Madiu 13:30 - Loina Tabu Auwauna NT

³⁰ Ta tuta sesoi esiya 'enaya topaisewao yada eonadi be pwatula siegogone nuganedi be sibwagilidi ta 'enega sigabu yauledi, ta witi siegogonedi be 'igu anuwa masulaya siedododi.”

Madiu 13:30 Referans Kwoze

Madiu 3:12

Ta tai gete 'ina inawega 'iabe witi 'ida sabutudi be uwana sisasagu be muliyega uwana bobo'adi 'iedodo 'ina anuwa masulaya, ta sumwasumwa nidi 'awesabelulu ataya 'ena 'igabudi.”

1 Timoti 5:24

'Aina tomota 'idi to'umalinao miyamiya apwesadi manudi 'adi loina sida loba. Ta 'aidi 'idi to'umalinao miyamiya kwaikwaiyidi, ta ma'etamo be sida loapwesedi.

1 Kolinita 4:5

'Enega gete tuga geya'abo 'ebweu yaita gosenao 'ediya 'iesiesinuwa 'aene bobo'adi nai to'umalidi, manuna ma'etamo 'ida 'Inapwana 'imama be taunamo 'iloineda. Ta 'ina loina nina palupaluna, manuna 'ida nuwanuwa to'umalidi 'atedega Yaubada 'ida gieapwesedi be 'ida loineda, ta 'ida nuwanuwa bobo'adi wate 'ida gieapwesedi, be manudi 'ida 'awabobo'aneda.

Yoni 15:6

Ta 'abo yaita tauna nigeya 'eguya 'imiyami, sida ula apwese be 'i'oapelu, nadigega naliyao 'upwa'upwa yauledi, siegogonedi be kaiwe sabelulu 'ena sigabudi.

Madiu 25:32

be 'ebeloina bale'uya maibo'adi mataguya sida egogonedima be yaweyalidi 'atuwa sipi 'adi to'ita'i'ita 'iweyalidi gota 'ediyega,

Luke 3:17

Ta tai gete 'ina 'inawega 'iabe witi 'ida sabutudi be uwana sisasagu be muliyega uwana bobo'adi 'iedodo 'ina anuwa masulaya, ta sumwasumwa nidi 'awe sabelulu ataya 'ena 'igabudi.”

Madiu 25:41

“Ta taudi gegeumiguya simiyami yaeonadi, ‘'Omi toto'umalimi wapilisinegu be watatauya kaiwe sabesabelulu atayana 'enaya, tauna Yaubada 'igibubuna Seitani ma ina bodao manudi,

Madiu 13:25

'Enega boiboiya si'eno mwataya, ta 'ana talauwala 'ebweu 'imai bagulaya ga pwatula 'ana 'ita 'atuwa witi wate 'ilelewanedi witi 'ai'aila soladiya, ga muliyega 'itauya.

Madiu 13:29

“Ta 'inapwana nina 'igwae, ‘Tuwa! Wasa'u be sitabwa leleleyama, manuna 'eguma watoo be pwatula wadabu yauledi, nai 'aina witi wate ma'ediyao wadabu egogonedi.