Maki 16:1 - Loina Tabu Auwauna NT

¹ 'Enega Sabate nina 'igumwala ga Meli Magidala ma ina waliyesa, tauna Yemesa sinana, be Salome wate ma'ediya bunama bobo'ana sigimwanena be 'aene Yesu bwalana sida eoloi.

Maki 16:1 Referans Kwoze

Luke 23:56

'Enega siila limana 'asaya ga bunama bobo'ana sigibubuna Yesu bwalana 'ana eolowa manuna, ga 'asiyata mulinaya sieyawai'ata, manuna Sabate 'ina loina.

Maki 15:40

'Aina iine wate 'edasolega sidunedune, nate Meli Magidala be 'ina waliyesa, tauna Yosese be tasina megwamana Yemesa sinadiya, be Salome wate,

Yoni 19:31

'Enega me Yudia 'adi toanuganao nidi sitauya Pailato 'ena, ga sisida 'abo sawesawenaya 'ida tagwaledi be tomotai nidi kelose 'ediya situtu epa'iyediya 'aedi sida lasadi be sida mwawasa manini, be 'enega 'adi keloseyega sida 'aala mwa'utedi, manuna ni'atu simwalatonina 'aene 'idi 'asiyata sinabwana selabenaya be 'ena siapwesa, 'enega geya nuwadi be tomotai nidi sida miyami kelose 'ediya 'idi Sabate nina 'ena.

Yoni 19:25

Ta Yesu 'ana kelose selabenaya iine site ata sitootoolo, nate taudi Yesu sinana matasina ta wate mali Meli tauna Kilopa mwanena, ta wate Meli Magidala.

Maki 16:8

'Enega iine nidi 'ali'aliyega siapwesa manini ga sidena, manuna nuwadi 'iowana, ta wate sidededela, ta 'idi matauta nigeya yaita 'ena sisimasimane.

Maki 15:47

Ta Meli Magidala be 'ina waliyesa, tauna Yosese sinana, ma'iyana sie'asiyedi ga 'ali'ali nina 'ena kokowana sisa'una si'itena.

Maki 14:8

Ta waine gete to'ase sinabwana nadigega 'enaya 'iguinuwena 'eguya, nate bwalagu 'igimi eoloina sabi gibubu 'agu sa'u'ali'ali manuna.

Maki 14:3

Tuta nina Yesu Betani 'ena 'imiyami, ta 'i'e'ai Saimoni 'ina anuwaya, tauna lowa tolepelo 'ebweu; ga waine 'ebweu ma ina bunama 'iluguma; ta bunama nina 'ana esana nadi, 'ana maisa sinabwana, ta 'ana botolo bobo'ana wawasae 'enaya 'isiwena. Ta waine botolo 'awana 'i'aulasena ga bunama nina Yesu debanaya 'isiwena.

Luke 23:54

'Asiyata gote 'ena me Yudia 'idi tuta gibubuna 'idi Sabate manuna.

Maki 15:42

Ta ni'atu 'asuinuwa ga gibubuna mali 'asiyata manuna, nate me Yudia 'idi Sabate.

Maki 16:2

Ga tomwa 'iulisina, nate wiki 'ana 'asiyata nugana 'enaya, ga sinala 'ina sae'unu 'enaya iine nidi ma idi bunama simai Yesu 'ana 'ali'ali 'ena.

Luke 24:1

'Enega wate tomwa 'iulisina, nate wiki 'ana 'asiyata nugana gonagonaya, ga iine nidi bunama nina sigibubunaya si'ewena ga sime'ena 'ali'aliya.