Madiu 3:7 - Loina Tabu Auwauna NT

⁷ Ta Palisiyao be Sadusiyao yaudi wate simai sabi bapitaiso, ga Yoni 'i'itedi ga 'ieonedi, 'igwae, “Tokabo 'omi nadigega mwata! Ta wanuwena 'aene 'iabe Yaubada 'ina gamwasowala 'enega wadedena, aga?

Madiu 3:7 Referans Kwoze

Madiu 12:34

“'Omi sa'i mwata natunao, 'enega nigeya sawesawenaya be ona bobo'adi wa'inanadi, manuna maibo'ami toto'umalimi, ta wate 'imi nuwanuwao to'ase nadigega 'atemiya simiyami, tuta yauyauna 'awamiyega siapweapwesa.

1 Tesalonaika 1:10

ta Natuna wayamwayamwa be to tuta galewega 'ida ebusima. Tauna Yesu nina Yaubada mwawasega 'igietoolona be 'i'etoseyeda be 'aene geya'abo bwa'omatana 'ena taapweapwesa.

Loma 1:18

Ta Yaubada wate galewega 'ina gamwasowala ni'atu 'ie'itaena taudi tobubuna geyogeyoi maibo'adi 'ediya, manuna taudi 'idi bubuna to'umalina 'ediyega bubuna palupaluna si'eto'etobode.

Madiu 23:33

'Omi mwata natunao, ta nigeya sawesawenaya be 'asagabugabu 'enega wadedena.

Loma 5:9

ga lalanega 'igie'esaseda, ta wate sawesawenaya be 'i'etoseyeda Yaubada 'ina gamwasowala 'enega.

Madiu 22:23

Gote 'asiyata nina 'enaya 'aina Sadusiyao, taudi nigeya siemiemisa tomwawasa 'idi toololimana manuna, simai ga Yesu 'ena sienaida,

Madiu 16:6

Ga nada Yesu 'ieonedi, “Palisiyao be Sadusiyao 'adi beledi 'ana 'ebe gieseseya 'enega wa'ita'i'isimi.”

1 Yoni 3:10

'Enega taudi ta'inanedi 'aene yaisigedi Yaubada natunao, ta yaisigedi Seitani 'ina bodao, manuna taudi Seitani 'ina boda geya'abo sa'i siguiguinuwa palupalu, manuna nigeya situbutubuwama Yaubada 'enega, ta wate geya'abo sieobooboboma matasidiyao.

Yoni 9:40

'Enega Palisiyao nidi Yesu 'ina ona sinonona ga sigwae, “Mwa'adega 'aene 'abo'ama wate mata kebokeboma, aga?”

Ibeliu 11:7

Noa wate Yaubada 'ie'itena 'aene to'ase 'iabe 'iapwesa 'ediya, 'enega Noa nina 'ina emisega 'ina waga 'ana esana aki 'italena be 'enega tauna ma ina susuyao 'i'etoseyedi. Gote 'ena 'ie'itaena 'aene tomota maibo'adi toto'umalidi, ta tauna tai palupaluna 'ina emisa manuna.

Guinuwa 26:5

ta tuta dudulana 'enega simwalamwalatonigu 'aene 'abo'ama boda Palisi, ta Palisiyao 'ima loina waiwaina yamuliya 'ai'ailina, be 'abo 'uenaidedi ta nuwanuwadi sie'isa, 'iabe si'awa 'ai'aila.

Guinuwa 20:31

'Enega walomata'i'ita be wate 'igu loguguya wanuwa'i'isi, 'aene yakwala 'etoi soladiya nigeya yada eyawai'ata, 'asiyata be boiboi 'ediya, ta esi ma mataselugu yaloguloguguya 'ebweuna 'ebweuna 'enaya.

Guinuwa 15:5

Ta 'aina Yesu 'ana toemisao Palisi bodadi 'ediyega sitoolo, ga sigwae, “'Eguma 'asa apwesa 'adi tomiyanao siemiemisa, 'ilobwenedi be daba si'ewa be wate tada loinedi be Mosese 'ina loinao sida muliyedi bemi, be muliyega siekalesiya 'ai'aila.”

Guinuwa 5:17

Ta totaliyao 'idi 'inapwana sinabwana be Sadusiyao 'idi boda ma'enao sigamwasowala ta sie'ipi'ipiyedi,

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

Yoni 1:24

Ta Palisiyao 'adi toepilialeale nidi

Luke 18:11

'Enega Palisi nina 'itoolo ga 'isidasida, 'igwae, ‘Yaubada ye, yalokagutoki 'emuya manuna 'abo'agu nigeya nadigega gosegwao 'idi bubuna, manuna taudi to'ipwala diidiga be kabokabodi be loeloelatadi, ta wate 'abo'agu nigeya nadigega takisi 'ana to'ewa gote,

Luke 16:14

Tuta nina Palisiyao ona nina sinonona ga Yesu situyeyena, manuna taudi mani nuwanuwadi sinabwana.

Luke 7:30

Ta esi Palisiyao be loina 'ana tomwalatoiyao Yaubada 'ina nuwanuwa siguitoyasena, 'enega geya nuwadi be Yoni 'igie bapitaisoedi.

Maki 12:18

'Enega wate Sadusiyao, taudi nigeya siemiemisa tomwawasa 'idi toololimana manuna, simai ga Yesu 'ena sienaida, sigwae,

Maki 12:13

Ta 'enega 'inapwanao nidi 'aina Palisiyao be wate Elodi 'ina bodao sietunedi Yesu 'enaya be enaidega sikaboe be 'ina loegesi siloba.

Maki 8:15

Ga Yesu 'iemataluwedi, 'igwae, “Palisiyao be Elodi 'adi beledi 'ana 'ebe gieseseya 'enega wa'ita'i'isimi.”

Madiu 22:34

'Enega Palisiyao ni'atu sinonona 'aene Yesu Sadusiyao 'idi enaida 'ie'isena ta nigeya 'ebweu wate 'idi 'ebe onamo, 'enega Palisiyao nidi Yesu 'enaya simai,

Madiu 22:15

Ta Palisiyao taudimo sideli egogonama ga siloina mwa'adega be enaidega sikaboe be Yesu 'ina loegesi siloba.

Madiu 12:24

Ta sa'i Palisiyao guinuwa gete alena sinonona ga sigwae, “Nigeya, ta esi yaluyaluwa bi'i 'idi 'inapwana 'ana esana Bielisibubi 'ina waiwaiyega yaluyaluwa bi'i 'iula apwesedi.”

Madiu 5:20

Wate yaeonami 'aene 'ilobwenemi be 'imi bubuna taudi Palisiyao be loina 'ana toe'itao 'idi bubuna 'ida bobo'ana sinedi. Ta 'eguma nigeya, geya'abo Yaubada 'ina 'ebeloina 'ena walugulugu.

Ibeliu 6:18

'Enega yage waiwaidi 'eluwa simiya ataya, nate Yaubada 'ina onaupaupa ta 'ina sawa tamatamana, 'enega tamwalamwalatoni 'aene Yaubada nigeya 'ebweu tuta 'ida kabo. Manuna 'abo'ada ni'atu Yaubada 'ena tadena ga 'i'etoseyeda, 'enega ta'atepatu be tada nuwayai 'aene 'ina onaupaupa 'edaya geya'abo 'iligeligeidi.

Madiu 15:12

'Enega 'ina tononoyao Yesu 'ena simai ga sieonena, “'Inapwana, 'unonona 'aene Palisiyao 'imu ona gete manuna ni'atu sinuwa mwau.”

Madiu 16:1

'Ebweu tuta 'enaya 'aidi Palisiyao be Sadusiyao simai ga Yesu sienaidena, sabi toona, ga sieonena, “Kapekapeyana be we'iwe'iyaya 'ebweu 'uda guinuwe be 'ada 'awa'ai'aile 'aene 'imu waiwai Yaubada 'enega 'imai?”