Madiu 7:15 - Loina Tabu Auwauna NT

¹⁵ Tosimana kabokabodi 'ediyega wa'ita'i'isimi. Manuna 'aidi ma'etamo 'emiya simamai, 'adi 'ita 'atuwa sipi panapanaisidi, ta soladiya esiya 'atuwa kedewa bosasa.

Madiu 7:15 Referans Kwoze

1 Yoni 4:1

Gosegwao, geya'abo yaluyaluwa maibo'adi waemiemisedi, ta esi watoodi, bobo'adi nai to'umalidi. 'Eguma taudi bobo'adi, tamwalatonidi 'aene Yaubada 'enega simai, ta taudi to'umalidi mali senega simai, manuna gete tuga palopita kabokaboyao siapweapwesama mayaluyaluwadi nigeya Yaubada 'enega.

Madiu 24:11

Wate palopita kabokaboyao sida apwesama be yaumi sida anugana gesiyemi.

Kolose 2:8

Geya'abo 'ebweu yaita 'ikabokaboemi tomota 'idi sinasinapu 'enega, manuna mwalatoi nidi yage besobeso bale'uyega, ta nigeya Keliso 'enega.

E'ita'ita 19:20

Gote 'ena yobai nina ma ina palopita kabokabo sigiyaidi, ga mayawasidi siuledi yaiyai sinabwana solanaya. Palopita kabokabo nina tauna lowa 'ina guinuwa waiwaidi 'iguinuwedi yobai nina matanaya ga 'ediyega tomota 'ikaboediya, taudi yobai nina 'ana we'iwe'iyaya 'ediya 'imiyami, ta 'ina tokwalui nina 'ana tobwagobwagoyao.

Yude 1:4

Mwau nina ni'atu 'emiya 'iapwesa, nate 'aina toto'umalidi sikaboemi ga 'ami boda 'ena silugu, 'enega Yaubada 'ina oboboma 'edaya taudi 'idi e'itega sisa'u gelasena ga loelata 'ana guinuwa 'enaya, ta wate 'ida Yaubada be 'Inapwana Yesu Keliso siguitoyasedi. Taudi 'idi to'umalinao manudi 'adi loina mwauna lowaenei Yaubada 'isa'una.

2 Pita 3:17

Gosegwao, yage getedi ni'atu 'omi wamwalatonidi, 'enega wada 'ita'i'isimi be geya'abo toto'umalidi sianugana gesiyemi be wabe'ube'u.

Luke 6:26

Ta tuta nidi 'ediya 'eguma tomota yaudi si'awa bobo'anemi, wada nuwaila be wada nuwamwau, manuna lowa taudi tubudiyao wate nadigega palopita kabokabo si'awa bobo'anedi.

2 Timoti 3:13

Ta wate taudi toto'umalidi be tomota 'adi tokaboyao 'idi to'umalinao sida sinabwa 'ai'aila, manuna Seitani ni'atu 'ikaboedi.

2 Timoti 4:3

Manuna tuta simeemai 'ediya tomota e'ita palupaludi siguitoyasedi, be mali e'itao 'adi nono 'ediya 'aene bobo'adi sida muliyedi.

Pilipai 3:2

Wa'ita'i'isimi toto'umalidi 'idi bubuna 'atuwa kedewa, taudi tolodaba 'adi bodao 'ediyega,

Epeso 4:14

Gete 'enega bubuna gogama tapilisinedi, manuna lowa 'ida mwalatoi nenetana 'ena e'ita dumadumadi be dumadumadi sigieloniuyeda, nate 'aina tokaboyao 'idi e'itao dibidibidi ta to'umalidi 'ediyega.

Galetia 2:4

Ta 'aidi wate gosedao kabokabodi ni'atu 'emaya siluguma, nuwanuwadi be 'ida miya bobo'ana Yesu Keliso 'i'ebwa'eda sida 'ita, ta taudi nigeya toemisa 'ai'aila, manuna nuwanuwadi be loina mwauna si'ebwa'ema.

Luke 12:15

Ta wate 'ina ona nina 'itubwena ga boda maibo'adi 'ediya 'igwae, “Wada 'ita'i'isimi be geya'abo esaesa nuwami 'i'ewa'ewa, manuna nigeya sawesawenaya be esaesa 'enega yawasimi bobo'ana waloba.”

E'ita'ita 16:13

Ta yaluyaluwa bi'i 'etoi, 'adi 'ita 'atuwa kwekwe, ya'itedi siapweapwesama yobai nina bweyabweyalina 'awanega, be wate yobai nina olega ta wate 'ina palopita kabokabo nina 'awadiyega.

Epeso 5:6

Bubuna getedi manudi Yaubada tole'oa loina 'igamwasowaledi, 'enega geya'abo 'ebweu yaita 'ina ona besobesoega 'ikabokaboemi,

Guinuwa 13:40

“'Enega wada 'ita'i'isimi be ona nina palopitao lowa manuna sionaona upaupa, geya'abo 'omi 'iloo'awasimi. Ona nina 'igwae,

Yoni 10:12

Ta 'abo yaita nigeya tonisipi, ta maisa manuna 'ieto'ita'i'ita, be 'abo kedewa bosasa 'i'ita 'imeema, sipi nidi 'ipilisinedi ta 'idedena. Ta kedewa nina sipi 'aidi 'iloemwawasidi, be matautega sipi maibo'adi si'elelewana.

Madiu 16:11

'Enega to'ase manuna ga nigeya wanuwanuwa sabwalena 'aene nigeya masula manuna yaonaona? Ta esi Palisiyao be Sadusiyao 'idi 'ebe gieseseya 'enega wa'ita'i'isimi.”

Madiu 16:6

Ga nada Yesu 'ieonedi, “Palisiyao be Sadusiyao 'adi beledi 'ana 'ebe gieseseya 'enega wa'ita'i'isimi.”

Madiu 10:17

“'Enega wa'ita'i'isimi, manuna tomota 'etamo sitauyemi etala manuna, be anuwa tapwalolo 'ediya 'etamo sisapisapimi,

E'ita'ita 17:6

Ta waine nina ya'itena, ni'atu Yaubada 'ina tomotaiyao be Yesu 'ana tosimanao laladi 'inumena, ga 'enega 'iekabaleya, ga nuwagu 'iowana waine nina 'ana 'ita manuna.

Guinuwa 13:6

'Enega salu nina maibo'ana sisakowasiyena, ga 'asa Pepose 'enaya siapwesa, ga nada to'oba, 'ana esana Bayesu, goma Yudia, tauna palopita kabokabo 'ebweu.

Madiu 7:14

Ta yawasi bobo'ana 'ana 'eda 'ana tauya mwauna ta 'ana 'awa gidalina tuga, 'enega tomota pu'epu'edimo silugu.

E'ita'ita 20:10

'Enega 'adi tokabo Seitani nina, si'ewena ga siulena yaiyai sinabwana solanaya, lowa 'ena yobai nina be palopita kabokabo nina siuledi, be sena nina 'ena si'elo'elouya 'asiyata be boiboi 'ediya, ta geya'abo 'igumwagumwala.