Madiu 13:15 - Loina Tabu Auwauna NT

¹⁵ Manuna tomota getedi 'idi nuwanuwao si'elokwani, ga tenadi 'itui, ta wate matadi 'ikebo. 'Abona nai matadiyega si'ita, ta tenadiyega sinono be sinuwa sabwalena, be 'eguya sida sanaila, be yagie bobo'anedi.’

Madiu 13:15 Referans Kwoze

Maki 4:12

ta 'ana nuwasabwalena nigeya simwalamwalatoni, ta wate 'ana mwalatoi si'ebe'ebese ta nigeya sawesawenaya siloba. 'Enega wate nigeya sawesawenaya 'idi loegesiyao 'ediyega sinuwanuwa'ebuni, be geya'abo Yaubada 'inuwanuwataudi.”

Ibeliu 5:11

Yage gete manuna ona yauna simiyami, nuwanuwagu be yasimanedi 'emiya, ta nigeya kapekapeyana, manuna tenami tuituidi.

2 Timoti 4:4

Ta e'ita dumadumadi 'adi muliya 'enega e'ita 'ai'aila sipilisine.

Guinuwa 7:57

Ta Sitibeni 'ana talauwalao sibwaubwau toitoila, ga tenadi sigibodedi be 'aene Sitibeni 'ina ona geya'abo sinoono, ta maibo'adi sipili, ga sigiyaina,

E'ita'ita 22:2

ga 'asa nina gamwagamwaninega 'idaudolo. Ta bwasi nina tupitupina 'ediya yawasida kaiwenao sitootoolo. Kaiwe nidi uwadi nawalae 'ebweuna 'ebweuna dumadumadi be dumadumadi, 'enega yakwala 'ebweuna matuwelo siuwauwa, be yawanao boda maibo'adi bale'uya 'idi mulamula.

Guinuwa 3:19

'Enega 'ilobwenemi be wanuwa'ebuni be 'imi loegesiyao 'ida 'ewayauledi, be 'ami lotoona bobo'ana wada loba 'Inapwana tauna 'enega,

Luke 19:42

“Yelusalema ye, 'iabe tomotenimwao nuwa'ole'oledi sa'i, manuna tuta gete 'enaya 'adi 'etoseyana nina nigeya simwalamwalatoni.

Guinuwa 28:27

Manuna tomota getedi 'idi nuwanuwao si'elokwani, ga tenadi situi, ta wate matadi sikebo. 'Abona nai matadiyega si'ita ta tenadiyega sinono, be sinuwa sabwalena, be 'eguya sida sanaila, be yagie bobo'anedi.’ ”