Madiu 18:10 - Loina Tabu Auwauna NT

¹⁰ “Gogama gete nadigega geya'abo 'ebweuna 'ediyega wae'idi'idiye. Ona'ai'aila, gogama nidi 'idi aniloseyao tuta maibo'ana galewaya Tamagu matanaya simiyami, ta siduneduneye.

Madiu 18:10 Referans Kwoze

Ibeliu 1:14

Ta aniloseyao taudi yaluyaluwa tuga ta toepilialeale, taudi Yaubada 'isa'udi be 'aene silemeda 'abo'ada, yaisigedi 'abo 'etoseyana manuna 'iesinuweda.

Luke 16:22

Ga tuta nina Lasalo 'imwawasa aniloseyao si'au'ewena ga Ebelaamo selabenaya sisa'una topalupaludi 'idi senaya. 'Enega muliyega wate toesaesa nina 'imwawasa ga sisa'u 'ali'aliyena,

Madiu 24:31

Ta wate yoguli sida mu'e be 'igu aniloseyao yaetunedi be 'igu boda esiesinuwadi siegogonedima bale'u maibo'ana ta yagila maibo'adi 'idi sena 'ediyega.

Luke 1:19

Ta anilose nina 'igwae, “'Abo'agu Gebeliela, ta tuta yauna Yaubada matanaya yatootoolo, ta gete tuga Tauna 'ietuneguma be ale gete bobo'ana yasimane 'emuya.

Madiu 18:14

'Enega gete tugai wada mwalatoni 'aene Tamagu galewaya geya nuwana be gogama getedi 'ediyega 'ebweu yaita 'iesiesilae.

Madiu 18:6

Ta esi 'eguma yaita 'itoo be 'agu toemisao gogama getedi 'ediyega 'ebweuna 'igie be'uyei, tai nina nai waine nina 'ilobwenena be gulewa sinabwana 'otonaya silosipwa be magulewana siula mwa'ute ni'uya be 'idalala.

Madiu 2:19

'Enega Elodi 'ina mwawasa mulinaya Yaubada 'ina anilose 'iapwesa Yosepa 'ena, tuta nina Itipita 'ena ma'etamo 'imiyami, ta madawalega 'ieonena,

Madiu 2:13

Tuta muliyega 'ebweu anilose madawalega Yosepa 'enaya 'iapwesa ga 'iemataluwena, 'igwae, “'Utoolo be gwama masinana 'u'au'ewadi be wadedena sena Itipita 'ena be nada wamimi be 'ana laba yaemataluweyo, ta 'enega waila limanama. 'Imi dena gete 'alena, manuna Elodi 'iabe gwama nate 'i'ebese be 'aene 'iloemwawasi.”

Madiu 1:20

Ta Yosepa 'ina nuwanuwa ma'etamo 'ipaipaisewa, 'enega 'ina tuta 'enoya madawalega Yaubada 'ina anilose 'ebweu 'ieonena, 'igwae, “Yosepa, 'oyo Debida tubuna, geya'abo 'unuwanuwa mwau Meli 'ina 'euwana manuna, nate Yaluyaluwa Tabuna 'enega, 'enega tuwa tuga 'uda 'au'ewa mwaneyo.

1 Tesalonaika 4:8

'Enega 'abo yaita loina nina 'ile'oai, nigeya 'aene tomota 'idi loina, ta esi Yaubada 'ina loina 'ile'oale'oa, manuna Yaluyaluwa Tabuna tauna nuwanuwa 'ana togie'esasa, nate Yaubada 'ina 'ebwaya 'edaya.

1 Kolinita 11:22

'Enega 'ilobwenemi be taumi 'imi anuwa 'ediya wa'e'ai be wanuma, ta geya'abo Yaubada 'ana tapwalolo wagiegie to'umaliye, ta wate taudi gomagomabesodi wagiegie omayamayaedi. Gete manuna geya'abo yatuputupumi.

1 Kolinita 16:11

Ta geya'abo yaita Timoti nina 'ie'idi'idiye, ta tuta nina 'iilama 'eguya wada leme be ma ina gwausowala 'ida ila limanama, manuna tauna ta 'aidi wate gosedao yayamwayamwadi.

Loma 14:10

'Enega wanuwa'i'isi be geya'abo tasimiyao walo'alo'aegiledi, manuna 'etamo maibo'ada Yaubada matanaya tatoolo be 'enega tauna 'ida loineda,

Guinuwa 27:23

manuna guluwanai 'igu Yaubada nina, tauna yaemisena, 'ina anilose 'imai ga selabeguya 'itoolo,

Guinuwa 12:23

Tuta gote 'ena Yaubada 'ina anilose Elodi 'iununa, manuna Yaubada 'ana tupu 'isa'ubalena tauna 'enaya, ga ipwaipwa solana si'enina ga 'imwawasa.

Guinuwa 12:15

Ta sigwae, “Uwauwayo!” Ta waine 'awana 'ipa'ala 'aene tauna Pita nina. 'Enega sigwae, “Nai Pita yaluyaluwana.”

Guinuwa 10:3

Ta 'asiyata 'ebweu 'ena 'asuinuwanuwaya, Konilio nina 'ina 'enomata'ita'ita 'enega Yaubada 'ina anilose 'ebweu 'imeema 'enaya, ga 'i'ita 'ai'ailina, ta anilose nina 'igwae, “Konilio!”

Guinuwa 5:19

Ta boiboiya, 'Inapwana 'ina anilose 'ebweuna deli 'ana 'awa 'igigegena, ga 'i'au'ewa apwesedi,

1 Timoti 4:12

Tomota geya'abo sisinasinaliyo manuna 'aene 'oyo tubuwau tuga, ta esi 'imu ona bobo'ana, be 'imu guinuwa bobo'ana, 'imu oboboma, 'imu emisa, be 'imu bubuna 'esasena 'ediyega be 'oyo 'ebe'ita taudi 'ediya.

1 Kolinita 9:22

Ta wate 'abo taudi 'idi emisa nenetana ma'egwao 'amiyami, yabubuna taudi nadigega be 'aene yalemedi. 'Enega tomota maibo'adi ma'egwao manudi yatoo waiwai be yapanaitedi be 'enega 'aidi 'ediyega 'etoseyana sida loba Keliso 'enega.

Loma 15:1

Yaisigedi 'abo'ada 'ida emisa waiwaina, 'ilobweneda be gosedao taudi 'idi emisa nenetadi tada lemedi, ta geya'abo taudamo manuda tanuwanuwa.

Loma 14:21

'Enega gete tugai 'ilobweneda be yage nidi manudi gosedao siedidigula, esiyo nai oine, geya'abo tagitogitoodi, 'abona nai tagiebe'uyedi.

E'ita'ita 8:2

Ta muliyega anilose nidi sebeni Yaubada matanaya sitootoolo ya'itedi, ga Yaubada 'idi yoguli 'ebweuna 'ebweuna 'i'ebwa'edi.

Galetia 6:1

Gosegwao, 'eguma tasidai 'ebweu 'ina loegesi 'enega 'ibe'u, 'omi yaluyaluwami pa'alidi watoo be tasidai nina wagiepaepaluye, ta esi ma imi bubuna nuwana, be taumimo wa'ita'i'isimi, 'abona nai 'omi wate wabebe'u.

2 Kolinita 10:10

nadigega 'aina tomota sigwae, “Paulo 'ina leta 'ediyega 'i'ena pa'alida ta esi 'eguma matadaya 'ionaona 'ana 'ita nenetana tuga, ta 'ina ona nigeya bobo'ana.”

2 Kolinita 10:1

'Abo'agu Paulo taugu yasidasida 'emiya, 'atuwa Keliso 'ina bubuna nuwana 'enega, manuna 'omi wagwae, “Paulo 'ina bubuna nuwana 'eguma ma'edai tada onaona, ta esi 'edasolega 'i'ena pa'alida.”

Luke 10:16

'Enega 'ana tomuliyao nidi 'ediya 'igwae, “'Eguma yaita 'imi ona 'inonodi, nate 'abo'agu 'igu ona 'inonona. Ta 'abo yaita 'iguitoyasemi 'abo'agu wate 'iguitoyasegu, ta wate 'agu Toetune nina 'iguitoyasena.”

Madiu 12:20

Guna lasalasana geya'abo 'iguiguitoyase. Ta wate wenukwa butabutana geya'abo 'iuleule, ga 'ana laba tauna 'enega loina palupaluna 'iewaiwai,

Ibeliu 9:24

Ta Keliso nigeya 'ilugulugu Anuwa Tabu 'abi'abina 'enaya, nate Anuwa 'ai'aila 'ana ma'ama'ayau tuga, ta esi galewaya 'ilugu ga Yaubada matanaya 'imiyami be 'ilemalema manuda.