Madiu 17:20 - Loina Tabu Auwauna NT

²⁰ Ga Yesu 'igwae, “Manuna 'imi emisa nenetana. Yaona'ai'aila 'eguma 'imi emisa 'ana waiwai beno atuna nadigega, ma'etamo 'oya gote 'ena wagwae, ‘Gete 'enega 'umiya dolo’, 'iabe 'ida ematamatana tuga. Nadigega wate yage maibo'ana sawesawemiya be waguinuwedi.”

Madiu 17:20 Referans Kwoze

Luke 17:6

Ta 'inapwana nina 'igwae, “'Eguma 'imi emisa 'ana waiwai nadigega beno atuna, sawesawemiya be kaiwe gete sinabwana 'ena wada ona be wagwae, ‘'Uetodabuyo be olaya tauyo 'uasoyo,’ 'imi ona nina 'iematamatane.”

Maki 11:23

Wate yaona 'ai'aila 'emiya 'eguma yaita 'oyo nigeya 'uda enuwanaluwa ta esi 'uemiemisa be to'ase 'uda ona sida apwesa tuga, 'eguma 'oya gote 'uloine be 'ugwae, ‘'Umiya dolo olaya,’ 'imu ona 'ida ematamatane tuga.

Luke 18:27

'Enega 'ediya 'igwae, “To'ase tomota 'ediya nigeya kapekapeyana, Yaubada 'ena yage nidi kapekapeyadi.”

Luke 1:37

Manuna yage maibo'ana Yaubada sawesawenaya.”

Madiu 21:21

Ta Yesu 'ieonedi, “Yaona 'ai'aila 'emiya, 'eguma ma imi emisa ta nigeya ma imi enuwanaluwa, yage gete kaiwe 'ena yaguinuwenaya 'omi wate nadigega wada guinuwa'esa, be 'abo 'oya gote waloine be wagwae, ‘'Umiya dolo olaya’, 'ida guinuwa nadigega.

Maki 9:23

Ta Yesu tai nina 'ieonena, 'igwae, “Ni'atu 'uona ‘'Abo kapekapeyana’, aga? Ta esi 'uda nuwa'i'isi 'aene 'eguma taemisa, yage maibo'ana kapekapeyana 'edaya.”

1 Kolinita 13:2

Ta wate 'eguma 'abo'agu Yaubada 'ina tosimana, be ma igu sinasinapu sinabwana bale'u be galewa manudi, nai 'eguma yaemisa 'ai'aila Yaubada 'enaya be 'enega yaona 'oya 'ediya, kapekapeyana sitatauya mali senaya, ta 'abo nigeya oboboma 'ateguya, 'abo'agu tuga tai besobeso.

Madiu 13:31

'Ebweu wate onasemalimali 'i'ebwa'edi, 'igwae, “Yaubada 'ina etoloina 'atuwa nadigega beno atuna 'ebweuna tai 'i'ewena ga bagulaya 'iasona.

Yoni 11:40

Ta Yesu Malida 'ieonena, “Ni'a yasimana 'emuya 'aene 'eguma 'uemisegu, ma'etamo Yaubada 'ina waiwai 'uda 'ita.”

Maki 4:31

Nai gete nadigega 'ebweu kaiwe atuna 'enaya yada loesawa'i'i, nate beno, manuna beno atuna gidalina,

Ibeliu 3:19

'Enega tamwalamwalatoni 'aene taudi nigeya silugulugu, manuna nigeya siemiemisa.

Madiu 17:17

'Enega Yesu 'ieonedi, “'Omi sana mwa'adega? Ga debami pa'ala yaita! Nai nigeya waemiemisegu, aga? Ni'atu 'imi debapa'ala 'enega yalo'ame'ame. Baga, gwama nina wame'e 'eguya be ya'ita.”

1 Kolinita 12:9

be 'ebweuna emisa, be 'ebweuna gile'oasa,

Madiu 17:9

'Enega 'oyega siebuebusima ga Yesu 'iloinedi, 'igwae, “Yage nidi ni'a wa'itedi geya'abo tomota 'ediya wasimasimanedi ga 'ana laba 'abo'agu Tomota Natuna mwawasega yatoolo limana.”

Madiu 8:26

Ta 'ieonedi, “To'ase manuna wamatauta? Mwa'adega nigeya 'imi emisamo, aga?” 'Enega 'itoolo ga yagila be lisu 'iba'edi, 'igwae, “Walosa'u!”, ga bwagabwaga maibo'ana 'isiwalowa.

Madiu 17:19

Muliyega Yesu 'ina tononoyao simai ga taudimo Yesu ma'enao, ta sieonena, sigwae, “'Inapwana, mwa'adega 'abo'ama ga nigeya sawesawemaya be yaluyaluwa bi'i 'aula apwese.”

Maki 11:22

Ta Yesu 'ieonedi, 'igwae, “'Eguma 'imi emisa wasa'u Yaubada 'ena, 'omi wate 'imi guinuwa waiwaidi wada guinuwedi.

Madiu 14:29

Ta Yesu 'igwae, “'Umai.” 'Enega Pita wagega 'imwa'uta ga ola debanaya 'itautauya Yesu 'enaya.