Madiu 14:27 - Loina Tabu Auwauna NT

²⁷ Ta Yesu 'ieonedi, “Geya'abo wamatamatauta. 'Abo'agu tuga, 'imi 'inapwana.”

Madiu 14:27 Referans Kwoze

Yoni 16:33

Ona gete yasimanena 'emiya be 'enega ma imi gwausowala wada miyami, manuna 'abo'agu ma'emi. Ta ma'etamo bale'uya wamiyamwau, ta tuwa tuga wada 'atepatu, manuna 'abo'agu loina bale'u yaewaiwai sinena.”

Guinuwa 23:11

Ta boiboiya 'Inapwana Paulo selabenaya 'itoolo, ta 'ieonena, “Paulo, 'uda 'atepatu. Ni'atu 'usimanegu Yelusalema 'ena, be nadigega wate 'iabe Loma 'ena 'uda simana'esa.”

Yoni 6:20

'Enega 'ieonedi, “Geya'abo wamatamatauta. 'Abo'agu tuga.”

Madiu 17:7

ga Yesu 'imai ga 'igitoodi, 'igwae, “Watoolo. Geya'abo wamatamatauta.”

Madiu 9:2

'Enega 'ebweu tokweno boda si'aalina 'ina 'ebe'eno 'enega ga sime'ena Yesu 'enaya. Boda nidi 'idi emisa Yesu 'imwalatonina ga tokweno nina 'ieonena, 'igwae, “Natugu, 'uda gwausowala, 'imu bubuna to'umalidi 'adi nuwatau ni'atu 'ulobedi.”

Luke 1:30

Ta anilose nina 'igwae, “Meli, geya'abo 'umatamatauta, ta Yaubada 'ina oboboma sinabwa wawasae 'emuya 'imiyami,

Luke 1:13

Ta anilose 'igwae, “Sakalaya, geya'abo 'umatamatauta. Yaubada 'imu sida ni'atu 'inonona, 'enega mwaneyo Ilisabeti natuyo me'olotona 'ienatunei be 'ueese Yoni.

Madiu 28:10

'Enega Yesu 'ieonedi, 'igwae, “Geya'abo wamatamatauta, ta esi watauya be gosegwao waemataluwedi be sitatauya Galili 'ena, be nada sida 'itagu.”

Luke 2:10

'Enega anilose nina 'ieonedi, 'igwae, “Geya'abo wamatamatauta, ta esi wada gwausowala, manuna ale bobo'ana yame'ena 'emiya be 'enega 'iabe tomota maibo'adi wate 'idi 'ebe gwausowala.

Madiu 14:28

'Enega Pita 'iona, 'igwae, “'Inapwana, 'eguma ona'ai'aila 'oyo, 'ueonagu be ola debanega yawawa 'emuya.”

Madiu 28:5

Ta anilose nina iine nidi 'ieonedi, 'igwae, “Geya'abo wamatamatauta. Yamwalamwalatoni 'omi Yesu tauna ni'atu siloemwawasina wa'ebe'ebese.

Maki 6:50

'enega simatauta ga sinanala. Ta Yesu 'ieonedi, 'igwae, “Geya'abo wamatamatauta. 'Abo'agu tuga, 'imi 'inapwana.”

Luke 5:10

ta wate nadigega Saimoni gosenao nidi Yemesa be Yoni, taudi Sebedi natunao. 'Enega Yesu Pita 'ieonena, 'igwae, “Geya'abo 'u'ate'ate sa'ala. Ta esi gete 'enega be tomota nadigega 'uda 'ona'esedi.”

Luke 12:32

Ta 'omi ona'ai'aila Yaubada 'ina sipiyao, 'enega geya'abo wamatamatauta, manuna ni'atu 'iesinuwemi be 'ina 'ebeloina 'ena walulugu.