Maki 14:41 - Loina Tabu Auwauna NT

⁴¹ Ga Yesu wate 'ilaga ga 'isidasida, ta 'ina ilama 'etonina 'enaya 'ilobedi si'eno mwataya, ga 'ieonedi, “Mwa'adega, ma'etamo tuga wa'eno'eno ta waeyawai'ata, aga? Ta wa'ita, 'abo'agu Tomota Natuna 'igu tuta ni'atu 'iapwesa be sida sipupuyegu toto'umalidi 'ediya.

Maki 14:41 Referans Kwoze

Maki 14:35

Ta Yesu 'ialaga tupwana ga 'ibe'u sanamwa'uta ga 'isidasida 'aene 'abo kapekapeyana 'elouya gete Yaubada 'ida 'ewayaule,

Maki 9:31

ga 'ina tononoyao 'ie'itedi 'ina mwawasa manuna, 'igwae, “Ma'etamo Tomota Natuna 'ana totelesipupu 'ida 'ebwayae 'ana talauwalao 'ediya be siloemwawasi, be 'asiyata 'etoi muliyega 'ida toololimana.”

Yoni 17:1

Ta ni'atu yage getedi Yesu 'i'inanedi ta galewa 'ena 'i'itatu'e, ga 'isidasida, 'igwae, “Tamagu, 'igu tuta ni'atu 'imai. 'Enega 'abo'agu natuyo 'agu esana 'uda gitu'eye, be 'enega 'abo'agu wate 'amu esana yada gitu'eye.

Guinuwa 7:52

Ona'ai'aila, tubumiyao palopitao maibo'adi sibubuna geyogeyoiyedi ga siloemwawasidi, palopitao nidi taudi Topalupaluna 'ina mai sigimi simanena, 'enega 'omi wate Topalupaluna nina wasipupuyena ga waloemwawasina.

Yoni 12:27

“Tuta gete 'enaya nuwagu 'imwau sinabwana, 'enega mwa'adega yasida'esa? Nai Tamagu 'ena yasisida, be tuta mwau gete 'ena 'i'etoseyegu? Nai geya'abo nadigega yasidasida'esa, manuna mwau nina tauna manuna yamai.

Yoni 12:23

'Enega Yesu me Gilisi 'idi ona 'ie'isena, ga 'igwae, “'Abo'agu Tomota Natuna, ta ni'atu tuta 'imai saba be 'enega 'agu tupu yaloba.”

Yoni 8:20

Yesu 'ina e'itao getedi Anuwa Tabu solanaya 'ie'ie'itaedi, nate 'ebwayadaita 'ana dedewaga selabenaya, ga gote 'ena nigeya 'ebweu yaita Yesu 'igiyagiyai, manuna 'ina tuta nigeya 'ilobaloba.

Yoni 7:30

Ta gote 'ena tomota nidi sitoona be 'aene sida giyai, ta mwa'adega ga 'enega nigeya 'ebweu yaita bwalana 'igitogitoo, manuna tauna nigeya 'ina tuta 'ilobaloba be 'imwamwawasa.

Maki 14:18

ga site tuwelo simiyatowa sabi 'e'ai. Ta 'idi 'e'ai solanaya Yesu 'ieonedi, “Gosegwao yaona 'ai'aila 'aene 'ebweuna tai gete tuga ma'edai ta'e'ai, ta sa'i 'iabe 'itelesipupuyegu.”

Maki 14:10

'Enega Yesu 'ina tonono 'ebweu site tuwelo 'ediyega, tauna Yudasa Isikaliota, 'itauya totaliya sinabwadi 'ediya ga nuwanuwana be Yesu 'ediya 'ida telesipupuye.

Maki 7:9

Ta wate 'igwae, “'Aene 'omi tomwalatoi 'ai'aila, ta nigeya! Manuna Yaubada 'ina loinao waguiguitoyasedi ta esi tubumiyao 'idi bubuna wagiyai'i'isidi.

Madiu 26:2

'igwae, “Wamwalatonina 'asiyata 'eluwa be Ataona Sagalina taguinuwe, be 'enega 'agu tosipupu 'ida 'ebwayaegu 'agu talauwalao 'ediya, be kelose 'ena sida loemwawasigu, Tomota Natuna 'abo'agu.”

Maki 14:40

Ta Yesu wate 'iila 'ina tononoyao 'ediya ga 'ilobedi wate si'eno mwataya, manuna matadi ni'atu si'eno'eno. Ta 'iloanoanodi ga sitoolo ma idi omayamaya, ga nigeya 'idi 'ebe onamo.

Maki 14:42

Watoolo be tatatauya, manuna 'agu totelesipupu nina ni'atu gete 'imeema.”