Maki 12:24 - Loina Tabu Auwauna NT

²⁴ Ta Yesu enaida gete 'ie'isena, 'igwae, “Gete 'imi loegesi, manuna Buki Tabu nigeya wamwalamwalatoni, ta wate Yaubada 'ina waiwai nigeya wamwalamwalatoni.

Maki 12:24 Referans Kwoze

Yoni 20:9

Ta esi nigeya sinuwanuwa sabwaleni Buki Tabu 'ina simana nina 'igwae, ‘To'etoseyana nina mwawasega 'ida toolo limana.’

Madiu 22:29

Ta Yesu enaida gete 'ie'isena, 'igwae, “Gete 'imi loegesi, manuna Buki Tabu nigeya wamwalamwalatoni, ta wate Yaubada 'ina waiwai nigeya wamwalamwalatoni.

Epeso 1:19

ta wate wada mwalatoni Yaubada 'ipaipaisewa waiwai 'abo'ada 'ana toemisao manuda.

Pilipai 3:21

Be tuta nina 'iilama ooda 'ida sa'ugelasedi; batuwa nenetadi, ta 'ida sa'ugelasedi 'atuwa tauna oona waiwaina ta 'esasena nadigega, ta 'ina guinuwa gete tauna 'ina waiwaiyega, manuna tauna sawesawenaya be yage maibo'adi 'ediya 'ietoloina.

Loma 15:4

Ta wate 'aina 'ebe'itao yaudi Buki Tabu 'ena simiyami Yaubada 'ina lemao manudi, ta 'abo 'ebe'ita nidi taemisedi, tada e'alama'i'itana ma ida nuwayaina be 'aene ma'etamo 'etoseyana tada loba.

Guinuwa 17:11

Lowa Tesalonaika 'ena me Yudia geya nuwadi tetela nina, ta sa'i me Yudia Belia 'ena 'idi tagwala bobo'ana, ga tetela nina nuwadi 'i'ewena, 'enega 'asiyata 'ebweuna 'ebweuna Buki Tabu sisawasawa be 'aene tetela gete 'ana 'ai'aila sida mwalamwalatoni.

Maki 10:27

'Enega Yesu 'iduneyedi ga 'igwae, “Yage gete mwau wawasae tomota 'ediya, ta esi nigeya mwauna Yaubada 'enaya, manuna Yaubada 'enaya yage maibo'ana kapekapeyana.”

Yoni 5:39

“Tuta yauyauna Buki Tabu wasawasawa ga wanuwena 'aene ma'etamo yawasimi ataya wada loba, ta nigeya wanuwanuwa sabwaleni 'aene Buki Tabu nina 'isimasimanegu.

Luke 1:37

Manuna yage maibo'ana Yaubada sawesawenaya.”

Maki 12:23

'Enega toololimana 'ana tutaya waine nina to tai batu mwane 'ai'ailina? Manuna site sebeni nidi ni'atu siaina.”

Maki 12:25

Toololimana mulinaya tomota geya'abo siaiai, ta esi 'idi miya aneloseyao galewaya nadigega.