Madiu 18:14 - Loina Tabu Auwauna NT

¹⁴ 'Enega gete tugai wada mwalatoni 'aene Tamagu galewaya geya nuwana be gogama getedi 'ediyega 'ebweu yaita 'iesiesilae.

Madiu 18:14 Referans Kwoze

2 Pita 3:9

'Aina tomota 'idi nuwanuwa 'aene Yaubada geya'abo 'iguiguinuwedi yage nidi lowa 'iona upaupaediya. Ta 'omi geya'abo Yaubada 'ina guinuwa so'iso'i manudi wanuwanuwa, ta sa'i ma ina e'alama'i'ita 'iyamwayamwami be maibo'ami wada nuwa'ebuni, ta geya nuwana be 'ebweu yaita 'iloseye.

Yoni 17:12

Ta tuta nina 'abo'agu ma'edi 'imu waiwai nina 'u'ebwa'eguya 'enega ya'ita'i'isidi, ta nigeya 'ebweu wate yaita 'ediyega yaloseloseye, nate namo tai nina lowa Buki Tabu 'ena tauna manuna 'ieonena be 'aene 'iesilae.

Yoni 21:15

Ta 'idi loepa'ala mulinaya, Yesu Saimoni Pita 'ienaidena, 'igwae, “Saimoni 'oyo Yoni natuna, 'imu oboboma sinabwana 'eguya, ta taudi getedi tupwana, aga?” Ga Pita 'igwae, “'Inapwana ni'atu 'umwalamwalatonigu 'aene yaobobomemu.” Ta Yesu 'iona, “'Igu lamiyao 'uda 'ita'i'isidi.”

Ibeliu 12:13

be 'imi 'eda wada giepaepaluyedi, be 'abo tolopegoi sitautauya, geya'abo 'ena sibe'ube'u ta esi 'idi lopegoi nidi sida bobo'ana be taudi wate sida ewaiwai.

2 Timoti 2:10

Gete manuna 'igu miyamwau nidi getedi 'ediyega yae'alama'i'ita, be taudi Yaubada 'iesinuwediya yada lemedi, be 'aene Yesu Keliso 'i'etoseyedi, be gwausowala ataya sida loba.

Luke 12:32

Ta 'omi ona'ai'aila Yaubada 'ina sipiyao, 'enega geya'abo wamatamatauta, manuna ni'atu 'iesinuwemi be 'ina 'ebeloina 'ena walulugu.

Madiu 6:32

Ona getedi nadigega taudi 'etamo guguyoi 'enaya simiyami 'idi ona. Ta to'ase 'imi nuwanuwa Tamami galewaya ni'atu 'isinapudi, nadigega 'ami masula be 'ami bwasi be wate 'ami 'oama, be 'i'ebwa'emi tuga.

Madiu 6:9

'Enega tuta sidasida 'ediya gete nadigega wada sidasida: “Tamama galewaya 'amu esana 'a'amayabei, ta 'asideyo be 'oyo 'uda loinema,

Madiu 5:16

'Omi wate nadigega, 'ilobwenemi be 'imi maedana wada giesae tomota 'ediya, be 'enega 'imi guinuwa bobo'ana sida 'ita, ta Tamami galewaya sida tupui.

Madiu 18:13

Ta 'abo 'iloba limai, ona'ai'aila 'iabe 'ina gwausowala sinabwa wawasae. Ta esi site nainiti naini nidi bobo'adi nigeya manudi 'igwaugwausowala wawasae.

Madiu 18:15

“Ta 'eguma tasiyo to'umalina 'iguinuwe 'emuya, 'utoo be wateluwa namo 'ina to'umalina nina wagiepaepalu, be 'eguma 'enayo 'inono, bobo'ana, nate ni'atu waegosigosiyana limana.