Maki 1:26 - Loina Tabu Auwauna NT

²⁶ 'Enega yaluyaluwa bi'i tai nina 'igietaina ga 'idededela ta 'imagana toila ga muliyega yaluyaluwa bi'i tai solanega 'iapwesa.

Maki 1:26 Referans Kwoze

Maki 9:26

'Enega yaluyaluwa nina 'imagamagana ga gwama 'ana lobwebwai 'iginaona ga 'idededela sinabwana, ta yaluyaluwa bi'i 'enega 'iapwesa ga 'itauya. Ta boda gwama si'itena 'ana 'ita 'atuwa 'imwawasa, ga simatauta ta sigwae, “Ni'atu 'imwawasa.”

Maki 9:20

'Enega gwama nina sime'ena 'enaya, ta yaluyaluwa bi'i Yesu 'i'itena, 'enega 'iginao ga gwama 'itai ga bale'uya 'ibe'u ga 'idededela ta 'awanega busobuso siapweapwesa.

Luke 11:22

Ta 'abo 'ebweu tai waiwai wawasae 'iapwesama, 'iabe tai nina 'ipa'i be 'ina gwegwe saiya nimanega 'i'ewadi, ta 'ina gwegweyao maibo'adi 'i'ewadi be gosenao 'i'ebwa'edi.

Luke 9:42

Ta ni'atu gwama nina 'imai Yesu 'ena, ga yaluyaluwa bi'i gwama nina 'iula mwa'utena bale'uya ga 'itaiya. 'Enega Yesu 'iloina ga yaluyaluwa nina 'iapwesa ga gwama 'ibobo'ana. Ga muliyega Yesu gwama nina 'i'au'ewena tamana 'ena.

Luke 9:39

Ta tuta yauna 'abo yaluyaluwa bi'i gwama nina 'igiyai, natuguna 'ibwaubwau sinabwana ta 'ana lobwebwai manuna 'itatai ta 'awanega busobuso siapweapwesa. Tuta yauyauna nadigega 'igiegie 'elouyae.

Maki 1:25

Ta Yesu 'iloinena, 'igwae, “'Ulosa'u be tai nate 'enega 'uapwesama.”

Maki 1:27

'Enega tomota maibo'adi silosuyaedi ga taudimo sienaidedi, sigwae, “Mwa'adega e'ita auwauna gete? Gete tai nina 'ina loinega yaluyaluwa bi'i 'iloiloinedi ta siematamatane.”