Maki 5:23 - Loina Tabu Auwauna NT

²³ ga 'isida waiwai, 'igwae, “'Inapwana, natugu mewainena 'ana le'oasa 'imwau 'ai'aila, ta tauna gwama tuga, ta nuwanuwagu 'umama be 'uda gitoo be 'ida bobo'ana, ta geya'abo 'imwawamwawasa.”

Maki 5:23 Referans Kwoze

Luke 13:13

'Enega nimana 'isa'una waine nina 'enaya ga 'enega 'inuwayata ga Yaubada 'itupuna.

Luke 4:40

Ta ni'atu sinala 'isuguwa ga tomota 'idi tole'oasao 'adi le'oasao dumadumadi be dumadumadi si'au'ewedima Yesu 'enaya, ga maibo'adi 'ebweuna 'ebweuna 'igitoodi ga sibobo'ana.

Maki 16:18

be 'abo mwata bolabolausidi sigilagasidi geya'abo 'idi go'i 'enega siesiesilae, be 'abo bwasi bolausa sinunuma geya'abo simwawamwawasa, be wate 'abo tole'oasao sigitoodi sida bobo'ana tuga.”

Guinuwa 28:8

Ta tuta nina 'ena Pubiliasi tamana anuwaya 'i'eno'eno ma ina le'oasa, ta 'ina le'oasa yaiyai be gamwapilipili. 'Enega Paulo 'ilugu 'ena, ga manuna 'isidasida Yaubada 'ena, ta oona 'igitoona ga 'igiebobo'anena.

Luke 4:38

'Enega Yesu anuwa tapwalolo nina 'enega 'iapwesa ga Saimoni 'ina anuwaya 'ilugu. Ga Saimoni lawana ooyaiyaiyega 'ile'oasa, 'enega Yesu sisidena be 'ida giebobo'ane.

Maki 8:23

Ta Yesu tomata kebokebo nina nimanaya 'igiyaina ta 'i'au'ewena, ga 'asa nina 'enega siapwesa. 'Enega Yesu tai nina matana 'igiwalidi ta nimanega matana 'igitoodi ga 'ieonena, “Sawesawenaya to'ase 'u'itadi?”

Maki 7:32

Ga 'ebweu tai sime'ena Yesu 'enaya tauna totenatui ta wate meya lidolidona ga Yesu sisidena be 'aene 'ida gitoo be 'ida bobo'ana.

Luke 7:12

'Imai 'asa selabenaya ga tomwawasa ma 'ana to'aalao 'ilobedi siapweapwesama 'asa nina 'enega. Tomwawasa nina kwabula natuna, 'ebweunamo tuga. 'Enega kwabula nina boda sinabwana ma'enao sitautauya sabi sa'u 'ali'ali.

Maki 6:13

ga yaluyaluwa bi'i tomota 'ediyega siula apwesedi, ga tole'oasao yaudi wate bunamega sie'abidi ga sibobo'ana.

Madiu 8:3

'Enega Yesu nimanega tai bwalana 'igitoona, ta 'igwae, “O, bobo'ana! 'Uda 'esasa.” Ga tai nina 'ana lepelo 'igumwala manini, ga 'i'esasena.

Guinuwa 9:17

'Enega Ananayasi 'itoolo ga 'itauya, ga Yudasa 'ina anuwaya 'ilugu, ga Saulo 'igidebena, ta 'igwae, “Tasigu Saulo, 'Inapwana nina Yesu 'edaya 'iapwesa 'emuya, tauna gete 'ietuneguma matayo 'adi gie'esasa manuna, be wate 'aene Yaluyaluwa Tabunega 'iloemaeyo.”

Guinuwa 6:6

'Enega tai getedi sigilagasidi Yesu 'ana tosimanao matadiya, ta sigidebedi ga manudi sisidasida Yaubada 'enaya, ga guinuwa nina sie'alidi.

Yoni 11:3

Ta tuta nina nuudina Lasalo 'ile'oasa ga taudi nuunao nidi ale sietunena Yesu 'ena, sigwae, “'Inapwana, gosiyamuna ni'atu 'ile'oasa.”

Maki 5:24

'Enega Yesu ma'iyana sitautauya, ga boda sinabwana simulimuliye ta siegigigila 'edaya.

Guinuwa 8:17

'Enega Pita be Yoni nimadi sisa'udi 'ediya ga Yaluyaluwa Tabuna 'ediya 'ilugu.

Guinuwa 9:12

ga 'ebweu tai 'ana esana Ananayasi 'i'itena, 'imeemai sabi gitoona, be 'enega matana sida 'esasa limana.”