Maki 4:38 - Loina Tabu Auwauna NT

³⁸ Ta Yesu waga kuliginaya 'ana gedu 'isa'una ga 'i'eno mwataya, ta 'ina tononoyao silowanowanona ga sigwae, “'Inapwana 'utoolo be 'ulemeda. 'Iabe tamwamwawasa!”

Maki 4:38 Referans Kwoze

1 Pita 5:7

Ta 'ami mwauyao maibo'adi Yaubada 'ena wada 'ebwaya, be 'enega 'ami mwau nidi 'i'ewayauledi, manuna Yaubada tauna 'i'atenuwa'ole'ole 'ai'ailemi.

Ibeliu 4:15

'Aidi totaliyao nigeya si'ate'atenuwa 'ole'oleyeda 'ida nenetao manudi, ta Yesu esi 'ida miyamwau 'inuwa sabwalenidi ta 'i'atenuwa 'ole'oleyeda, manuna lowa bale'uya Seitani 'ina 'ebetoo maibo'ana 'ilobedi nadigega 'abo'ada talobaloba 'esedi, ta Yesu nigeya 'ebweu wate 'iloeloegesi.

Madiu 8:25

'Enega Yesu silowanowanona ga sigwae, “'Inapwana, 'u'etoseyeda 'abona nai tadadamana.”

Luke 8:24

'Enega tomotai nidi Yesu silowanowanona ga sigwae, “'Inapwana 'utoolo, 'iabe tadadamana!” 'Enega Yesu 'itoolo ga yagila be lisu 'iba'edi, 'igwae, “Walosa'u!” 'Enega silosa'u ga 'isiwalowa.

Ibeliu 2:17

'Enega Yesu 'ietomotai 'abo'ada tasinao nadigega, ga 'ietotaliya sinabwana ma ina 'atenuwa'ole'ole manuda, ga Yaubada 'ina guinuwa 'ena 'ietapewa, ta 'italiya 'ida bubuna to'umalidi manudi be 'aene Yaubada 'ida nuwataudi.

Yoni 4:6

Sena nina 'enaya 'ebweu bwasi gaula 'imiyami, tauna Yekobe 'iguinuwena, ta Yesu 'itauya ga 'asuoleoleya sena nina 'ena 'iapwesa, ga ni'atu 'ilo'ame'ame, 'enega 'imiyatowa sabi eyawai'ata.

Madiu 22:16

'Enega loina silobena, ta 'adi tomuliyayao be Elodi 'ina bodao ma'ediyao sietunedi Yesu 'ena ga sigwae, “'Inapwana ni'atu 'amwalatonimu 'aene 'oyo toe'ita 'ai'aila be Yaubada 'ina nuwanuwa 'ue'ita 'ai'aila, ta wate tomota 'idi waiwai manuna nigeya 'umatamatauta, ta tuga ona 'ai'aila 'usimana leleleya tomota maibo'adi 'ediya.

Maki 4:37

ga wediliya sinabwana 'itowama, ta lisu wagaya 'isiwasiwa'oya'a ga 'iabe sidadamana.

Maki 4:39

'Enega Yesu 'itoolo ga yagila be lisu 'iba'edi, 'igwae, “Tuwa! 'U'emutuyo be 'usiwalowa!” 'Enega yagila 'ipela ga bwagabwaga maibo'ana 'isiwalowa.