Madiu 24:30 - Loina Tabu Auwauna NT

³⁰ 'Abo'agu Tomota Natuna, be tuta gote 'ena 'igu we'iwe'iyaya galewaya 'iapwesama, ta boda maibo'adi bale'uya si'itagu pwana debanega ma igu waiwai ta ma igu esaesa sinabwana yameema, be sida doonaona.

Madiu 24:30 Referans Kwoze

E'ita'ita 1:7

Ta wa'ita tauna ma'etamo galewega 'imwa'utama pwana 'enega, be tomota yauyaudi be wate lowa 'ana tobadiyao maibo'adi sida 'ita, be 'enega tomiya bale'u sena maibo'adi 'ediya sida nuwamwau be matanaya sida dedoi. Nadigega. Eimeni.

Guinuwa 1:11

ga sigwae, “Me Galili ye, to'ase manuna wadunedune galewaya? Yaubada ni'atu Yesu nina 'i'au'ewena galewaya, ta ma'etamo 'imwa'uta limanama, be 'ina mwa'utama 'ana 'ita 'etamo nadigega 'ina tu'e nina ni'a wa'itena.”

Madiu 26:64

Ta Yesu 'igwae, “Ni'atu nate 'uona saba, ta wate yaeonami 'aene 'abo'agu Tomota Natuna be ma'etamo wa'itagu Toewaiwai sana 'atainaya yamiyami be wate galewa pwananao debadiyega yamama.”

Luke 21:27

'Abo'agu Tomota Natuna, be tuta gote 'ena me bale'u maibo'adi si'itagu pwanega yamwa'umwa'utama ma igu waiwai ta ma igu esaesa sinabwana.

Madiu 24:3

Muliyega 'itauya Olibe 'oyana 'ena ga 'imiyatowaya, ta 'ina tononoyao 'ena simai ga taudimo simiyamiya ta 'enega sienaidena, sigwae, “'Inapwana, 'ueonama to tuta 'ena Anuwa Tabu nidi siligeidi, be 'imu tuta ilama, be tuta 'ana 'ebe losalowa manuna 'adi we'iwe'iyaya 'ue'itama be 'ada mwalatoni.”

2 Tesalonaika 1:7

'Omi tomiyamwau yaeonami 'aene ma'etamo 'ida 'Inapwana Yesu galewega 'ida mwa'uta maninima, ma ina aniloseyao ta 'awe sabelulu wate 'ida me'e, be 'omi ta 'abo'ama 'ida 'ebe eyawai'ata 'ida 'ebwa'eda,

Maki 13:26

'Abo'agu Tomota Natuna, be tuta gote me bale'u maibo'adi si'itagu pwanega yamwa'umwa'utama ma igu waiwai ta ma igu esaesa sinabwana,

Luke 22:69

Ta wada mwalatoni 'aene tuta gete 'enega be muliyega 'abo'agu Tomota Natuna yada miyami Yaubada Toewaiwai sana 'atainaya.”

Maki 13:4

“'Inapwana, 'ueonama to tuta 'ena Anuwa Tabu nidi siligeidi ta to we'iwe'iyaya 'adi 'ita 'ediyega 'ada mwalatoni 'aene yage nidi 'uonaediya 'iabe siapwesama?”

Madiu 24:37

Tuta gete, Noa 'ina tuta nadigega.

Madiu 24:39

ta muluwa 'iloesalutuidi, ga 'enega tomota maibo'adi sidalala; ta 'abo'agu Tomota Natuna 'igu ila limanama nadigega.

E'ita'ita 12:1

'Enega galewaya 'ebe nuwaowana sinabwana 'iapwesa, nate waine 'ebweuna ta 'ana 'oama sinala nadigega, ga nawalae 'ena 'itootoolo, ta debana 'ana iyala kwadima tuwelo sisaesae.