Maki 4:26 - Loina Tabu Auwauna NT

²⁶ Ga Yesu 'igwae, “Yaubada 'ina loina tomota 'ediya 'atuwa nadigega suwana tai 'ina tanowaya 'iasodi,

Maki 4:26 Referans Kwoze

Madiu 13:24

'Enega onasemalimali 'ebweu wate Yesu 'i'ebwa'edi, 'igwae, “Yaubada 'ina loina 'atuwa nadigega 'ebweu tai witi atuna bobo'adi 'ina bagulaya 'ilelewanedi.

Luke 8:11

Ta ona semalimali nina 'ana li'ama gete nadigega: Atu nina nate Yaubada 'ina ona.

Luke 8:5

“Tobagula 'ebweu 'ina bagulaya 'itauya ga witi atuna 'ilelewanedi, ga 'aina atuna 'edaya sibe'u ga tomota siaebaebatudi, ta wate manuwa si'itedi ga simwa'utama ga si'enidi.

Yemesa 3:18

Ta wate taudi togienuwa siwalowa 'idi guinuwega bubuna bobo'ana sigiegie apwese.

Yoni 12:24

Ta wate 'ediya 'igwae, “Yaona 'ai'aila 'emiya, 'abo ewana bwa'a 'ena tadauni, ma'etamo bwa'a solanaya 'idadaula, ta esi solanega 'itatabwa be uwana bobo'ana 'isusaila, manuna 'eguma geya'abo bwa'a solanaya tadaudauni, geya'abo sa'i 'itabwatabwa be uwana bobo'ana 'isusasusaila.

Luke 13:18

'Enega boda nidi 'ediya wate 'igwae, “Mwa'adega Yaubada 'ina etoloina yada giemaedana'ese 'emiya. Nai gete nadigega 'ebweu kaiwe 'enega yada loesawa'i'i.

Madiu 13:33

'Ebweu wate onasemalimali 'i'ebwa'edi, 'igwae, “Yaubada 'ina etoloina 'atuwa nadigega pwalawa 'ana 'ebe gieseseya. Gidalina tuga waine 'i'ewena ga pwalawa sinabwana ma'iyana 'i'einisina, 'enega maibo'ana 'iseseya.”

Madiu 13:31

'Ebweu wate onasemalimali 'i'ebwa'edi, 'igwae, “Yaubada 'ina etoloina 'atuwa nadigega beno atuna 'ebweuna tai 'i'ewena ga bagulaya 'iasona.

Madiu 13:11

'Enega Yesu 'igwae, “'Omi ni'atu Yaubada 'emiya 'itagwala be 'ina loina sola'ai'ailidi 'ana tomwalatoiyao, ta boda getedi nigeya.

Madiu 13:3

Ga e'ita yaudi 'i'ebwa'edi onasemalimaliyega, 'igwae, “Tobagula 'ebweu 'ina bagulaya 'itauya, ga witi atuna 'ilelewanedi,

Madiu 4:17

Tuta gote 'enega Yesu 'ina guguya 'ie'ale ga 'igwae, “'Imi guinuwa to'umalidi 'ediyega wada nuwa'ebuni, manuna 'iabe be Yaubada 'ietoloina 'edaya.”

Madiu 3:2

“'Imi bubuna to'umalina 'ediyega wada nuwa'ebuni manuna Yaubada 'iabe be 'edaya 'ietoloina.”

Maki 4:25

Manuna 'eguma yaita 'enaya Yaubada 'ina gwegwe 'imiyami, gwegwe nina 'iloeposeyane. Ta yaita 'enaya nigeya Yaubada 'ina gwegwe 'imiyami, to'ase 'ena 'imiyami Yaubada 'enega 'i'ewa yauledi.”

Maki 4:27

ta tai nina 'i'eno be 'itoolo 'asiyata be boiboiya, ta suwana nidi sitabwatabwa, ta nigeya 'imwalamwalatoni mwa'adega sitabwatabwa'esa.