Maki 6:14 - Loina Tabu Auwauna NT

¹⁴ 'Enega Yesu tetelina tomota silelewanena sena yauyauna 'ediya ga Kini Elodi 'inonona. Manuna 'aina tomota sionaona 'aene “Yoni togiebapitaiso mwawasega ni'atu 'itoolo limana 'enega ma ina waiwai 'iguiguinuwa.”

Maki 6:14 Referans Kwoze

1 Tesalonaika 1:8

Ona'ai'aila, 'ida 'Inapwana tetelina ni'atu 'emiyega 'ilelewana me Masidonia be me Akaya 'ediya, ta wate 'omi 'imi emisa Yaubada 'enaya tetelina ni'atu 'i'elelewana sena maibo'ana 'ediya. 'Enega 'abo to sena 'ena 'atatauya, nigeya sawesawemaya manumi 'aemwaemwasala,

Luke 13:31

Tuta gote 'ena 'aidi Palisiyao simai ga Yesu sieonena, sigwae, “Gete tuga 'ulomanini be 'udedena, 'abona nai Elodi 'iloemwawasiyo!”

Luke 3:1

Toloina sinabwana Sisa, tauna 'ana esana Taibilia, ni'atu 'iloiloina yakwala pipitini 'ediya, ta 'ubuninaya Ponitio Pailato sena Yudia 'ana toloina, ta Elodi sena Galili 'ana toloina, ta tasina Pilipi sena Itulia be Tilakoniti 'adi toloina, ta Lisania sena Abiline 'ana toloina.

Maki 8:28

Ga tonono nidi sigwae, “Tomota 'aidi siona 'aene 'oyo Yoni togiebapitaiso, ta 'aidi sigwae 'aene 'oyo Ilaitiya, nai gimipalopita 'ebweu tuga.”

Maki 1:45

Ta tolepelo nina nigeya Yesu 'ina loina 'iematamatane, ta tomota yaudi 'ediya 'iesimasimana. 'Enega Yesu nigeya sawesawenaya 'ia'ata'atamana 'asa nidi soladiya, ta 'enega 'itauya sena mwatui daitaya ga nada 'imiyamiya, ta tomota sena yaudi 'ediyega sitauya 'enaya.

Maki 1:28

'Enega Yesu tetelina silelewanena Galili senanao maibo'adi 'ediya.

Madiu 9:31

'Enega sitauya ga Yesu 'ina loina sile'oena ta 'ina guinuwa 'ediya sisimana dadanena sena yauyauna 'ediya.

Luke 9:19

Ta tonono nidi sigwae, “Tomota 'aidi siona 'aene 'oyo Yoni togiebapitaiso, ta 'aidi sigwae 'aene 'oyo Ilaitiya, ta 'aidi sigwae 'aene 'oyo 'ebweu gimipalopita mwawasega 'utoolo limanama.”

Ibeliu 2:4

Ta Yaubada wate 'ie'ita 'aene ona nina ona 'ai'aila, nate we'iwe'iyaya be edeedede be guinuwa waiwaidi 'ediyega, ta wate Yaluyaluwa Tabuna 'ina eguyai 'edaya 'enega. Ta 'ina 'ebwaya nidi Yaubada 'ina nuwanuwa nadigega, ga Yaluyaluwa Tabuna yage nidi 'edaya 'ieguyaiyedi.

Luke 7:17

Gote 'ena Yesu alena silelewanena Yudia maibo'ana ta wate 'asa nidi selabenaya maibo'adi 'ediya.