Madiu 25:29 - Loina Tabu Auwauna NT

²⁹ Manuna 'abo yaita 'ana egueguyai 'iloeposeyanei, 'ana loeposeyana wate 'ida loba, be 'ida sinabwa; ta 'eguma yaita nigeya 'iloeloeposeyane, to'ase 'enaya 'imiyami 'enega ma'etamo sida 'ewayaule.

Madiu 25:29 Referans Kwoze

Madiu 13:12

'Eguma yaisigedi nadigega ma idi mwalatoi, 'iabe loeposeyana sinabwa wawasae siloba, ta esi 'eguma yaisigedi nigeya 'idi mwalatoimo ta to'ase nai 'ediya simiyami 'iabe maibo'ana siloseyedi.

Luke 8:18

'Enega wanuwa'i'isi be ona waenono 'ai'aila. Manuna 'eguma yaita 'enaya Yaubada 'ina gwegwe 'imiyami 'iabe gwegwe nina 'iloeposeyane. Ta yaita 'enaya nigeya Yaubada 'ina gwegwe 'imiyami, ta taunamo 'inuwena 'aene Yaubada 'ina gwegwe 'ena 'imiyami, 'iabe Yaubada gwegwe nidi 'enega 'i'ewa yauledi.

Maki 4:25

Manuna 'eguma yaita 'enaya Yaubada 'ina gwegwe 'imiyami, gwegwe nina 'iloeposeyane. Ta yaita 'enaya nigeya Yaubada 'ina gwegwe 'imiyami, to'ase 'ena 'imiyami Yaubada 'enega 'i'ewa yauledi.”

Yoni 15:2

Ta 'abo naligwao nigeya sida uwa, 'i'upwa'upwa yauledi, ta esi naligwao nidi taudi uwadi 'isa'una, 'igie'esasedi be 'enega sida uwa sinabwana.

Luke 10:42

ta esi 'ebweuna namo yage sinabwana manuna 'uda nuwanuwa, nadigega tasiyo Meli 'ina esinuwa. Meli nuwanuwana be 'igu ona 'ida nonodi, 'enega geya'abo 'ebweu yaita 'i'eto'etobodei.”

E'ita'ita 2:5

Lowa bobo'ami, ta wada nuwa'i'isi mane 'enega wabe'u, 'enega wada nuwa'ebuni limana be wada guinuwa bobo'ana, nadigega lowa. Ta 'abo sa'i geya'abo wanuwanuwa'ebuni, 'emiya yawawai be 'imi mayale 'emiyega ya'ewayaule.

Yoni 11:48

Ta 'eguma geya'abo tagiegie losa'uye, ma'etamo tomota maibo'adi 'ena sida emisa, be 'enega me Loma 'idi loina 'iapwesa, be 'ida Anuwa Tabu be wate 'ida boda maibo'adi sida gieto'umaliyedi.”

Madiu 21:41

Ta sigwae, “Toloemwawasa nidi 'iabe 'igieto'umali 'ai'ailedi, be bagula 'ida tagwale to'ita'i'tao bobo'adi 'ediya, be taudi bagula uwana sida 'ebwaya tonibagula nina 'enaya.”

Madiu 25:28

Ga 'ina 'ali'eiyao 'ediya 'igwae, ‘'Igu analedi kina 'enega wa'ewadi be tai nina tauna loeposeyana sinabwana 'ilobena 'enaya wa'ebwa'e.’