Maki 10:14 - Loina Tabu Auwauna NT

¹⁴ Ta Yesu 'ina tononoyao 'i'itedi ga 'ienapa'aledi, 'igwae, “Geya'abo gogama wa'eto'etobodedi, ta esi wada tagwaledi be 'eguya sida mai, manuna gogama getedi nadigega Yaubada 'ina 'ebeloina 'ilobwene 'ai'ailidi.

Maki 10:14 Referans Kwoze

Madiu 19:14

Ta Yesu 'igwae, “Geya'abo gogama wa'eto'etobodedi ta esi wada tagwaledi be 'eguya sida mai, manuna gogama getedi nadigega Yaubada 'ina 'ebeloina 'ilobwene 'ai'ailedi.”

Madiu 18:10

“Gogama gete nadigega geya'abo 'ebweuna 'ediyega wae'idi'idiye. Ona'ai'aila, gogama nidi 'idi aniloseyao tuta maibo'ana galewaya Tamagu matanaya simiyami, ta siduneduneye.

1 Pita 2:2

ta 'ilobwenemi be yaluyaluwami 'ana susu bobo'ana wada 'ebese. Nadigega taudi gogama meyameyadi susu nuwanuwadi, be susu nina yaluyaluwami 'adi 'etoseyana manuna.

2 Timoti 3:15

Ta 'oyo tauyo wate 'imu tuta gwamega ga batuwa Buki Tabu 'ina onao 'ana tosawa, ga 'ie'itemu 'aene 'ida emisa Yesu Keliso 'enaya 'ada 'ebe 'etoseyana.

E'ita'ita 14:5

Taudi nigeya 'ebweu wate kabo 'ediya, ta nigeya 'ebweu wate 'idi to'umalinamo.

2 Timoti 1:5

Ta wate 'imu emisa 'ai'aila Yaubada 'ena yanuwa'i'isina, nadigega sinayo Yunisi be tubuyo Loise Yaubada siemisa 'ai'ailena, 'enega 'oyo wate gete tugai Yaubada 'uemisa 'ai'ailena.

Epeso 4:26

Ta 'eguma wagamwasowala, geya'abo wabuubuna to'umalina, ta esi wada too be wanuwa siwalowa manini,

1 Kolinita 14:20

Gosegwao, geya'abo 'imi nuwanuwa gogama nadigega, ta esi wada nuwanuwa tai sinabwadi nadigega. Ta geya'abo guinuwa to'umalina manudi wanuwanuwa be 'aene wamwalatonidi.

1 Kolinita 7:14

'Abo yaita tai nai waine 'abo mwanena nigeya 'iemiemisa Yaubada 'enaya, ta esi ma'iyana tuga simiyami, 'iabe toemisa nina mwanena 'igiebobo'ane, ta 'enega natudiyao sena 'esasena 'ena simimiya. Ta 'abo sisa'ila, 'iabe natudiyao simiya to'umali.

Loma 11:28

Ta ona'ai'aila, gete tuga me Yudia Yaubada sietalauwalena, manuna 'ina tetela bobo'ana siguitoyasena, 'enega 'omi nigeya me Yudia 'etoseyana walobena, ta esi wada nuwa'i'isi 'aene me Isileli nidi Yaubada 'iobobomedi, manuna lowaenei tubudiyao Yaubada 'iesinuwedi 'aene 'ina bodao,

Loma 11:16

Ta tubudina Ebelaamo, tauna Yaubada 'ina tai, 'enega taudi wate Yaubada 'ina tomotaiyao. 'Enega 'ebe'ita gete 'ebweu yada 'ebwa'emi: 'Abo mweya wa'ita be bobo'ana, nate ni'atu wasinapuna 'aene ma'etamo sesoi bobo'ana. Nadigega wate 'abo kaiwe 'alena wa'ita bobo'ana, ni'atu wasinapuna 'aene nalinao wate bobo'adi,

Guinuwa 3:25

Ta 'omi palopitao nidi tubumiyao. Ta wate onaoboboma nina Yaubada tubudai Ebelaamo 'i'ebwa'ena, 'igwae, ‘'Oyo 'imu susuyega ma'etamo 'ebeloinao maibo'adi bale'uya 'idi 'ebe gwausowala.’ 'Enega onaoboboma nina 'omi wate manumi.

Guinuwa 2:39

Manuna Yaubada 'ina onaupaupa nina 'aene 'omi manumi, be natumiyao wate manudi, be taudi 'edasolaya simiyami manudi, yaisigedi taudi Yaubada 'ibwauyedi 'ena.”

Maki 8:33

Ta Yesu 'iasakowasi ga 'ina tononoyao 'iduneduneyedi ga 'i'enapa'ala Pita 'ena, 'igwae, “'Oyo Seitani, gete tuga 'upilisinegu! Manuna 'imu nuwanuwa tomota 'idi nuwanuwa, ta nigeya Yaubada 'ina nuwanuwa nadigega.”

Maki 3:5

Ta Yesu 'idune masimasiyedi ma ina gamwasowala ta ma ina nuwamwau 'idi debapa'ala manuna, ga tai nina 'ieonena, 'igwae, “Nimayo 'uyasitoto,” ga tai nimana 'iyasitotona ga 'ibobo'ana.

Madiu 5:3

'Omi ma imi nuwamwa'uta wagwausowala, manuna Yaubada nimanaya wamiyami.

Madiu 5:10

'Eguma 'omi 'imi guinuwa bobo'ana manudi tomota sietalauwalemi, wada gwausowala manuna Yaubada nimanaya wamiyami.

Yoni 3:3

Ta Yesu 'ilolagata ga 'ieonena, “Yaona 'ai'aila 'emuya, 'eguma nigeya 'utubutubuwa limana, geya'abo Yaubada 'ina 'ebeloina 'u'ita'ita.”

Yoni 3:5

Ta Yesu 'iona limana, “Yasimana 'ai'aila 'aene 'eguma nigeya bwasiyega be Yaluyaluwa Tabuna 'enega 'utubutubuwa, geya'abo Yaubada 'ina 'ebeloina 'enaya 'ulugulugu.