Maki 9:26 - Loina Tabu Auwauna NT

²⁶ 'Enega yaluyaluwa nina 'imagamagana ga gwama 'ana lobwebwai 'iginaona ga 'idededela sinabwana, ta yaluyaluwa bi'i 'enega 'iapwesa ga 'itauya. Ta boda gwama si'itena 'ana 'ita 'atuwa 'imwawasa, ga simatauta ta sigwae, “Ni'atu 'imwawasa.”

Maki 9:26 Referans Kwoze

Maki 9:20

'Enega gwama nina sime'ena 'enaya, ta yaluyaluwa bi'i Yesu 'i'itena, 'enega 'iginao ga gwama 'itai ga bale'uya 'ibe'u ga 'idededela ta 'awanega busobuso siapweapwesa.

Maki 1:26

'Enega yaluyaluwa bi'i tai nina 'igietaina ga 'idededela ta 'imagana toila ga muliyega yaluyaluwa bi'i tai solanega 'iapwesa.

E'ita'ita 12:12

'Enega 'omi tomiya galewa maibo'ami wada gwausowala, ta sa'i 'omi bale'u be ola 'ana tomiyanao mwau sinabwana 'emiya, manuna Seitani ni'atu 'imwa'utawa 'emiya, ta ma ina gamwasowala, manuna 'imwalamwalatoni 'aene 'ina tuta kukupana tuga 'imiyami.”

Maki 9:18

ta 'aina tuta yaluyaluwa bi'i 'ina guinuwega 'itatai ta 'awanega busobuso siapweapwesa, ta 'iesala'i'ita be 'idededela. Ta 'imu tononoyao ni'atu yasidedi be 'aene yaluyaluwa bi'i gwama 'enega siula apwese, ta nigeya sawesawediya.”

Madiu 15:22

Ta sena nina 'enega Kenani wainena 'ebweu 'iapwesa ga Yesu 'ieonena, 'igwae, “'Inapwana, 'oyo Debida 'ina susu, 'uda 'atenuwa 'ole'oleyegu, manuna natugu mewainena ni'atu yaluyaluwa bi'i 'igiekabaleyena,”

Maki 9:25

Ta Yesu boda yauyaudi sipilipilima 'i'itedi, 'enega yaluyaluwa bi'i 'i'enapa'alina, 'igwae, “'Oyo yaluyaluwa to'umaliyo 'imu lobwebwai 'enega gwama 'ieuwauwa, yaloineyo be 'upilisine atae be geya'abo wate 'ebweu tuta 'ulugulugu limana 'ena.”

Maki 9:27

Ta Yesu gwama nimana 'igiyaina ga 'igietoolona, ta gwama nina 'itoolo, ni'atu 'ibobo'ana.