Madiu 26:35 - Loina Tabu Auwauna NT

³⁵ Ta Pita 'igwae, “'Inapwana, geya'abo sa'i yaeyaseyaseyeyo! 'Eguma siloemwawasiyo 'abo'agu wate ma'iyayo siloemwawasida.” Tomuliyao maibo'adi wate nadigega sionaona.

Madiu 26:35 Referans Kwoze

Loma 11:20

Nate ona'ai'aila. Ta esi wada nuwa'i'isi 'aene naliyao nidi 'ilasedi, manuna nigeya siemiemise, ta esi 'omi 'imi emisa 'enega yawasimi bobo'ana walobena. 'Enega 'ilobwenemi be Yaubada wada mataute ta geya'abo wanuwanuwatu'e,

Yoni 13:37

'Enega Pita Yesu 'ienaidena, 'igwae, “'Inapwana, to'ase manuna gete tuga geya'abo yamulimuliyeyo? Ni'atu yatagwalegu be manuyo tuga yada mwawasa.”

1 Pita 1:17

'Etamo Yaubada 'ina loina 'ebweuna ta palupaluna 'enega tomota maibo'ada 'ida loineda, nadigega 'ida guinuwa, bobo'ana, nai to'umalina. Tauna Yaubada nina waeesena Tamami 'imi sidasidao 'ediya, 'enega 'ilobwenemi be wada 'amayabe tuta maibo'ana bale'u gete 'ena wamiyami.

Pilipai 2:12

Gosegwao 'omi ematamatana 'alemi. Lowa mataguya waematamatana, ta gete tuga 'emiyega yamiya 'edasola, ta tuga ma'etamo waematamatana 'ai'aila. 'Enega 'ilobwenemi be Yaubada wamataute be wate watoo waiwai be 'ina 'etoseyana waloba,

1 Kolinita 10:12

'Enega 'abo yaita 'oyo 'unuwena 'aene ma imu waiwai 'utootoolo, 'uda 'ita'i'isiyo be geya'abo 'uneeneta,

Madiu 10:33

Ta 'abo yaisigedi sieyaseyaseyegu tomota matadiya, 'abo'agu wate ma'etamo galewaya Tamagu matanaya yaeyaseyaseyedi.