Madiu 9:13 - Loina Tabu Auwauna NT

¹³ 'Enega 'ilobwenemi be Yaubada 'ina ona wanuwa sabwaleni Buki Tabu 'ena 'igwae: ‘Nuwanuwagu 'atenuwa'ole'ole, ta geya nuwagu taliya.’ Gete yamaiya nigeya topalupaludi manudi, ta esi toto'umalidi sabi lemedi.”

Madiu 9:13 Referans Kwoze

Maki 2:17

Ta Yesu ona gete 'inonona ga 'ieonedi, “Taudi bobo'adi geya nuwadi togile'oasa, ta tole'oasao esiya nuwanuwadi togile'oasa. 'Abo'agu yamaiya nigeya topalupaludi manudi, ta toto'umalidi sabi lemedi.”

Luke 19:10

Ona'ai'aila 'abo'agu Tomota Natuna, ta yamai be kwanikwanidi yada 'ebesedi be ya'etoseyedi, nadigega tai gete.”

Luke 5:32

'Abo'agu yamaiya nigeya topalupaludi manudi, ta esi toloegesiyao sabi lemedi, be 'aene nuwa 'ebuniyega sida bobo'ana.”

Madiu 12:7

Yaubada 'ina ona 'aene ‘Taliya geya nuwagu ta 'atenuwa'ole'ole esiya.’ 'Eguma ona gete 'ana mwalatoi wamwalamwalatoni, geya'abo 'igu tononoyao wa'awa'awa to'umaliyedi, manuna nigeya siloeloegesi.

2 Pita 3:9

'Aina tomota 'idi nuwanuwa 'aene Yaubada geya'abo 'iguiguinuwedi yage nidi lowa 'iona upaupaediya. Ta 'omi geya'abo Yaubada 'ina guinuwa so'iso'i manudi wanuwanuwa, ta sa'i ma ina e'alama'i'ita 'iyamwayamwami be maibo'ami wada nuwa'ebuni, ta geya nuwana be 'ebweu yaita 'iloseye.

Guinuwa 3:19

'Enega 'ilobwenemi be wanuwa'ebuni be 'imi loegesiyao 'ida 'ewayauledi, be 'ami lotoona bobo'ana wada loba 'Inapwana tauna 'enega,

Guinuwa 11:18

Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.”

Madiu 3:2

“'Imi bubuna to'umalina 'ediyega wada nuwa'ebuni manuna Yaubada 'iabe be 'edaya 'ietoloina.”

Guinuwa 5:31

ga 'igilagasina tauna 'atainaya 'aene tauna To'etoseyana be Toanugana, be wate tauna togienuwa'ebuni me Isileli manuda, be 'enega 'ida to'umalinao 'inuwataudi.

Luke 24:47

be 'enega 'ana esanega tetela bobo'ana, nuwa'ebuni be to'umalina 'ana nuwatau manudi sida guguyae. 'Idi guguya nina sida e'ale Yelusalema 'enega be 'ida sakowasi bale'u maibo'ana 'enaya.

Madiu 4:17

Tuta gote 'enega Yesu 'ina guguya 'ie'ale ga 'igwae, “'Imi guinuwa to'umalidi 'ediyega wada nuwa'ebuni, manuna 'iabe be Yaubada 'ietoloina 'edaya.”

Guinuwa 2:38

'Enega Pita 'igwae, “'Imi guinuwa to'umalina 'ediyega wada nuwa'ebuni, be maibo'ami To'etoseyana Yesu 'ana esanega 'ada giebapitaisoemi, be 'imi to'umalinao 'ida nuwataudi, be wate Yaluyaluwa Tabuna 'ida 'ebwa'emi.

Madiu 3:8

'Enega 'ilobwenemi be 'imi nuwa'ebuni 'ai'aila wada e'itaedi 'imi guinuwa bobo'adi 'ediyega.

Guinuwa 20:21

ta 'igu e'ita 'emiya leleleya tuga, 'omi me Yudia, be 'omi mali sena tomoteninao, maibo'ami yaloguguya 'emiya be 'aene 'imi bubuna to'umalidi 'ediyega wada sanaila Yaubada 'ena, be 'Inapwana Yesu wada emise.

Madiu 21:42

'Enega Yesu wate onasemalimali Buki Tabu 'enega 'isimanena, 'igwae, “Nai Buki Tabu 'ina simana nigeya wanuwanuwa'i'isi, 'igwae, ‘'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi. Nate 'Inapwana 'ina guinuwa 'ebe nuwaowana 'edaya.’

Madiu 12:3

'Enega Yesu 'idi ona 'ie'isena, 'igwae, “Buki Tabu 'ena si'etoladina Debida manuna be 'eguma wasawai, wada mwalatoni 'aene tauna magosenao sibotana,

Maki 12:26

“Lowaenei Yaubada Mosese 'ieonena toololimana manuna, 'abo Buki Tabu wasawai wada 'italoba. Manuna tuta nina Mosese mitawaya 'itautauya ta Yaubada kaiwe sabelulu 'enega Mosese nina 'ieonena, 'igwae, ‘'Abo'agu Ebelaamo 'ina Yaubada ta Aisake 'ina Yaubada ta Yekobe 'ina Yaubada.’

Yoni 10:34

Ta Yesu wate 'ediya 'igwae, “Loina 'eto'etoladina 'imi Buki Tabu solanaya, 'igwae, ‘Ni'atu yaona 'aene 'omi yaubada nimi.’

Madiu 19:4

Ta Yesu 'igwae, “Buki Tabu 'ena 'eto'etoladina ni'atu wamwalatonina 'aene tuta 'ana 'ebe e'ale 'enaya Tomweluluwa nina tomota 'eluwa 'imweluluidi, me'olotona ta mewainena,

Madiu 12:5

Buki Tabu solanaya loina wate 'imiyami 'aene Anuwa Tabu 'ana totaliyao Sabate 'ana loina sida le'oa, ta nate nigeya loegesi.

Luke 10:26

'Enega Yesu 'igwae, “Loina nidi Mosese 'i'etoladidi Buki Tabu 'enaya, ni'atu 'umwalatonidiya ga?”

Maki 12:33

'Enega 'ilobweneda be taobobome 'ateda maibo'anega be nuwada maibo'anega be 'ida waiwai maibo'anega, be wate gosedao tada obobomedi nadigega tauda taobobomeda. Loina 'eluwa getedi taliya yauyaudi be 'ebwayadaitao maibo'adi sisinabwa sinedi, aga?”

Luke 5:31

Ga Yesu 'idi ona nina 'ie'isena, 'igwae, “Taudi bobo'adi geya nuwadi togile'oasa, ta tole'oasa esiya nuwanuwadi togile'oasa.