Maki 14:50 - Loina Tabu Auwauna NT

⁵⁰ 'Enega Yesu 'ina tononoyao maibo'adi sidena sinena.

Maki 14:50 Referans Kwoze

Maki 14:27

Ta Yesu 'ieonedi, “'Iabe maibo'ami wada denasinegu, nadigega Buki Tabu 'ina simana, 'igwae, ‘To'ita'i'ita sipi yaloemwawasi be sipi nidi sida 'elelewana.’

Yoni 16:32

Ta ma'etamo tuta 'ida apwesama, nai tada gwae, ‘Ni'atu tuta 'imai saba’, be maibo'ami wada 'elelewana 'imi 'asao 'ediya, be 'abo'agu tebweugu yada miyami. Ta nigeya 'aene tebweugumo ta esi Tamagu ma'iyagu.

2 Timoti 4:16

'Igu etala nuganuganina 'enaya nigeya 'ebweu yaita 'ilemelemegu. Maibo'adi 'idi matautega siebesinegu, ga tebweugu. Yaubada, 'idi to'umalina getei geya'abo e'ie'isadi.

Yoni 18:8

'Enega wate 'ediya 'igwae, “Ta! Ni'atu sa'i yaeonemi 'aene 'abo'agu gete. Ta 'eguma 'abo'agu wa'ebe'ebesegu, 'agu tomuliyao getedi wada tagwaledi be sitatauya 'idi 'asaya.”

Maki 14:49

Ta to'ase 'alena ga 'enega nigeya wagiyagiyaigu 'asiyata nidi yaudi gamwagamwanimiya yamiyami Anuwa Tabu 'ena ta yae'ie'ita tomota 'ediya? Ta tuwa tuga yage getedi siapwesama be 'aene palopitao 'idi gimisimana Buki Tabu solanaya sida apwesa.”

Maki 14:51

Ta 'ebweu tubuwau ma 'ana 'oama 'ebweuna namo Yesu 'i'oayabuna, ta tolosaiyao nuwanuwadi sigiyai,