Madiu 7:11 - Loina Tabu Auwauna NT

¹¹ Ona'ai'aila 'omi toto'umalimi, ta 'imi 'ebwaya natumiyao 'ediya ni'atu wamwalamwalatoni, 'aene yage bobo'adimo wa'ebwa'ebwa'edi. Nadigega wate Tamami galewaya, 'abo wasisida 'enaya, 'imwalatonina to'ase bobo'ana 'ilobwenemi be 'ida 'ebwa'emi.

Madiu 7:11 Referans Kwoze

Yemesa 1:17

Ta wada nuwa'i'isi 'aene 'ebwayadaita bobo'adi be wate oboboma bobo'adi maibo'adi galewega simai Yaubada 'enega, tauna tuga maedanao 'adi tomweluluwa, ta wate nigeya sa'i 'ida esa'ugelasa, nadigega yauyaukwa sisa'usa'u gelasa.

Loma 8:32

Manuna Yaubada natu 'ai'ailina nigeya 'iegagale, ta esi maibo'ada manuda 'itagwalena ga 'i'ebwa'eda, 'enega yage maibo'ana wate 'iabe 'edaya 'ida 'ebwaya daisida.

Yoni 3:16

Ta Yaubada sa'i tomota maibo'adi bale'uya 'iobobomedi ga natuna tebweuna 'itagwalena be 'enega yaisigedi tauna 'ena siemisa, geya'abo simwawamwawasa ta esi yawasidi ataya sida loba.

1 Yoni 4:10

Gete oboboma 'ai'aila, nigeya 'aene 'abo'ada Yaubada 'ana toobobomao, ta Yaubada esi 'ada tooboboma, ga Natuna 'itagwalena be 'italiyaena tauna 'ida loegesiyao manudi.

1 Yoni 3:1

'Abo'ada 'eguma Yaubada 'enega tatubuwa, tauna 'ida 'awanatuneda. Gete 'ina oboboma sinabwa wawasae manuda. Ona'ai'aila, me bale'u Yaubada nigeya simwalamwalatoni, 'enega me bale'u geya'abo si'ina'inaneda 'aene 'abo'ada Yaubada natunao.

Loma 3:19

Ta ni'atu tamwalatonina 'aene Mosese 'ina loinao nate me Yudia 'ada loina, be 'enega geya'abo yaita 'ionaona limana tuta nina Yaubada 'ina bwa'omatana 'ena, manuna maibo'ada toto'umalida.

Galetia 3:22

Ta esi Buki Tabu maibo'ada 'i'awa to'umaliyeda, 'enega Yesu Keliso 'ana toemisao dimo Yaubada 'ina onaupaupa siloba.

Loma 3:9

'Enega 'abo'ada me Yudia mwa'adega 'ida miya taudi nigeya me Yudia 'idi miya 'ibobo'ana sinena? Nigeya! Manuna ni'atu yae'iteda 'aene maibo'ada toto'umalida.

Madiu 7:10

Nai 'abo iyana manuna sisisida mwata wa'ebwa'edi? Nigeya sa'i!

Madiu 23:9

“Wate geya'abo 'ebweu yaita bale'uya 'ena wa'awa'awa tamana, manuna Tamami 'ebweuna namo galewaya 'imiyami.