 'Inapwana 'ina guinuwa manuna, ta 'omi 'Inapwana nina tauna ni'atu 'ibwauyemi 'ina guinuwa manuna, 'enega 'ilobwenemi be to'ase 'ina guinuwa nina 'ana lobwene wada bubuna

1 Kolinita 1:10

Tasigwao, gete 'igu loguguya 'emiya 'ida 'Inapwana Yesu Keliso 'ana esanega be 'aene wanuwanuwa leleleya be waona leleleya, ta esi geya'abo waegewagewana nai waweyaweyalimi.

2 Pita 3:14

Gosegwao, 'imi yamwana 'ana tutaya watoo waiwai be 'eguma 'imamai, 'ilobami ma imi bubuna palupaluna maibo'ana, ta nuwa siwalowega wamiyami.

Kolose 1:10

be 'imi guinuwa nidi 'ediyega 'ida 'Inapwana wada giegwausowali, be wate 'imi bubuna bobo'ana 'iuuwa, be Yaubada 'ana mwalatoi 'emiya 'ida sinabwa.

Yude 1:3

Gosegwao, nuwanuwagu be 'ada 'etoseyana manuna yada 'etoladiwa, ta sa'i nigeya sawesawenaya, manuna 'ebweu mwau ni'atu 'emiya 'iapwesa, 'enega 'ilobwenena be leta gete 'enega yada guguyami be 'aene geya'abo 'ida tapwalolo palupaluna waguiguitoyase, ta esi wada etapewa manuna. Manuna 'ida tapwalolo nina ni'atu 'abo'ada Yaubada 'ana toemisao 'i'ebwa'eda.

1 Tesalonaika 4:1

Gosemao, 'ebweu wate yage 'ida 'Inapwana Yesu manuna 'aemataluwemi, be 'aguguyemi, nate lowa bubuna nidi 'ae'itemi ga wamwalatonidi 'aene bobo'adi, ta manudi Yaubada 'igwausowala, ga gete tuga ni'atu 'ediya wabuubuna, ta 'ilobwenena be waguinuwa limalimadi.

Pilipai 2:12

Gosegwao 'omi ematamatana 'alemi. Lowa mataguya waematamatana, ta gete tuga 'emiyega yamiya 'edasola, ta tuga ma'etamo waematamatana 'ai'aila. 'Enega 'ilobwenemi be Yaubada wamataute be wate watoo waiwai be 'ina 'etoseyana waloba,

Pilipai 3:18

Ta sa'i tomota yaudi 'idi bubuna 'enega Keliso sietalauwalena, tauna manuda 'imwawasa kelose 'enaya. Talauwalao nidi lowa yasimanedi 'emiya, gete tuga wate ma igu dedoi yalolima, to'umalina nidi 'emiya yasimanedi.

2 Kolinita 13:11

Gosegwao kaiyoni. 'Igu loguguya wada nono be wasanaila. Wate 'imi nuwanuwa 'ebweuna 'enega wada miyasiwalowa, be Yaubada tauna oboboma be nuwasiwalowa 'aledi ma'emiya wada miya gwausowala.

Guinuwa 4:32

Boda nidi Yesu siemisena, ta 'idi nuwanuwa maibo'ana leleleya, ta nigeya sida egewagewana be sida gwae, “'Igu yage gete, ta 'omi nigeya.” Ta esi 'idi gwegwe maibo'adi sitagwaledi boda maibo'adi 'idi guinuwa manudi.

2 Pita 3:11

Ta 'abo yage nidi maibo'ana ma'etamo sisasawala, 'ilobwenena be ma imi bubuna 'esasena ta ma imi 'amayaba Yaubada 'enaya wada guinuwa.

1 Kolinita 15:58

Ta wate gosegwao yalokagutoki sinabwana 'emiya, be yaloguguyami be wada toolo pa'ala, be tuta yauyauna wada etapewa 'Inapwana 'ina paisewa 'enaya, manuna ma'etamo 'Inapwana 'ina paisewa nina 'enega uwana tada loba.

Loma 1:16

Tetela nina 'ana guguya manuna nigeya yada omayamaya, manuna Yaubada 'ina waiwai 'ena 'imiyami be 'enega 'abo yaisigedi taudi siemisa 'ida 'etoseyedi, ta nugana 'abo'ama me Yudia 'emaya, ta 'enega muliyega 'omi nigeya me Yudia 'emiya.

Yemesa 3:18

Ta wate taudi togienuwa siwalowa 'idi guinuwega bubuna bobo'ana sigiegie apwese.

Taito 2:10

be geya'abo 'ipwala. Ta esi ma idi 'amayaba 'ai'aila taudi 'ada To'etoseyana Yaubada tetelina sigieapwese, 'idi guinuwa bobo'ana 'enega.

2 Timoti 4:7

Ni'atu Yaubada manuna yalosaiya, ta 'igu epili ni'atu yalosalonina, ta tuta maibo'ana ma igu emisa Keliso 'ena.

1 Timoti 1:19

ma imu emisa waiwaina ta ma imu nuwanuwa bobo'ana, tuta maibo'ana 'ediya. Manuna 'aina gosedao nuwanuwa bobo'ana siguitoyasena, 'enega 'idi emisa 'ineneta ga sibe'u.

1 Timoti 1:11

Ta e'ita palupaluna nina Yaubada 'enega, tauna maedana be gwausowala 'aledi, ga 'igu paisewa 'i'ebwa'eguya be tetelina yaloguguyae tomota 'ediya.

Guinuwa 2:46

'Enega 'asiyata 'ebweuna 'ebweuna 'ediya ma idi 'atetagwala sitapwatapwalolo Anuwa Tabu 'enaya, ta taudi 'idi anuwaya ma idi gwausowola si'e'ai egogona,

Madiu 12:25

Ta Yesu 'idi nuwanuwa ni'atu 'imwalatonina ga 'ieonedi, 'igwae, “Bielisibubi tauna gosenao geya'abo 'iulaula apwesedi.” Ta wate 'igwae, “'Eguma 'ebweu 'ebeloina 'enaya tomotai siweweyala be taudimo silosalosaiya, ma'etamo 'ebeloina nina 'ineneta be 'ibebe'u. 'Asa nai susu wate nadigega, 'abo soladiya weyala 'iapwesa, ma'etamo sineneta be sibebe'u.

1 Tesalonaika 3:6

'Enega Timoti nina 'iwai ga tetelimi 'ime'ena, 'igwae, “Me Tesalonaika nidi Keliso 'ena siemisa 'ai'aila, ta oboboma 'aledi, ta wate tuta maibo'ana 'ida ayausa nuganuganina sinuwanuwa'i'isi ma idi gwausowala, ta nuwanuwadi be sida 'italimada.” 'Abo'ama wate nadigega nuwanuwama be 'omi 'a'italimami.

Kolose 1:4

manuna tetelimi 'anononaya, 'aene Yesu Keliso waemisena, ta toekalesiyao yauyaudi waobobomedi,

Pilipai 2:24

Ta wate yaemisa 'aene 'Inapwana 'ina lemega tuta gidalina be 'abo'agu wate yawawa 'emiya.

Epeso 1:15

'Enega tuta maibo'ana 'ediya 'omi manumi yalokalokagutoki Yaubada 'enaya, ta yasidasida manumi, manuna tetelimi yanononaya 'aene 'Inapwana Yesu waemisena, ta wate 'ana toemisao maibo'adi 'atemiyega waobobomedi.

Epeso 1:13

Ta wate 'omi Keliso 'enega tetela 'ai'aila ta bobo'ana 'ami 'etoseyana manuna wanonona, ga tauna waemisena, ta wate Yaluyaluwa Tabuna nina 'iona upaupaenaya 'i'ebwa'emi,

Galetia 1:7

Ona'ai'aila, Tetela Bobo'ana 'ebweuna namo, ta nigeya 'ebweu wate tetela 'imiyami, ta esi 'aina tomota ni'atu sigiekwanimi, manuna nuwanuwadi be Keliso tetelina sisa'u gelase be 'enega sikaboemi.

2 Kolinita 9:13

Ta togomabeso nidi sida gwausowala 'adi lema be mali boda wate 'adi lema bobo'adi 'emiyega manuna, be wate 'imi ematamatana Keliso tetelina 'enaya manuna sida ona'ai'aila, be wate Yaubada sida tupu,

2 Kolinita 4:4

Taudi nigeya siemiemisa, manuna bale'u gete 'ina 'inapwana ni'atu 'igiekebodi, be 'enega maedana geya'abo si'ita'ita, nate Keliso 'ina esaesa tetelina, tauna 'ana 'ita Yaubada nadigega.

Loma 15:29

Ta yanuwayaina 'aene 'igu ayausa 'emiya bobo'ana, manuna Keliso 'ina oboboma sinabwana 'eguya 'imiyami, 'enega 'iabe taegwausowala leleleya.

Loma 15:16

be 'aene Yesu Keliso manuna yada etosimana 'omi nigeya me Yudia 'emiya. 'Igu paisewa gete 'ena 'atuwa nadigega taliya yaguiguinuwe be 'enega Yesu tetelina wada nono, be muliyega yada 'ebwayaemi Yaubada 'enaya, manuna Yaluyaluwa Tabuna ni'atu 'igie'esasemi ga Yaubada manumi 'igwausowala sinabwana.

Loma 10:8

Ta esi Buki Tabu 'ina simana palupaluna 'igwae, “Ona nina ni'atu selabemiya 'imiyami nate 'awamiya ta wate 'atemiya.” Ona gete emisa manuna, 'enega 'emiya 'aloguloguguya,

Loma 1:9

Yaubada 'imwalatonina 'aene tuta yauna 'igu sidasida 'enega yanuwa'i'isimi. Yaubada tauna 'ina a street in Rome guinuwa 'ena yagwaunuwa 'ai'aila Natuna tetelina 'ana guguya manuna.

Loma 1:5

Yesu Keliso tauna 'iobobomegu, ga 'iesinuwegu be 'aene tauna manuna yada etosimana sena yauyauna 'ediya, be 'enega tauna 'ena sida tagwaledi ta sida emise.

Guinuwa 24:24

Ta 'asiyata 'aina sigumwala ga Pilikesa mwanena Dalusila ma'iyana simai, ta tauna waine Yudia, ga Pilikesa nina Paulo 'ibwauyenama, ga 'ina guguya sinonona, emisa Yesu Keliso 'ena manuna.

Pilipai 1:5

be ma igu lokagutoki 'ama lemao 'emiyega 'alobalobadi, tetela bobo'ana 'ana simana'unuyega ga batuwa.

Pilipai 3:20

Ta 'abo'ada esi 'ida sena galewaya, be gote 'enega 'ada To'etoseyana, tauna 'ida 'Inapwana Yesu Keliso, ma'etamo 'iilama, ta tauna manuna tayamwayamwa.

Pilipai 4:1

Gosegwao ni'atu nuwagu wa'ewena, ta yaobobomemi 'aene 'igu 'ebe gwausowala, nuwanuwagu be loguguya gete wada muliyedi, be 'ediyega wada toolopa'ala 'ida 'Inapwana manuna, be tauna ma'emiya.