Maki 9:28 - Loina Tabu Auwauna NT

²⁸ 'Enega muliyega Yesu ma ina tononoyao silugu anuwaya, ga nada taudimo. 'Enega tonono nidi Yesu sieonena sigwae, “'Inapwana, mwa'adega 'abo'ama ga nigeya sawesawemaya be yaluyaluwa bi'i 'aula apwese?”

Maki 9:28 Referans Kwoze

Maki 7:17

'Enega Yesu ma ina tononoyao pwalu siebesinedi ga anuwaya silugu, ta 'enega 'ina tononoyao sienaidena, sigwae, “Kapekapeyana 'imu onasemalimali nina tomota 'ediya 'uda li'ami 'emaya?”

Maki 4:34

Tauna tuta yauna onasemalimaliyega 'iloguloguguya pwalu 'ediya, ta 'ina tononoyao dimo 'ediya onasemalimali nidi 'ili'ali'amidi.

Maki 4:10

Muliyega pwalu sidelisawala ga Yesu taunamo, ga 'aina tomota ta 'ina tononoyao site tuwelo ma'ediyao simai ga Yesu 'ena sienaida, sigwae, “'Imu onasemalimali nidi to'ase 'adi mwalatoi?”

Madiu 15:15

'Enega Pita 'ilolagata ga 'igwae, “Onasemalimali gete 'ana mwalatoi 'uda li'ami 'emaya.”

Madiu 13:36

'Enega Yesu pwalu 'ipilisinedi ga 'ilugu anuwaya, ta 'ina tononoyao simai ga 'ena sigwae, “Onasemalimali pwatula bagulaya 'ana mwalatoi 'uda li'ami be 'ada nuwa sabwaleni.”

Madiu 13:10

'Enega 'ina tononoyao siapwesama ga Yesu sieonena, sigwae, “To'ase manuna onasemalimaliyega boda nidi 'ediya 'ue'ie'ita?”

Maki 2:1

'Asiyata 'aina sigumwala ga Yesu 'iila Kapaneumi 'enaya, ga alena sinonona 'aene Yesu ni'atu 'iila limanama.

Maki 3:20

'Enega muliyega Yesu 'iila 'ina 'asaya, ta boda sinabwa wawasae siegogona 'enaya ga nigeya sawesawenaya Yesu ma ina tononoyao sieyawai'ata be si'a'a.

Maki 9:27

Ta Yesu gwama nimana 'igiyaina ga 'igietoolona, ta gwama nina 'itoolo, ni'atu 'ibobo'ana.

Maki 9:29

Ta Yesu 'igwae, “Nigeya 'ebweu to yage 'enega be yaluyaluwa bi'i taula apwese. Nate namo sidesidega, Yaubada 'enaya.”