Madiu 5:5 - Loina Tabu Auwauna NT

⁵ 'Omi 'imi bubuna nuwana wada gwausowala manuna ma'etamo Yaubada bale'u maibo'ana 'i'ebwa'emi.

Madiu 5:5 Referans Kwoze

Yemesa 3:13

'Abo yaita 'oyo ma imu mwalatoi, 'uda guinuwa bobo'ana ma imu nuwamwa'uta, be tomota sida 'ita be sida mwalatoni 'aene 'imu bubuna bobo'ana.

Galetia 5:23

bubuna nuwana, 'alama'i'ita. Ta nigeya 'ebweu wate loina 'imiyami be yage getedi 'ida 'etobodedi.

Yemesa 1:21

'Enega 'imi bubuna be 'imi guinuwa to'umalidi wada pilisinedi, be wada tagwalemi Yaubada 'enaya, ta wate Yaubada ona nina 'atemiya 'iasonaya wada emisei, be wada ematamatane, be 'enega 'etoseyana waloba.

Kolose 3:12

Ta 'omi Yaubada 'ina obobomega 'iesinuwemi tauna manuna, 'enega 'ilobwenemi be wa'atenuwa 'ole'ole, be waeobooboboma, be wanuwamwa'uta ma imi 'atetagwala ta ma imi e'alama'i'ita,

Madiu 11:29

Ta 'omi wada etotowanegu be ma'egwao tada paisewa, be 'enega yaluyaluwami 'idi eyawai'ata sida loba, manuna 'abo'agu 'igu bubuna menuna ta tonuwamwa'uta.

Epeso 4:2

ma imi nuwamwa'uta, be ma imi 'atetagwala, be ma imi 'alama'i'ita, be 'ebweuna 'ebweuna wada eobooboboma, be wada 'atenuwa'ole'ole gosemiyao 'ediya,

1 Pita 3:15

ta esi 'atemiyega 'ida 'Inapwana Keliso wada 'amayabe. Be 'enega 'abo yaita 'ienaidemi be 'ida gwae, “To'ase manuna 'uemiemisa?” ta 'omi ni'atu ma imi e'isa bobo'ana wada simana 'ediya, ta geya'abo ma imi oopa'ala, ta esi ma imi bubuna nuwana 'enega waeonadi.

Taito 3:2

Ta geya'abo lo'aegila be egewagewana, ta esi tomota 'ediya sida bubuna oonuwega ma idi 'amayaba.

1 Pita 3:4

ta esi 'atemi wada eiyalidi iyalao miyamiya atayadi 'ediyega, taudi nadigega bubuna nuwana be nuwamwa'uta 'ediyega. Wada nuwa'i'isi 'aene yage gete yage sinabwana Yaubada matanaya.

1 Timoti 6:11

Timoti ye, 'oyo Yaubada 'ina toguinuwa, 'enega gete bubuna nina 'enega 'u'ita'i'isiyo, ta bubuna palupaluna 'umuliye, yage nidi nadigega 'eda'eda bobo'ana be emisa be oboboma be 'alama'i'ita be bubuna oo nuwana,

2 Timoti 2:25

Ta wate 'ada talauwalao 'ediya 'ida bubuna ma'anuwaena 'enega tagiepaludi, be 'enega Yaubada, 'abo kapekapeyana, 'ilemedi be sinuwa'ebuni, be e'ita 'ai'aila simuliyedi,

Loma 4:13

Ta Yaubada Ebelaamo 'iona upaupaena be ma ina susuyao bale'u maibo'ana sida loine. Ta 'ina onaupaupa gete nigeya 'aene 'ina ematamatana loina manuna 'enega, ta esi 'ina emisega, ga 'enega Yaubada 'i'awa palupaluyena.

Madiu 21:5

“Sayoni tomoteninao waeonadi, wagwae, ‘Wa'ita 'imi toloina sinabwana 'imeemai 'emiya, Tauna tonuwamwa'uta sana, ta ase 'igeluna, Ta ase nina me'olotona ta mwaneyauna.’”