Madiu 4:24 - Loina Tabu Auwauna NT

²⁴ 'Enega Yesu tetelina 'i'elelewana Silia 'asanao maibo'adi 'ediya, 'enega tole'oasao yaudi sime'eme'edi 'enaya, taudi sile'oasa sinabwana ta oodi si'elo'elouya, be taudi yaluyaluwa bi'i sigie kabaleyedi be taudi 'adi le'oasa lobwebwai, be wate tokweno, ga Yesu 'igiebobo'anedi maibo'adi.

Madiu 4:24 Referans Kwoze

Madiu 17:15

ta 'igwae, “'Inapwana, natugu 'uda 'atenuwa 'ole'oleyei be 'uda giebobo'ane, manuna tuta yauna 'ana lobwebwai manuna 'itaitai, ta bwalana siuyauya sinabwana, ta 'aina tuta 'ediya 'awesabelulu 'enaya 'ibe'ube'u, ta 'aina tuta bwasi ni'u 'ediya 'ibe'ube'u.

Madiu 8:6

'igwae, “'Inapwana, 'igu 'ali'ei 'ebweu 'ile'oasa ga anuwaya ma ina 'elouya sinabwana 'i'eno'eno, ta nigeya sawesawenaya be 'iloniu.”

Luke 5:15

Ta esi gote 'enega ga Yesu tetelina 'isinabwa 'ai'aila ga pwalu yaudi sidelima be 'aene Yesu 'ina ona sida nono, ta wate 'adi le'oasao 'aene 'ida giebobo'anedi,

Luke 2:2

Loina gete 'ie'ale'unu tuta nina Kuwilinio 'ina tuta etoloina Silia 'enaya.

Madiu 17:18

'Enega Yesu yaluyaluwa bi'i 'iloinena ga lobwebwai gwama nina 'enega 'iapwesa ga 'ibobo'ana limana.

Madiu 15:22

Ta sena nina 'enega Kenani wainena 'ebweu 'iapwesa ga Yesu 'ieonena, 'igwae, “'Inapwana, 'oyo Debida 'ina susu, 'uda 'atenuwa 'ole'oleyegu, manuna natugu mewainena ni'atu yaluyaluwa bi'i 'igiekabaleyena,”

Madiu 12:22

'Ebweuna tai, lowa yaluyaluwa bi'i 'idi guinuwega matana sikebona, ta wate meyana 'ilido, 'enega sime'ena Yesu 'ena ga 'igiebobo'anena, ga muliyega tai nina 'ie'ale be 'iona ta 'i'ita.

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

Guinuwa 15:23

ga toemisao nidi taudi nigeya me Yudia 'idi leta si'ewena, ta 'ana 'etoladi 'igwae, “Kagutoki tasimao 'omi toekalesiyao sena apwesaya Anitioki be Silia be Silisia 'ediya wamiyami. 'Abo'ama Yesu 'ana tosimanao be toanuganao 'imi leta 'a'etoladinawa.

Maki 2:3

Ta tokweno 'ebweu sime'ena ta 'ana to'aalao site ata 'ebe 'enoega si'aalinama,

Maki 1:32

Ta sinala ni'atu 'isugusuguwa, ga tomota 'idi tole'oasao be taudi yaluyaluwa bi'i 'ediyega sile'oasa maibo'adi sime'edi Yesu 'enaya,

Madiu 4:23

Yesu Galili maibo'ana 'iasakowasiyena, ta 'idi anuwa tapwalolo 'ediya 'iloguguya, ta tetela bobo'ana Yaubada 'ina loina manuna 'isimasimane, ta wate tomota 'adi le'oasao 'ediyega 'igiebobo'anedi maibo'adi.

Guinuwa 15:41

ga sisakowasi Silia be Silisia 'asanao 'ediya, ga Paulo toekalesiyao 'ilemedi, ta 'igiewaiwaiyedi.

Luke 4:14

'Enega Yesu Yaluyaluwa Tabuna 'ina waiwaiyega 'iila limana Galili. Ga gote 'ena Yesu tetelina 'i'elelewana Galili senanao 'ediya,

Maki 1:28

'Enega Yesu tetelina silelewanena Galili senanao maibo'adi 'ediya.

Madiu 14:1

Tuta gote 'enaya Elodi, tauna Galili 'ana toloina, Yesu 'ina guinuwa alena 'inonona,

Yoni 10:21

Ta 'aidi wate sigwae, “Gete nigeya nadigega yaluyaluwa bi'i 'ina ona, ta mwa'adega ga waona 'aene yaluyaluwa bi'i sawesawenaya be tomata kebokebo matana 'ida gie'esasadi? Nigeya sawesawenaya!”

Madiu 9:35

'Enega Yesu 'asa sinabwadi be gidalidi 'ediya 'isakowasi, ta 'idi anuwa tapwaloloyao 'ediya 'ie'ita ta 'iloguguya Yaubada 'ina loina tetelina manuna, ta wate le'oasa yaudi 'ediyega tomota 'igiebobo'anedi.

Madiu 9:26

Muliyega ale gete 'i'elelewana sena maibo'ana 'ediya.

Madiu 8:28

'Enega ni'atu siabala ga silugu me Gadala 'idi senaya, ga tai 'eluwa yaluyaluwa bi'i sigie kabaleyaediya, ga 'ali'ali duluina 'enega siapwesama. Ta 'idi bubuna gadilulu 'enega nigeya sawesawenaya be 'ebweu yaita 'idi sena nina 'enega 'itatauya.

Madiu 8:33

'Enega bawe 'adi to'ita'i'itao nidi 'idi matauta manuna sidena ga sitauya 'idi 'asaya, ga yage nidi si'itedi maibo'ana sisimanedi toni'asao 'ediya, to'ase nadigega toekabaleya 'ediya 'iapwesa.

Maki 2:4

ga sitoona be 'aene tokweno nina siluguye Yesu 'ena, ta nigeya sawesawediya, manuna pwalu sinabwa wawasae, 'enega si'aala tu'eyena anuwa debanaya ga 'ana 'atowa si'ewayaulena, ta 'enega tokweno nina ma 'ebe'enona sietabetabeyena ga Yesu matanaya sisa'una.

Maki 2:9

Ta to'ase wanuwena yada onae tokweno gete 'enaya be 'aene yada gwae, ‘'Imu bubuna to'umalina ni'atu yanuwataudi,’ nai yada gwae, ‘'Utoolo be 'imu 'ebe'eno 'u'aali be 'utatauya’?

Luke 4:38

'Enega Yesu anuwa tapwalolo nina 'enega 'iapwesa ga Saimoni 'ina anuwaya 'ilugu. Ga Saimoni lawana ooyaiyaiyega 'ile'oasa, 'enega Yesu sisidena be 'ida giebobo'ane.

Luke 5:24

Ta wada mwalatoni 'aene 'abo'agu Tomota Natuna ma igu loina bale'uya be tomota 'idi bubuna to'umalina yanuwataudi.” 'Enega tokweno nina 'ieonena, 'igwae, “'Abo'agu gete yaeonayo, ‘'Utoolo be 'imu 'ebe'eno 'u'aala be 'utatauya 'imu 'asaya.’

Guinuwa 8:7

'eguma yaisigedi sile'oasa yaluyaluwa bi'i 'ediyega 'iula apwesedi ma bwaubwaudi, ta wate tokwenoyao be tolopegoiyao 'igiebobo'anedi. 'Enega boda nidi sitagwatagwala leleleya Pilipi 'ina loguguya 'enaya,

Luke 7:17

Gote 'ena Yesu alena silelewanena Yudia maibo'ana ta wate 'asa nidi selabenaya maibo'adi 'ediya.

Guinuwa 28:9

'Enega me salu maibo'adi taudi ma idi le'oasa simai Paulo 'enaya, ga taudi wate 'igiebobo'anedi.