Maki 10:23 - Loina Tabu Auwauna NT

²³ 'Enega Yesu 'ilo'ita dadana ga 'ina tononoyao 'ieonedi, 'igwae, “'Abo yaisigedi ma idi esaesa sinabwana 'idi lugu Yaubada 'ina 'ebeloina solanaya mwauna.”

Maki 10:23 Referans Kwoze

1 Kolinita 1:26

Ta tasigwao wanuwa'i'isi 'aene taudi Yaubada 'iesinuwedi 'emiyega yaudi nigeya bale'u 'ana tomwalatoiyao, nai 'ana toewaiwaiyao, nai 'ana 'inapwanao,

Yemesa 2:5

Tasigwao, 'igu ona gete wada nonodi, 'aene Yaubada togomabeso bale'uya 'iesinuwedi be emisa 'enega sida eesaesa. Manuna Yaubada 'ina 'ebeloina 'iona upaupaena be 'ena sida apwesa, 'abo tauna siobobomena.

Luke 18:24

Ta 'ina nuwamwau nina ni'atu Yesu 'imwalatonina, 'enega tomota 'ediya 'igwae, “'Abo yaisigedi taudi ma idi esaesa sinabwana 'idi lugu Yaubada 'ina 'ebeloina 'enaya mwau wawasae.

Maki 3:5

Ta Yesu 'idune masimasiyedi ma ina gamwasowala ta ma ina nuwamwau 'idi debapa'ala manuna, ga tai nina 'ieonena, 'igwae, “Nimayo 'uyasitoto,” ga tai nimana 'iyasitotona ga 'ibobo'ana.

2 Pita 1:11

be 'enega muliyega ma imi gwausowala walulugu 'ida 'Inapwana ta 'ada To'etoseyana Yesu Keliso 'ina 'ebeloina 'enaya, be nada wamiya ataya.

Yemesa 4:4

'Omi toemisa kabokaboyao, wada mwalatoni 'aene 'abo bale'u bubunina waoboobobome, nate Yaubada waetalauwale, manuna 'abo yaita bale'u bubunina nuwanuwana, tauna Yaubada 'ana saiya.

Yoni 3:5

Ta Yesu 'iona limana, “Yasimana 'ai'aila 'aene 'eguma nigeya bwasiyega be Yaluyaluwa Tabuna 'enega 'utubutubuwa, geya'abo Yaubada 'ina 'ebeloina 'enaya 'ulugulugu.

Maki 10:15

Manuna 'abo yaisigedi taudi geya'abo gogama getedi nadigega 'idi emisa, geya'abo sa'i Yaubada 'ina 'ebeloina 'ena silugulugu.”

Maki 5:32

Ta Yesu 'ilo'ita dadana tomota gamwagamwanidiya be 'ida 'ita yaita 'ina waiwai 'ena 'iabala.

Madiu 18:3

ta 'ieonedi, “Yaona'ai'aila yaisigedi 'omi 'eguma 'imi nuwamwa'uta gwama gete nadigega, 'omi toloetana Yaubada 'ina loina solanaya, ta 'abo nigeya wanuwanuwa'ebuni be gogama gidalidi nadigega, geya'abo sa'i walugulugu 'ina 'ebeloina 'enaya.

Maki 10:22

Ona gete tai nina 'inonona ta 'ina esaesa sinabwana 'iegagalena, 'enega nuwana 'imwau 'ai'aila, ta 'iila.