Madiu 13:47 - Loina Tabu Auwauna NT

⁴⁷ “Ta wate Yaubada 'ina loina 'atuwa nadigega gomana tomota siyauyena olaya, ga mali iyana be mali iyana si'onedi,

Madiu 13:47 Referans Kwoze

Yoni 15:6

Ta 'abo yaita tauna nigeya 'eguya 'imiyami, sida ula apwese be 'i'oapelu, nadigega naliyao 'upwa'upwa yauledi, siegogonedi be kaiwe sabelulu 'ena sigabudi.

E'ita'ita 3:1

Anilose nina totapwaloloyao Salidisa 'ena 'i'ita'ita'i'isidi 'ina leta 'uda 'etoladi Me Salidisa nidi manudi be 'uda gwae: Ale gete 'imai tai nina 'enega, tauna tai nina Yaubada Yaluyaluwana sebeni be wate kwadima sebeni 'ena simiyami. Tauna gete 'ina simana 'emiya, 'igwae, “'Imi guinuwao ni'atu yamwalamwalatonidi, ta wate tetelimi yanononaya 'aene mayawasimi wamiyami, ta nigeya sa'i, manuna yaluyaluwami ni'atu simwawasa.

Maki 1:17

Ga Yesu 'ibwauyedima, 'igwae, “Wamuliyegu be yada gibubumi tomota 'adi togomanao.”

Galetia 2:4

Ta 'aidi wate gosedao kabokabodi ni'atu 'emaya siluguma, nuwanuwadi be 'ida miya bobo'ana Yesu Keliso 'i'ebwa'eda sida 'ita, ta taudi nigeya toemisa 'ai'aila, manuna nuwanuwadi be loina mwauna si'ebwa'ema.

2 Kolinita 11:26

Ta wate 'igu 'adau 'ediyega 'ebe esilae yalobedi bwasi sinabwadi 'ediyega, be to'ipwalao 'ediyega, be 'igu bodao taudi me Yudia 'ediyega be taudi nigeya me Yudia 'ediyega ta 'asa sinabwadi 'ediya, be mitawa 'ediya ta wate bwagabwagaya, be wate tasidao kabokabodi 'ediyega,

Guinuwa 20:30

Ta wate 'omi 'iabe 'emiyega 'aidi sida e'ale be sie'ita kabokabo 'emiya be 'aina tomota sida lisidi taudi 'idi bodao 'ediya.

Luke 5:10

ta wate nadigega Saimoni gosenao nidi Yemesa be Yoni, taudi Sebedi natunao. 'Enega Yesu Pita 'ieonena, 'igwae, “Geya'abo 'u'ate'ate sa'ala. Ta esi gete 'enega be tomota nadigega 'uda 'ona'esedi.”

Madiu 4:19

'Enega 'ibwauyedi, ga 'igwae, “Wamuliyegu be tomota wada 'onadi.”

1 Kolinita 11:19

Ta 'imi eweyaweyala 'ana bobo'ana nate 'aene yaisigedi taudi toekalesiya 'ai'ailao ta'inanadi.

Yoni 15:2

Ta 'abo naligwao nigeya sida uwa, 'i'upwa'upwa yauledi, ta esi naligwao nidi taudi uwadi 'isa'una, 'igie'esasedi be 'enega sida uwa sinabwana.

Madiu 13:44

“Yaubada 'ina loina 'atuwa nadigega esaesa sinabwana, lowa 'ebweu bwa'a 'enaya sikwaiyena ta 'ebweu tai 'ilobena, ga 'ikwaiya limena, 'enega ma ina gwausowala 'itauya ga 'ina gwegweyao maibo'adi 'iegimwaneyedi, ga 'adi maisa 'i'ewena ga bwa'a nina 'igimwanena.

Madiu 13:46

'Enega 'ebweu mwali bobo'ana wawasae 'ilobena ga 'enega tauna 'ina bagi maibo'adi 'ipeledi be 'aene mwali nina bobo'ana wawasae 'ida 'ewa.

Madiu 13:48

ga gomana nina 'imaa geyogeyoi ta silisina dabalaya, ga simiyatowa, ta iyana maibo'adi siweyalidi, be iyana bobo'adi gaeba 'ediya sisa'udi ta iyana to'umalidi siuledi.