Maki 16:10 - Loina Tabu Auwauna NT

¹⁰ 'Enega Meli nina 'itauya ga Yesu 'ina tomotaiyao 'iemataluwedi, ta taudi tuga 'etamo ma idi nuwamwau sidedoi Yesu manuna.

Maki 16:10 Referans Kwoze

Yoni 20:18

'Enega Meli Magidala 'itauya ta tononoyao 'ediya 'isimana, 'igwae, “'Inapwana ni'atu ya'itena.” Ta wate Yesu 'ina ona 'enaya 'isimana apwesedi tonono nidi 'ediya.

Yoni 16:6

Ta 'enega 'igu ona manudi nuwami simwau sinabwana.

Luke 24:17

'Enega siteluwa nidi 'ieonedi, 'igwae, “To yage manuna wa'awa'awagwae liya?” Ga taudi ma idi nuwamwau sitoolo enono.

Maki 14:72

Ta tuta gote 'ena kakaleko 'igwane 'eluwena, ga Pita 'inuwa'i'isina Yesu 'ina ona 'aene “Muliyega be kakaleko 'igwagwane maluwa, ta 'oyo 'uda gimi eyaseyaseyegu matoi.” Ta 'enega Pita 'ina kabo to'umalina 'inuwa'i'isina ga 'idedoi.

Madiu 9:15

'Enega Yesu onasemalimali 'i'ebwa'edi, 'igwae, “Mwa'adega, kapekapeyana be ai 'ana toyo'oyao sinuwamwau 'abo toai me'olotona ma'ediya sigwaugwausowala? Nai nigeya aga? Ta wanuwa'i'isi 'aene tuta 'imeemai be toai nina 'ipilisinedi 'enega esi sinuwamwau be siedidigula, ta si'ebotana.”

Madiu 24:30

'Abo'agu Tomota Natuna, be tuta gote 'ena 'igu we'iwe'iyaya galewaya 'iapwesama, ta boda maibo'adi bale'uya si'itagu pwana debanega ma igu waiwai ta ma igu esaesa sinabwana yameema, be sida doonaona.

Madiu 19:22

Tai nina Yesu 'ina ona gete 'inonona ga ma ina nuwamwau 'iila. Tauna 'ana yakwala nigeya yauna ta 'ina gwegwe yau wawasae 'iegagaledi.