Madiu 25:32 - Loina Tabu Auwauna NT

³² be 'ebeloina bale'uya maibo'adi mataguya sida egogonedima be yaweyalidi 'atuwa sipi 'adi to'ita'i'ita 'iweyalidi gota 'ediyega,

Madiu 25:32 Referans Kwoze

Madiu 13:49

Nadigega wate, tuta 'ana 'ebe losalowa 'enaya, aniloseyao sida ma be toto'umalidi sida weyalidi tobobo'adi 'ediyega,

2 Kolinita 5:10

Manuna ma'etamo 'abo tuta nina Keliso 'ina 'ebemi esaesa 'ena 'imiyatowa sabi loineda, maibo'ada 'ada e'isa 'enega tada loba, nai bobo'ana nai to'umalina, nadigega 'ida guinuwao bada bale'uya.

Madiu 3:12

Ta tai gete 'ina inawega 'iabe witi 'ida sabutudi be uwana sisasagu be muliyega uwana bobo'adi 'iedodo 'ina anuwa masulaya, ta sumwasumwa nidi 'awesabelulu ataya 'ena 'igabudi.”

Yoni 10:14

'Enega wate 'ieonedi, “'Abo'agu sipi 'adi to'ita'i'ita bobo'ana, manuna 'igu sipiyao yamwalamwalatonidi ta taudi simwalamwalatonigu.

1 Kolinita 4:5

'Enega gete tuga geya'abo 'ebweu yaita gosenao 'ediya 'iesiesinuwa 'aene bobo'adi nai to'umalidi, manuna ma'etamo 'ida 'Inapwana 'imama be taunamo 'iloineda. Ta 'ina loina nina palupaluna, manuna 'ida nuwanuwa to'umalidi 'atedega Yaubada 'ida gieapwesedi be 'ida loineda, ta 'ida nuwanuwa bobo'adi wate 'ida gieapwesedi, be manudi 'ida 'awabobo'aneda.

Loma 2:16

Nadigega tuga tetela bobo'ana yaguguyaena 'emiya, 'aene bwa'omatana 'ana tutaya Yaubada Yesu Keliso 'ida loine, be tauna tomota 'idi nuwanuwa kwaikwaiyidi manudi 'ida 'awato'umaliyedi nai 'ida 'awabobo'anedi.

Loma 2:12

Ta 'ina loina 'aene mali bodao Mosese 'ina loina nigeya simwalamwalatoni, tuwa tuga Yaubada 'ida loinedi 'idi to'umalinao manudi. Nadigega wate taudi me Yudia Mosese 'ina loina simwalatonina, be Yaubada 'ida loinedi 'idi to'umalinao manudi, Mosese 'ina loinao 'ediyega.

Yoni 10:27

Ta 'abo'agu 'igu sipiyao 'enagu sinonona, ta taudi wate yamwalatonidi ga 'enega simulimuliyegu,

Madiu 28:19

'Enega watatauya be sena maibo'adi 'ediya waloguguya, be 'enega tomota sida emisegu, be wate wagiebapitaisoedi Tamagu 'ana esanega be Natuna 'abo'agu 'agu esanega be wate Yaluyaluwa Tabuna 'ana esanega.