Maki 5:24 - Loina Tabu Auwauna NT

²⁴ 'Enega Yesu ma'iyana sitautauya, ga boda sinabwana simulimuliye ta siegigigila 'edaya.

Maki 5:24 Referans Kwoze

Maki 5:31

Ta 'enega 'ina tononoyao sieonena, “'Inapwana, ni'atu 'u'itena boda sia'oabu'oabuyemu ta siegigigila, ga 'oyo 'uenaida, ‘Yaita 'igitoogu?’ ”

Luke 7:6

'Enega Yesu 'itagwala ga ma'edi sitauya. Sitauya ga sena nina selabenaya siapwesa, ga toloina nina gosenao 'aidi wate 'ietunedi Yesu sabi 'etobode. Ta simai Yesu 'enaya ga sigwae, “'Inapwana 'ima toanugana 'igwae 'aene 'oyo tai sinabwayo 'enega nigeya 'ilobwelobwene be 'ululugu 'ina anuwaya.

Maki 3:20

'Enega muliyega Yesu 'iila 'ina 'asaya, ta boda sinabwa wawasae siegogona 'enaya ga nigeya sawesawenaya Yesu ma ina tononoyao sieyawai'ata be si'a'a.

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

Luke 19:3

Ta tuta nina Yesu 'itautauya, Sakiusa nuwanuwana be Yesu 'ida 'ita 'aene yaita tauna, ta esi nigeya sawesawenaya be 'i'ita, manuna tauna tai kukupana tuga, ta wate boda sinabwana.

Luke 12:1

Pwalu sinabwa wawasae sideli egogonama ga siegigigila, ta Yesu 'iona nugana 'ina tononoyao 'ediya, 'igwae, “Wada 'ita'i'isimi ta Palisiyao 'idi guinuwa kabokabo geya'abo waguiguinuwedi, manuna 'idi guinuwa 'atuwa nadigega pwalawa 'ana 'ebe gieseseya. 'Ebe gieseseya nina 'abo to'ase nadigega gidalina 'iabe 'igiesinabwa,

Luke 8:45

'Enega Yesu 'ilosuyaena, 'igwae, “Eei! Yaita 'igitoogu?” Ga maibo'adi sieyaseyaseya, ta esi Pita 'ieonena, 'igwae, “'Inapwana, nai boda nidi siegigigila ga siesetupedi 'emuya.”

Luke 8:42

be natugu 'ile'oasa sinabwana 'ugie bobo'ane. Tauna tuga 'ebweuna namo natuguna, 'ana yakwala tuwelo, anuwaya 'i'eno'eno, tuta gidalina be 'imwamwawasa.” 'Enega ma'iyana sitauya. Ta ni'atu Yailo ma'iyana 'edaya sitautauya ta boda sinabwana simuliyedi, ta siegigigila.

Maki 5:23

ga 'isida waiwai, 'igwae, “'Inapwana, natugu mewainena 'ana le'oasa 'imwau 'ai'aila, ta tauna gwama tuga, ta nuwanuwagu 'umama be 'uda gitoo be 'ida bobo'ana, ta geya'abo 'imwawamwawasa.”

Maki 5:25

Ta boda nidi soladiya 'ebweu waine ma'edi ma ina le'oasa. Le'oasa nina nate lalana 'idaudau yakwala tuwelo 'ediya, ta tuga 'etamo 'idaudau.

Luke 11:29

Ta ni'atu boda nidi Yesu sitoolo 'oabu'oabuyena, ga 'ilolagata ga 'ediya 'igwae, “'Epata gete 'omi to'umalimi! Nate 'alena we'iwe'iyaya wa'ebe'ebese, ta geya'abo sa'i we'iwe'iyaya nidi wa'ita'ita. Nate namo Yona manuna wanuwa'i'isi, tauna tuga we'iwe'iyaya manumi.