Pilimoni 1:7 - Loina Tabu Auwauna NT

⁷ Tasigu, 'imu obobomega toekalesiyao ni'atu 'ulemelemedi ga 'adi lotoona 'igiebobo'anena, ta teteliyo 'imu bubuna bobo'ana manuna 'abo'agu wate yanonona, ga 'enega yagwausowala sinabwana.

Pilimoni 1:7 Referans Kwoze

2 Kolinita 7:13

'Enega ni'atu 'agwausowala sinabwana. Wate Taito 'ina gwausowala 'abo'ama 'ima gwausowala 'iloeposeyanena, manuna Taito nina 'imi bubuna bobo'ana 'enega 'iuyawana.

1 Tesalonaika 3:9

'Enega 'ima lokagutoki Yaubada 'ena nigeya sawesawenaya 'alosa'u, manuna Yaubada 'ena 'ima gwausowala manumi sinabwa wawasae.

2 Kolinita 7:4

Ni'atu manumi yagwaugwausowala ta yatupumi, ga 'igu nuwanuwa ni'atu 'ibobo'ana manumi. Gete tuga 'amiya mwau, ta tuwa tuga manumi yagwausowala sinabwana.

Pilimoni 1:20

Tasigu ye, nuwanuwagu be Keliso 'ana esanega Onesimo 'uda obobome ma imu nuwatau, nate lema sinabwana 'eguya, be 'enega 'agu lotoona 'ida bobo'ana 'ai'aila.

1 Tesalonaika 2:19

Ona'ai'aila, 'omi namo manumi ma ima nuwayaina be 'aene tuta nina 'ida 'Inapwana Yesu 'iapwesa limanama,

2 Yoni 1:4

Lowa 'aidi natumwao ya'itedi 'eda palupaluna simulimuliye, nadigega 'ada loina Tamada 'enega, 'enega yagwausowala sinabwana.

2 Timoti 1:16

Ta Onesipolo esi manugu nigeya 'iomayamaya 'aene deliya yamiyami, ta 'ina lema tuta yauna 'enega 'agu lotoona 'igiegie bobo'ane, 'enega Yaubada 'ena yasidasida be Onesipolo ma ina bodao 'ida 'atenuwa 'ole'oleyedi.

1 Tesalonaika 2:13

Gosemao tuta yauyauna 'alokagutoki Yaubada 'ena, manuna Yaubada 'ina ona ni'atu 'a'ebwa'emi ga 'ena watagwalemi, nigeya 'aene tomota 'idi ona, ta esi Yaubada 'enega. Ona'ai'aila, ona nina Yaubada 'enega, ga waemisena, ta 'ana waiwai ni'atu walotoona.

1 Tesalonaika 1:3

manuna 'imi emisa be 'imi guinuwa bobo'adi 'anuwa'i'isidi, ta wate 'imi guinuwao oboboma 'enega, be 'imi e'alama'i'ita ma imi emisa be 'aene 'ida 'Inapwana Yesu Keliso 'ida 'etoseyemi.

1 Kolinita 16:18

nadigega 'omi lowa wate sigie gwausowalimi, 'enega gete tuga 'ada lotoona bobo'ana wawasae. Gete manuna tomotai nidi ma 'adi 'amayaba sinabwana, ta 'aidi wate taudi nadigega.